ഷാഹിദ് കപൂറിനെ നായകനാക്കി റോഷൻ ആൻഡ്രൂസ് സംവിധാനം ചെയ്യുന്ന ആക്ഷൻ ചിത്രമാണ് ചിത്രം ദേവ. പൊലീസ് ഓഫീസറായി ഷാഹിദ് എത്തുന്ന സിനിമ ഒരു ഇൻവെസ്റ്റിഗേഷൻ ആക്ഷൻ ഡ്രാമയായിട്ടാണ് പ്രേക്ഷകർക്ക് മുന്നിലെത്താൻ ഒരുങ്ങുന്നത്. ഈ സിനിമ കണ്ട് കഴിഞ്ഞതിന് ശേഷവും നിങ്ങൾ അതിനെപ്പറ്റി സംസാരിക്കുമെന്നും. താൻ ഈ സിനിമ ചെയ്യാനുള്ള പ്രധാന കാരണമെന്താണെന്നും ചിത്രത്തിന്റെ ട്രെയ്‌ലർ ലോഞ്ച് ഇവന്റിൽ വെച്ച് സംസാരിക്കുകയായിരുന്നു ഷാഹിദ് കപൂർ.
‘ഞാൻ ഈ സിനിമ ചെയ്യാനുള്ള കാരണം ഇതിന്റെ ക്ലൈമാക്സ് ആണ്. നിങ്ങളെ എല്ലാവരെയും സിനിമയുടെ ക്ലൈമാക്സ് സർപ്രൈസ് ചെയ്യിപ്പിക്കും. ചിലപ്പോൾ സിനിമയെ മുഴുവനായി മനസിലാക്കാനായി രണ്ടാമതൊരു വട്ടം കൂടി പ്രേക്ഷകർ ഈ സിനിമ കാണും. വളരെ എന്റർടൈനിംഗ് ആയ സിനിമയാണ് ദേവ. ഒരിടത്തും സിനിമയുടെ വേഗത കുറഞ്ഞ് പോകില്ല. ഒരുപാട് കോംപ്ലെക്സ് ആയുള്ള ലോകങ്ങൾ ഉള്ള സിനിമ കൂടിയാണിത്’, ഷാഹിദ് കപൂർ പറഞ്ഞു.
സസ്‌പെൻസും ചെയ്സും ഒക്കെ കൂടിക്കലർന്ന സിനിമയുടെ ട്രെയിലര്‍ അണിയറപ്രവർത്തകർ ഇന്നലെ പുറത്തുവിട്ടിരുന്നു. ചിത്രത്തിനായുള്ള കാത്തിരിപ്പിലാണ് ആരാധകർ.
STORY HIGHLIGHT: the climax of deva will surprise you says shahid kapoor