അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബിഗ് ബോസ് മലയാളം പുതിയ സീസൺ സംബന്ധിച്ച് സുപ്രധാന മുന്നറിയിപ്പുമായി ഏഷ്യാനെറ്റ് കഴിഞ്ഞദിവസം രംഗത്ത് വന്നിരുന്നു. പുതിയ സീസണിലേക്കായി മത്സരാർത്ഥികളെ തിരഞ്ഞെടുക്കുന്നതിനുള്ള ഓഡിഷൻ നടത്തുന്നതിനോ, ഷോർട്ട്‌ലിസ്‌റ്റ് ചെയ്യുന്നതിനോ ഏതെങ്കിലും വ്യക്തികളെയോ ഏജൻസികളെയോ, സ്ഥാപനങ്ങളെയോ ചുമതലപ്പെടുത്തിയിട്ടില്ലെന്നും വ്യാജ പ്രലോഭനങ്ങളാൽ വഞ്ചിതരാകരുതെന്നുമായിരുന്നു പ്രസ്താവനയിൽ പറഞ്ഞത്. പ്രലോഭനങ്ങളാൽ വഞ്ചിതരാകാതിരിക്കാൻ പൊതുജനങ്ങൾ പ്രത്യേകം ശ്രദ്ധിക്കണമെന്നും മുന്നറിയിപ്പിൽ ഉണ്ട്. ഇതിന് പിന്നാലെയാണ് പുതിയ സീസൺ സംബന്ധിച്ച ചർച്ചകൾ ചൂടുപിടിക്കുന്നത്.
പുതിയ ബിഗ് ബോസ് സീസൺ തുടങ്ങാൻ ഇനിയും എന്താണ് താമസം എന്നാണ് ആരാധകർ ചോദിക്കുന്നത്. ഓരോ സീസണുകള്‍ കഴിയുന്തോറും പ്രേക്ഷകരെ കൂടുതല്‍ ആകര്‍ഷിക്കുന്ന തരത്തിലാണ് ഷോ അവസാനിക്കാറുള്ളത്. അതിനാൽ തന്നെ ഏഴാം തിയ്യതി ആയുള്ള വലിയ കാത്തിരിപ്പിലാണ് പ്രേക്ഷകർ. കാത്തിരുന്ന് ക്ഷമ നശിച്ചു തുടങ്ങി എന്നാണ് ഇപ്പോൾ മനസ്സിലാകുന്നത്.
ഒരു സീസൺ കഴിഞ്ഞാൽ ഇത്രയും സമയം എടുക്കുമോ പുതിയ സീസൺ ആരംഭിക്കാൻ എന്നും പ്രേക്ഷകർ ഒരുപോലെ ചോദിക്കുന്നു. എന്നാൽ പുതിയ സീസണുമായി ബന്ധപ്പെട്ട ഒരു സൂചനയും ഇതുവരെ വന്നിട്ടില്ല.
സാധാരണഗതിയില്‍ ഡിസംബര്‍, ജനുവരി മാസങ്ങളില്‍ ബിഗ് ബോസുമായി ബന്ധപ്പെട്ട പ്രഖ്യാപനങ്ങള്‍ ഉണ്ടാവും. മാത്രമല്ല ഈ നാളുകളില്‍ പിന്നണിയില്‍ മത്സരാര്‍ത്ഥികളെ കണ്ടെത്താനുള്ള ഓഡിഷനുകളും നടക്കുന്നുണ്ടാവും. മാര്‍ച്ചിലോ ഏപ്രിലിലോ ഷോ നടക്കും. എന്നാല്‍ നാളിതുവരെയായി ബിഗ് ബോസിനെ പറ്റി യാതൊരു സൂചനകളും ഇല്ല.
പിന്നെ ഏറ്റവും നിരാശപ്പെടുത്തുന്നത് ബിഗ് ബോസ് അവതാരകന്‍ ആരാവും എന്നതാണ്. ലാലേട്ടന്‍ ആണോ ഹോസ്റ്റ് ചെയ്യുന്നത് എന്നതിനെപ്പറ്റിയും ധാരണ ആയിട്ടില്ല. അദ്ദേഹം കരാര്‍ ഒന്നും സ്വീകരിച്ചിട്ടില്ല എന്നാണ് അറിയുന്നത്. അദ്ദേഹം ചെയ്യാനാണ് സാധ്യത എങ്കിലും ഫിഫ്റ്റി ഫിഫ്റ്റി ചാന്‍സേ ഉള്ളൂ. ചിലപ്പോള്‍ ലാലേട്ടന്‍ മാറി പകരം ആരെങ്കിലും വരാനും ചാന്‍സുണ്ട് എന്നിങ്ങനെ പോകുന്നു ആരാധകരുടെ നിഗമനങ്ങൾ.
