അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശിവ കാർത്തികേയൻ നായകനായെത്തുന്ന 25-ാമത് ചിത്രമായി ‘പരാശക്തി’. സുധ കൊങ്കര സംവിധാനം ചെയ്യുന്ന ചിത്രത്തിന്റെ ടൈറ്റിൽ ടീസർ പുറത്തിറങ്ങി. സംഭവബഹുലമായ രംഗങ്ങളാൽ സമ്പന്നമായിരിക്കും ചിത്രമെന്നാണ് ടീസർ നൽകുന്ന സൂചന. ശിവ കാർത്തികേയൻ നായകൻ ആകുന്ന ചിത്രത്തിൽ വില്ലനായി എത്തുന്നത് രവി മോഹനാണ്.
വിദ്യാർത്ഥി രാഷ്ട്രീയം പറയുന്ന ചിത്രത്തിൽ വിദ്യാർത്ഥി നേതാവായാണ് ശിവ കാർത്തികേയൻ വേഷമിടുന്നത്. അഥർവ മുരളി, ശ്രീലീല എന്നിവരാണ് മറ്റു പ്രധാന വേഷങ്ങളിൽ. ശ്രീലീലയുടെ ആദ്യ തമിഴ് ചിത്രം കൂടിയാണിത്. സുധാ കൊങ്കരയും അർജുൻ നടേശനും ചേർന്നാണ് തിരക്കഥയൊരുക്കിയിരിക്കുന്നത്. ജി.വി. പ്രകാശാണ് ചിത്രത്തിന്റെ സംഗീത സംവിധാനം നിർവഹിക്കുന്നത്.
ഡോൺ പിക്ചേഴ്സിന്റെ ബാനറിൽ ആകാശ് ഭാസ്കരനാണ് ‘പരാശക്തി’യുടെ നിർമാണം. രവി.കെ.ചന്ദ്രൻ ഛായാഗ്രഹണവും സുപ്രീം സുന്ദർ സംഘട്ടന സംവിധാനവും സതീഷ് സൂര്യ എഡിറ്റിങ്ങും നിർവഹിക്കുന്നു.
STORY HIGHLIGHT: parasakthi shiva karthikeyan ravi mohan movie
