കറികൾക്ക് രുചിയും സുഗന്ധവും ലഭിക്കാൻ മാത്രമല്ല നമ്മൾ കറിവേപ്പില ഉപയോഗിക്കുന്നത്. കറിവേപ്പിലയിൽ ധാരാളം പോഷകഗുണങ്ങൾ ഉണ്ട്. പ്രോട്ടീനുകളും ആന്റിഓക്‌സിഡന്റുകളും ധാരാളം കറിവേപ്പിലയിൽ അടങ്ങിയിട്ടുണ്ട്. അതുക്കൊണ്ട് തന്നെ മുടികൊഴിച്ചിൽ കുറയ്ക്കുന്നതിനും മുടി വളരാനും ഇന്ന് നന്നായി സഹായിക്കും.
മുടിവളരാൻ മികച്ചതാണ് കറിവേപ്പില. കറിവേപ്പില കൊണ്ടുള്ള ഹെയർ പാക്ക് ഉപയോഗിക്കുന്നത് മുടികൊഴിച്ചിലും താരനും അകറ്റുന്നതിന് ഗുണം ചെയ്യും.
ഒന്ന്…
3-4 ടേബിൾസ്പൂൺ തൈരിലേക്ക് ഒരു ടേബിൾ സ്പൂൺ കറിവേപ്പില പേസ്റ്റ് ചേർക്കുക. ശേഷം നന്നായി യോജിപ്പിച്ച ശേഷം മുടിയിൽ പുരട്ടുക. 20 മിനുട്ട് നേരം മുടിയിൽ ഇട്ടേക്കുക. തുടർന്ന് ഷാംപൂ ഉപയോഗിച്ച് കഴുകുക. തലയോട്ടിയുടെ ആരോഗ്യം വർദ്ധിപ്പിക്കാനും മുടി മൃദുവും തിളക്കവുമുള്ളതാക്കാനും ഈ പാക്ക് സഹായിക്കും.
രണ്ട്…
വെളിച്ചെണ്ണയിൽ ഫാറ്റി ആസിഡുകളും വിറ്റാമിനുകളും അടങ്ങിയിട്ടുണ്ട്. ഇത് നിങ്ങളുടെ മുടി ആരോഗ്യമുള്ളതാക്കാൻ സഹായിക്കും. കറിവേപ്പിലയിൽ അടങ്ങിയിട്ടുള്ള ആന്റിഓക്‌സിഡന്റ് ഗുണങ്ങളും അയണും മുടി കൊഴിച്ചിൽ തടഞ്ഞുകൊണ്ട് മുടിയുടെ വേരുകൾ ശക്തിപ്പെടുത്താൻ സഹായിക്കുന്നു. അൽപം വെളിച്ചെണ്ണയും കറിവേപ്പില പേസ്റ്റും യോജിപ്പിച്ച് തലയിൽ പുരട്ടുക. 15 മിനുട്ടിന് ശേഷം കഴുകി കളയുക.
മൂന്ന്…
കുറച്ച് നെല്ലിക്ക ചെറിയ കഷ്ണങ്ങളായി മുറിച്ച് ബ്ലെൻഡറിൽ ഇടുക. ഇതിലേയ്ക്ക് ഒരു പിടി കറിവേപ്പിലയും കുറച്ച് വെള്ളവും ചേർക്കുക. ഈ ചേരുവകൾ മിക്സിയിൽ ഇട്ട് നന്നായി അടിച്ചെടുത്ത് മിശ്രിതമാക്കുക. ഈ പാക്ക് തലയിൽ തേച്ച് പിടിപ്പിക്കുക. ഉണങ്ങിയ ശേഷം കഴുകി കളയുക.
content highlight: curry-leaves-need-to-be-in-your-haircare-routine