അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദാദാ സാഹിബ് ഫാൽക്കെ ഇന്‍റർനാഷണൽ ഫിലിം അവാർഡ് അടക്കം നിരവധി പുരസ്കാരങ്ങൾ നേടിയ പ്രജേഷ് സെന്നിന്‍റെ ‘ദ സീക്രട്ട് ഓഫ് വുമൺ’ സിനിമയിലെ ആദ്യ ലിറിക്ക് വീഡിയോ ഗാനം പുറത്ത്. ‘നഗരമേ തരിക നീ’… എന്ന് തുടങ്ങുന്ന ഗാനം ആലപിച്ചിരിക്കുന്നത് ഷഹബാസ് അമനാണ്. നിധീഷ് നടേരിയുടെ വരികൾക്ക് ഈണം നൽകിയിരിക്കുന്നത് അനിൽ കൃഷ്ണാണ്. ജനുവരി 31 ന് ചിത്രം തിയേറ്ററുകളിലെത്തും.
പ്രജേഷ് സെൻ മൂവി ക്ലബിന്‍റെ ബാനറിൽ ആദ്യമായി നിർമിക്കുന്ന ചിത്രം ജി പ്രജേഷ് സെൻ തിരക്കഥയും സംവിധാനവും നിർവഹിച്ചിരിക്കുന്നു. ഇമോഷണൽ ത്രില്ലർ വിഭാഗത്തിൽപ്പെട്ട ചിത്രത്തിൽ നിരഞ്ജന അനൂപ്, അജു വ‍ർഗീസ്, ശ്രീകാന്ത് മുരളി, സുമാ ദേവി, അങ്കിത് ഡിസൂസ, സാക്കിർ മണോലി, പൂജ മഹേഷ്, വെള്ളം സിനിമയിലൂടെ ശ്രദ്ധേയരായ അധീഷ് ദാമോദ‍ർ, മിഥുൻ വേണുഗോപാൽ, തുടങ്ങിയവ‍രും പ്രധാന വേഷത്തിലെത്തുന്നു.
പ്രദീപ് കുമാ‍ർ വി.വിയുടേതാണ് കഥ. ലെബിസൺ ഗോപിയാണ് ചിത്രത്തിന്‍റെ ഛായാഗ്രഹണം നിർവഹിച്ചിരിക്കുന്നത്. എഡിറ്റിങ് കണ്ണൻ മോഹൻ.
STORY HIGHLIGHT: new song from the secret of women
