അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുതുവർഷം ആഘോഷമാക്കാൻ കെഎസ്ആർടിസി ബജറ്റ് ടൂറിസം സെൽ ഒരുങ്ങി. പുതിയ യാത്രകളുമായി ജനുവരിയിലെ ടൂർ ഡയറി പുറത്തിറക്കി. ഇക്കുറി വിവിധയിടങ്ങളിലേക്കായി 22 യാത്രകളാണ് ഒരുക്കിയിട്ടുള്ളത്. നെല്ലിയാമ്പതി, സൈലന്റ് വാലി, നെഫർറ്റിറ്റി ആഡംബര കപ്പൽ യാത്ര, മലക്കപ്പാറ, കോഴിക്കോട്, ആലുവയിലെ തിരുവൈരാണികുളം ക്ഷേത്രം, ഗവി, മൂന്നാർ എന്നിവിടങ്ങളിലേക്കാണു യാത്ര.
ആദ്യ യാത്ര 2നു രാവിലെ 6നു സൈലന്റ് വാലിയിലേക്കും രാവിലെ 7നു നെല്ലിയാമ്പതിയിലേക്കുമാണ്. ബസ് ചാർജ് മാത്രം നൽകിയാൽ മതി. 13, 15, 17, 20, 22 തീയതികളിൽ തിരുവൈരാണിക്കുളം ക്ഷേത്രത്തിലേക്കാണു യാത്ര. പാലക്കാട് ഡിപ്പോയിൽ നിന്ന് രാവിലെ 6നു പുറപ്പെടും. വൈകിട്ടോടെ തിരിച്ചെത്തും. ഒറ്റ ദിവസത്തെ യാത്രയ്ക്ക് ബസ് ചാർജ് മാത്രം നൽകിയാൽ മതി. കോഴിക്കോട്ടേക്കും ഇക്കുറി ഉല്ലാസ യാത്ര ഒരുക്കുന്നുണ്ട്. ബുക്കിങ്ങിനായി ഫോൺ: 9447837985, 8304859018.
യാത്ര വിവരങ്ങൾ, തീയതി എന്നിവ സഹിതം
∙ നെല്ലിയാമ്പതി: 2, 5, 12, 19, 26 തീയതികളിൽ രാവിലെ 7നു പാലക്കാട് ഡിപ്പോയിൽ നിന്ന് യാത്ര തിരിക്കും. (ബസ് ചാർജ് മാത്രം). വരയാടുമല, സീതാർകുണ്ട്, കേശവൻപാറ, ഓറഞ്ച് ഫാം, പോത്തുപ്പാറ, പോത്തുണ്ടി ഡാം.
∙ സൈലന്റ് വാലി: 2, 10, 26 തീയതികളിൽ രാവിലെ 6നു പാലക്കാട് ഡിപ്പോയിൽ നിന്ന്. വാച്ച് ടവർ, കാഞ്ഞിരപ്പുഴ ഡാം.
∙ നെഫർറ്റിറ്റി ആഡംബര കപ്പൽ: 8, 24 തീയതികളിൽ രാവിലെ 11ന് പുറപ്പെടും. ബസ് ചാർജ്, ഷിപ്പിങ് ചാർജ്, രാത്രി ഭക്ഷണം. (ഒറ്റ ദിവസത്തെ യാത്ര).
∙ മലക്കപ്പാറ: 11ന് രാവിലെ 6ന്. ബസ് ചാർജ് മാത്രം. അതിരപ്പിള്ളി–വാഴച്ചാൽ വെള്ളച്ചാട്ടം, ഷോളയാർ എന്നിവ സന്ദർശിക്കും.
∙ കോഴിക്കോട്: 12, 19 തീയതികളിൽ രാവിലെ 5ന് പാലക്കാട് ഡിപ്പോയിൽ നിന്നു പുറപ്പെടും. ബസ് ചാർജ് മാത്രം. കടലുണ്ടി, പഴശ്ശി മ്യൂസിയം, ബേപ്പൂർ ബീച്ച്, ഭട്ട് റോഡ് ബീച്ച്, മിശ്കാൽ മോസ്ക് എന്നിവ കണ്ട് രാത്രിയോടെ തിരിച്ചെത്തും.
∙ ഗവി: 17, 25 തീയതികളിൽ രാത്രി 10നു പുറപ്പെടും. ബസ് ചാർജ്, പ്രവേശ ഫീസ്, ഉച്ചഭക്ഷണം (രണ്ടു ദിവസത്തെ യാത്ര). 5 ഡാമുകൾ, അഡവി കുട്ടവഞ്ചി സവാരി, പരുന്തുംപാറ എന്നിവ സന്ദർശിക്കും.
∙ മൂന്നാർ: 20, 29 തീയതികളിൽ രാവിലെ 10നു പുറപ്പെടും. ബസ് ചാർജും താമസസൗകര്യത്തിനും ചാർജും. ചീയപ്പാറ വെള്ളച്ചാട്ടം, വാളറ വെള്ളച്ചാട്ടം, ആനയിറങ്കൽ ഡാം, ചതുരംഗ പാറ എന്നിവിടങ്ങൾ സന്ദർശിക്കും. കെഎസ്ആർടിസിയുടെ ചിറ്റൂർ, മണ്ണാർക്കാട്, വടക്കഞ്ചേരി ഡിപ്പോകളിൽ നിന്നു യാത്രകളുണ്ട്.
