അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മലയാള സിനിമയില്‍ സംഭവിച്ചുകൊണ്ടിരിക്കുന്ന മാറ്റങ്ങളെ ഉള്‍ക്കൊള്ളാനുള്ള മികവുറ്റ ചുവടുവെപ്പ് നടത്തുന്ന സംവിധായകൻ ആണ് ലാൽ ജോസ്. അത്തരത്തിൽ ലാല്‍ ജോസിന്റെ മികച്ച ഒരു ചിത്രമാണ് ഡയമണ്ട് നെക്ലസ്. അറബിക്കഥയ്ക്ക് ശേഷം ഇക്ബാല്‍ കുറ്റിപ്പുറവും ലാല്‍ജോസും ഒന്നിച്ച ചിത്രത്തിന്റെ മുക്കാല്‍ പങ്കും ചിത്രീകരിച്ചിരിക്കുന്നത് ദുബയിലാണ്. സമ്പന്നതയുടെ വര്‍ണ്ണക്കാഴ്ച്കളാണ് ചിത്രം പറയുന്നത്. ഡോ അരുണ്‍ കുമാറിന്റെ കുത്തഴിഞ്ഞ ജീവിതം തീര്‍ത്ത ആഘോഷങ്ങളില്‍ മായ, ലക്ഷ്മി, രാജശ്രീ എന്നീ കഥാപാത്രങ്ങള്‍ കടന്നുവരികയും കടന്നുപോകുന്നതും ചിത്രത്തിൽ കാണാം. ആര്‍ഭാടവും ആഘോഷവും കൊണ്ട് തിമര്‍ത്ത് ജീവിച്ച അരുണ്‍ കുമാര്‍ കടക്കാരനായി മാറുന്ന ദുരവസ്ഥയും ചിത്രം പറഞ്ഞുവെക്കുന്നു. ഇപ്പോൾ ചിത്രത്തിലെ അരുൺ കുമാർ എന്ന കഥാപാത്രത്തെക്കുറിച്ച് പറയുകയാണ് ലാൽ ജോസ്.
ഡയമണ്ട് നെക്ലസ് എന്ന ചിത്രത്തിൽ ഫഹദ് ഫാസിൽ അവതരിപ്പിച്ച ഡോ. അരുൺ കുമാർ എന്ന കഥാപാത്രം പൃഥ്വിരാജ് ആഗ്രഹിച്ചിരുന്നു എന്നാണ് ലാൽ ജോസ് പറയുന്നത്. എന്തുകൊണ്ട് തന്റെ മുഖം മനസിലേക്ക് വന്നില്ല എന്ന പരിഭവം രാജു പങ്കുവെച്ചു എന്നാണ് ലാൽ ജോസ് പറയുന്നത്. ആയാളും ഞാനും തമ്മിൽ ചിത്രത്തിനായുള്ള കൂടിക്കാഴ്ച്ചയ്ക്കിടെയായിരുന്നു പൃഥ്വിരാജ് ഇക്കാര്യം ലാൽ ജോസിനോട് സംസാരിച്ചത്.
ലാൽ ജോസിന്റെ വാക്കുകൾ ഇങ്ങനെയാണ്. – ‘ഡയമണ്ട് നെക്ലസ് എന്ന ചിത്രത്തെക്കുറിച്ച് എന്തുകൊണ്ടാണ് എന്നോട് പറയാതിരുന്നത് എന്ന് പൃഥ്വിരാജ് ചോദിച്ചു. ഫഹദ് അതിലെ ഡോ. അരുൺ കുമാറിന്റെ വേഷം ഗംഭീരമായി ചെയ്തിട്ടുണ്ട്. പക്ഷെ എന്റെ മുഖം മനസിലേക്ക് വന്നില്ലേ എന്നാണ് ചോദിച്ചത്. ഞാൻ അപ്പോൾ പറഞ്ഞു തീർച്ചയായും ആ കഥാപാത്രം രാജുവിന് ചെയ്യാൻ കഴിയും എന്ന് ഇപ്പോൾ എനിക്ക് മനസിലായി. പക്ഷെ ഇഖ്ബാൽ കഥ പറഞ്ഞപ്പോൾ ആദ്യം മനസിൽ വന്ന മുഖം ഫഹദിന്റെതാണ്. ഫഹദിന്റെ നോട്ടവും കള്ളച്ചിരിയും ഒക്കെ ആണ് ഓർത്തത്. ‘ എന്നിങ്ങനെയാണ് ലാൽ ജോസിന്റെ വാക്കുകൾ. സിനി പ്ലസ് എന്റർടൈൻമെന്റിന് നൽകിയ അഭിമുഖത്തിലാണ് ലാൽ ജോസിന്റെ തുറന്നുപറച്ചിൽ.
