അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ബഹിരാകാശ മേഖലയിൽ സെഞ്ച്വറിയടിച്ചിരിക്കുകയാണ് ഐഎസ്ആർഒ. ശ്രീഹരിക്കോട്ട സതീഷ് ധവാൻ സ്പെയ്‌സ് സെൻ്ററിലെ നൂറാം വിക്ഷേപണവും വിജയകരമായി. ഐഎസ്ആർഒയുടെ നാവിക് ഉപഗ്രഹ ശ്രേണിയിൽ ഉൾപ്പെട്ട രണ്ടാമത്തെ ഉപഗ്രഹമായ NVS 02 നെ ഭ്രമണപഥത്തിലെത്തിച്ചു. ജി.പി.എസിന് ബദലായി ഇന്ത്യ കൊണ്ടുവരുന്ന നാവിക് സംവിധാനത്തിൻ്റെ ഭാഗമാണ് ഈ ഉപഗ്രഹം.
ഇന്ത്യൻ ബഹിരാകാശ മേഖലയുടെ അഭിമാനമായ സതീഷ് ധവാൻ സ്പെയ്‌സ് സെൻ്റിൽ നിന്നുള്ള നൂറാമത് വിക്ഷേപണവും വിജയകരം. ഇന്ത്യൻ ഗതി നിർണയ സംവിധാനമായ നാവിക് സിയുടെ ഭാഗമായ എൻവിഎസ് 2 ഉപഗ്രഹത്തെ GSLV F15 ഭ്രമണപഥത്തിലെത്തിച്ചു. രാവിലെ 6.23 നാണ് ശ്രീഹരിക്കോട്ടയിലെ രണ്ടാം ലോഞ്ച് പാഡിൽ നിന്ന് NVS 02 നെ വഹിച്ചുകൊണ്ട് GSLV F 15 കുതിച്ചുയർന്നത്. കൃത്യം 19 മിനിറ്റിൽ ഉപഗ്രഹം ഭ്രമണപഥത്തിലെത്തി. ഐഎസ്ആർഒ ചെയർമാനായി വി.നാരായണൻ ചുമതലയേറ്റ ശേഷമുള്ള ആദ്യ ദൗത്യം കൂടിയായിരുന്നു NVS 02ൻ്റേത്.
ജിപിഎസിന് സമാനമായി സ്റ്റാൻഡേർഡ് പൊസിഷനിങ് സർവീസ് എന്ന ദിശ നിർണയ-സേവനം നൽകുന്നതാണ് നാവിക് ഉപയോഗിച്ചാണ്. ഇന്ത്യയും രാജ്യത്തിന്റെ അതിർത്തിയിൽ നിന്ന് 1500 കിലോ മീറ്റർ ചുറ്റളവിലുള്ള പ്രദേശങ്ങളും നാവികിന്റെ പരിധിയിൽ വരുന്നതാണ്. കിലോഗ്രാമാണ് ഉപഗ്രഹത്തിൻ്റെ ഭാരം. എല്ലാത്തരം ഗതാഗത സംവിധാനങ്ങൾക്കും ലൊക്കേഷൻ അധിഷ്‌ടിത സേവനങ്ങൾക്കും നാവിക് ഗുണം ചെയ്യും . രാജ്യത്തെ മത്സ്യ ബന്ധന ബോട്ടുകൾക്കും കപ്പലുകൾക്കും വാണിജ്യ വാഹനങ്ങൾക്കും ഇതിനോടകം തന്നെ നാവിക് ലഭ്യമായിട്ടുണ്ട്. ഇന്ത്യയുടെ നാവിഗേഷൻ സേവനങ്ങളിൽ സ്വാശ്രയത്തിലേയ്ക്കുള്ള സുപ്രധാനമായ ചുവടുവെയ്പ്പ് കൂടിയാണ് നാവിക് ഉപഗ്രഹ സംവിധാനം.
