ബോളിവുഡിലെ തുടർ പരാജയ ചിത്രങ്ങൾക്കിടയിൽ ചെറിയൊരു ആശ്വാസം സമ്മാനിച്ച സിനിമയായിരുന്നു ഭൂൽ ഭൂലയ്യ 3. നവംബർ 1ന് തിയറ്റുകളിൽ എത്തിയ ചിത്രം മണിച്ചിത്രത്താഴിന്റെ ഹിന്ദി വെർഷനായ ഭൂൽ ഭൂലയ്യയുടെ മൂന്നാം ഭാഗമാണ്. കാർത്തിക് ആര്യൻ, വിദ്യാ ബാലൻ, മാധുരി ദീക്ഷിത്, ത്രിപ്തി ദിമ്രി തുടങ്ങിയവർ കേന്ദ്ര കഥാപാത്രങ്ങളിലെത്തിയ ചിത്രമിപ്പോൾ ഒടിടിയിൽ റിലീസിന് ചെയ്യാൻ ഒരുങ്ങുകയാണ്. ഇപ്പോൾ സിനിമയുടെ ഒടിടി റിലീസ് പ്രഖ്യാപിച്ചിരിക്കുകയാണ്.
ഭൂല്‍ ഭൂലയ്യ 3 നെറ്റ്ഫ്ലിക്സിലൂടെയാണ് ഒടിടിയില്‍ എത്തുക. 27നാണ് ഒടിടിയില്‍ പ്രദര്‍ശനത്തിനെത്തുക. ചിത്രം 389.34 കോടിയാണ് ആകെ നേടിയത് എന്നാണ് റിപ്പോര്‍ട്ട്. ബോക്സ് ഓഫീസിൽ മികച്ച പ്രതികരണമാണ് ഭൂൽ ഭൂലയ്യയ്ക്ക് ലഭിച്ചത്. മുപ്പത്തി നാല് ദിവസത്തിൽ ഇന്ത്യയിൽ നിന്നുമാത്രം 281.20 കോടി ചിത്രം നേടിയെന്നാണ് റിപ്പോർട്ട്. അനീസ് ബസ്മി സംവിധാനം ചെയ്ത ചിത്രമാണ് ഭൂൽ ഭൂലയ്യ 3. 2022ലായിരുന്നു ഭൂൽ ഭൂലയ്യയുടെ രണ്ടാം ഭാഗം റിലീസ് ചെയ്തത്. കാര്‍ത്തിക് ആര്യനും കെയ്റ അദ്വാനിയും ആയിരുന്നു ആ ചിത്രത്തിൽ പ്രധാന വേഷത്തിൽ എത്തിയത്. ബോക്സ് ഓഫീസിൽ വലിയ വിജയം നേടാനും ചിത്രത്തിന് സാധിച്ചിരുന്നു.
ഭൂല്‍ ഭൂലയ്യ മൂന്നാം ഭാഗം സിനിമയില്‍ നായകൻ കാര്‍ത്തിക് ആര്യ ആണ്. ‘ഭൂല്‍ ഭൂലയ്യ’ ചിത്രത്തിന്റെ രണ്ടാം ഭാഗത്തിലും നായകൻ കാര്‍ത്തിക് ആര്യൻ ആയിരുന്നു. ‘ഭൂല്‍ ഭൂലയ്യ’ ചിത്രത്തിലെ പ്രേത കഥാപാത്രമായ ‘മഞ്‍ജുളിക’യായി വിദ്യാ ബാലൻ മൂന്നാം ഭാഗത്തിലും ഉണ്ട്. മാധുരി ദീക്ഷിത്തിനും തൃപ്‍തി ദിമ്രിക്കുമൊപ്പം ചിത്രത്തില്‍ വിജയ് റാ്, രാജ്‍പാല്‍ യാദവ്, സഞ്‍ജയ് മിശ്ര, അശ്വിനി കല്‍സേഖര്‍, രാജേഷ് ശര്‍മ, അരുണ്‍, മനിഷ്, സൗരഭ് ദുബേ, ഡെൻസില്‍ സ്‍മിത്ത്, സുരേഷ് മേനോൻ, മൗമിത, ശിവം ദുബെ, സുരേന്ദ്ര താക്കൂര്‍, പ്രതിക ദാസ്, റോസ് സര്‍ദന, അവേരി ശിംഘറോയ്, ബദ്രി ചവാൻ, അരവിന്ത് പ്രകാശ്, പരിനീത, മുസ്‍തഗീം തുടങ്ങിയവരും നായകൻ കാര്‍ത്തിക് ആര്യനൊപ്പം പ്രധാന കഥാപാത്രങ്ങളായി ഉണ്ട്.
ആകാശ് കൗശികാണ് തിരക്കഥ എഴുതിയത്. ഭുഷൻ കുമാറിനും കൃഷൻ കുമാറിനുമൊപ്പം ചിത്രത്തിന്റെ നിര്‍മാണത്തില്‍ ഖേദനിയും ഉണ്ട്. കാര്‍ത്തിക് ആര്യൻ നായകനായ ഹിറ്റ് ചിത്രത്തിന്റെ ഛായാഗ്രാഹണം നിര്‍വഹിച്ചത് മനു ആനന്ദാണ്. സന്ദീപ് ശിരോദ്‍കറാണ് പശ്ചാത്തല സംഗീതം.