അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചർമ്മസംരക്ഷണത്തിനായി പലവഴികളും തിരയുന്നവരാണ് ആളുകൾ. ചർമ്മത്തിന് നിറം വയ്ക്കാൻ ആയിട്ടാവും പല പരീക്ഷണങ്ങളും ആളുകൾ ചെയ്യുന്നത്. നിറം കൂട്ടാൻ ക്രീമുകളും ഗ്ലൂട്ടത്തിയോൺ പരീക്ഷണങ്ങളും എല്ലാം പലരും ചെയ്യാറുണ്ട്. എന്നാൽ ചിലപ്പോഴൊക്കെ ഇവയിൽ നിന്നും ഉണ്ടാകുന്ന പാർശ്വഫലങ്ങൾ പലരെയും ബുദ്ധിമുട്ടിക്കാറുമുണ്ട്. അതുകൊണ്ടുതന്നെ ചർമ്മത്തിനു നിറം കൂട്ടാനായി വീട്ടിൽ തന്നെ ചെയ്യാൻ കഴിയുന്ന ഒരു ഫേഷ്യലിനെ കുറിച്ച് പറഞ്ഞുതരാം.
വലിയ പണച്ചിലവൊന്നും ഇതിന് ആവശ്യമില്ല. ഇതിന് വേണ്ടത് കഞ്ഞിവെള്ളമാണ്. കഞ്ഞിവെള്ളം എന്ന് കേൾക്കുമ്പോൾ നെറ്റി ചുളിക്കേണ്ട കാര്യമില്ല. കാരണം ചർമ്മത്തിന് പല ഗുണങ്ങളും ഒരുപോലെ നൽകുന്ന ഒന്നാണ് കഞ്ഞിവെള്ളം. കഞ്ഞിവെള്ളം ഉപയോഗിച്ചുള്ള സിംപിള്‍ ഫേഷ്യല്‍ മാസ്‌ക് കൊണ്ട് ചര്‍മത്തിനുണ്ടാകുന്ന പല പ്രശ്‌നങ്ങള്‍ക്കും പരിഹാരമാകും. ഇതിന് പ്രത്യേകിച്ച് ചിലവുമില്ല. വീട്ടില്‍തന്നെ ലഭിയ്ക്കുന്ന ഒന്നാണ് കഞ്ഞിവെള്ളം. മുതിര്‍ന്നവര്‍ക്കും കുട്ടികള്‍ക്കുമെല്ലാം ഒരുപോലെ ഉപയോഗിയ്ക്കാവുന്ന ഒന്നാണിത്. ഈ കഞ്ഞിവെളളം ഫേഷ്യല്‍ നല്‍കുന്ന ഗുണങ്ങള്‍ പലതാണ്. വെയിലില്‍ പോയി വരുമ്പോള്‍ ചര്‍മത്തിനുണ്ടാകുന്ന ടാനും ഇതുപോലെയുളള ഇന്‍ഫ്‌ളമേഷനുകളും മാറാന്‍ ഇതേറെ നല്ലതാണ്. ചര്‍മത്തിലുണ്ടാകുന്ന നീര്‍ക്കെട്ടും മറ്റും വെയിലില്‍ പോയി വരുമ്പോള്‍ ചര്‍മത്തിലുണ്ടാകുന്ന പ്രശ്‌നമാണ്. വെയിലും പൊടിയും ഏറ്റുണ്ടാകുന്ന പ്രശ്‌നങ്ങള്‍ക്ക് പരിഹരിയ്ക്കാന്‍ കഞ്ഞിവെളളം നല്ലതാണ്.
ചര്‍മത്തിനുണ്ടാകുന്ന വരണ്ട സ്വഭാവം മാറാന്‍ ഇതേറെ നല്ലതാണ്. ഇത് കൊളാജന്‍ ഉല്‍പാദനത്തിന് സഹായിക്കുന്നു. ഇതിനാല്‍ തന്നെ ചര്‍മത്തിന് പ്രായക്കുറവ് തോന്നിപ്പിയ്ക്കാന്‍ മികച്ചതാണ് കഞ്ഞിവെള്ളം. ചര്‍മത്തില്‍ ചുളിവുകളും വരകളും വരുന്നത് തടയാന്‍ ഇതേറെ ഗുണകരമാണ്. ചര്‍മത്തിന് പാര്‍ശ്വഫലങ്ങളില്ലാതെ തന്നെ വെളുപ്പു നിറം നല്‍കുന്ന ഒന്നാണിത്. ചര്‍മത്തിലെ ചെറിയ സുഷിരങ്ങളിലുണ്ടാകുന്ന വലച്ചില്‍ ഇത് ഇല്ലാതാക്കുന്നു. ഇതെല്ലാം ചര്‍മത്തിന് നല്ലതാണ്.
ചര്‍മത്തില്‍ കഞ്ഞിവെളളം വെറുതേ പുരട്ടിയാല്‍ മതി. ഇതുതന്നെ കാര്യമായ ഗുണം ലഭിയ്ക്കും. ചര്‍മത്തില്‍ കഞ്ഞിവെള്ളം അലര്‍ജിയുണ്ടോയെന്ന് നോക്കിയ ശേഷം ഇത് പുരട്ടാം. ഇത് പുളിപ്പിച്ചോ അല്ലാതെയോ പുരട്ടാം. കഞ്ഞിവെള്ളം മാറ്റി രണ്ടുമണിക്കൂര്‍ വച്ചാല്‍ അടിയിലെ സ്റ്റാര്‍ച്ച് ഭാഗം മുഖത്ത് പുരട്ടാം. ഇത് അല്‍പം കഴിഞ്ഞാല്‍ കഴുകാം. ഇത് കഞ്ഞിവെള്ളം മാത്രമായി ചേര്‍ക്കാം. ഇതല്ലെങ്കില്‍ കഞ്ഞിവെള്ളവും പാല്‍പ്പാടയും ചേര്‍്ത്ത് ഉപയോഗിയ്ക്കാം. പാല്‍പ്പാട ഇഷ്ടമില്ലാത്തവരെങ്കില്‍ പപ്പായ പഴുത്തത് ചേര്‍ത്ത് പുരട്ടാം. ഇതല്ലെങ്കില്‍ തൈരോ ഓട്‌സ് പൊടിച്ചതോ ചേര്‍ത്ത് ഉപയോഗിയ്ക്കാം.
ഇത് മഞ്ഞുകാലത്ത് ചര്‍മത്തിലുണ്ടാകുന്ന വലിച്ചിലും അസ്വസ്ഥതയും വരണ്ട സ്വഭാവവും മാറാന്‍ സഹായിക്കുന്നു. മാത്രമല്ല, വേനല്‍ക്കാലത്ത് വെയിലിലും മറ്റും പോയി വന്നാല്‍ ചര്‍മത്തിനുണ്ടാകുന്ന അസ്വസ്ഥതകളും ചൊറിച്ചിലും ടാനുമെല്ലാം മാറാനും ഇതേറെ നല്ലതാണ്. ഏതുതരം ചര്‍മത്തിനും ഇതേറെ ഉപകാരപ്രദമാണ്. ആഴ്ചയില്‍ എത്ര ദിവസം വേണമെങ്കിലും ഏത് പ്രായക്കാര്‍ക്കും ഇത് ഉപയോഗിയ്ക്കാം.
CONTENT HIGHLIGHT: rice water facial for fair skin
