സൂപ്പർസ്റ്റാർ സുരേഷ് ഗോപിയുടെ 257-ാമത് ചിത്രമാണ് വരാഹം. സുരേഷ് ഗോപി കേന്ദ്രകഥാപാത്രമായി എത്തുന്ന ചിത്രത്തിൽ നവ്യ നായർ നായികയായി എത്തുന്നു. ചിത്രം ഒരു ത്രില്ലറായിരിക്കുമെന്നാണ് അപ്ഡേറ്റുകളിൽ നിന്നും വ്യക്തമാകുന്നത്. ഇപ്പോഴിതാ ചിത്രത്തിന്റെ പുത്തൻ അപ്ഡേറ്റ് പങ്കിട്ടിരിക്കുകയാണ് സുരേഷ് ഗോപി.
ഇൻസ്റ്റഗ്രാം പോസ്റ്റിലൂടെയാണ് താരം സിനിമയുടെ അപ്ഡേറ്റ് പങ്കിടുന്നത്. ‘വരാഹം ആഘാതത്തിന് തയ്യാറാകൂ’ എന്ന അടിക്കുറിപ്പോടെയാണ് താരത്തിന്റെ പോസ്റ്റ്. ലോഡഡ് ആന്റ് ലോക്ക്ഡ് എന്നും പങ്കുവെച്ച ചിത്രത്തിൽ തന്നെ കുറിച്ചിട്ടുണ്ട്. സിനിമയുടെ ട്രെയിലറോ ടീസറോ റിലീസ് ചെയ്യാനാണ് അണിയറ പ്രവർത്തകർ ഒരുങ്ങുന്നതെന്നാണ് വിവരം. എന്തായാലും പുറത്തുവരുന്ന വിവരത്തിനൊപ്പം ചിത്രത്തിന്റെ റിലീസ് തീയതി കൂടി ഉണ്ടാകും എന്ന കാര്യം തീർച്ചയാണ്.
നേരത്തെ ചിത്രത്തിന്റേതായി പുറത്തെത്തിയ ഫസ്റ്റ് ലുക്ക് പോസ്റ്റർ ഏറെ ശ്രദ്ധിക്കപ്പെട്ടിരിക്കുന്നു. നിഗൂഢമായ പലതും വെളിവാകാനുണ്ട് എന്ന് ഫസ്റ്റ് ലുക്ക് കഥ പറയും പോലെ തോന്നിപ്പിക്കുന്നു. വരാഹത്തിന്‍റെ പുറത്തിറങ്ങിയ മോഷൻ ടൈറ്റിൽ പോസ്റ്ററും പ്രേക്ഷകശ്രദ്ധ നേടിയിരുന്നു. നൂറോളം സെലിബ്രിറ്റികളുടെ സോഷ്യൽ മീഡിയ പേജുകളിലൂടെയാണ് പോസ്റ്റർ പ്രേക്ഷകരിലേക്ക് എത്തിച്ചത്. മലയാള സിനിമ ചരിത്രത്തിൽ തന്നെ ആദ്യമായിട്ടാണ് ഇത്രയധികം താരങ്ങൾ ഒരുമിച്ച് തങ്ങളുടെ സോഷ്യൽ മീഡിയ ഹാൻഡിലിലൂടെ ഒരു സിനിമയുടെ പോസ്റ്റർ ഷെയർ ചെയ്യുന്നത്.
സംവിധാനം സനൽ വി ദേവൻ, മേവെറിക് മൂവീസ് പ്രൈവറ്റ് ലിമിറ്റഡ്, സഞ്ജയ്‌ പടിയൂർ എന്‍റർടൈൻമെന്‍റ്‌സ് സംയുക്തമായി സഹകരിച്ച് ചിത്രം നിർമ്മിക്കുന്നു. വിനീത് ജെയിൻ, സഞ്ജയ്‌ പടിയൂർ എന്നിവരാണ് നിർമ്മാതാക്കൾ. മുംബൈ ആസ്ഥാനമായിട്ടുള്ള മേവെറിക് മൂവീസ് പ്രൈവറ്റ് ലിമിറ്റഡിന്‍റെ ആദ്യ സിനിമകൂടിയാണിത്. സുരാജ് വെഞ്ഞാറമൂട്, ഗൗതം വാസുദേവ് മേനോൻ എന്നിവരാണ് സിനിമയിലെ മറ്റ് പ്രധാന അഭിനേതാക്കൾ.
ഛായാഗ്രഹണം: അജയ് ഡേവിഡ് കാച്ചപ്പിള്ളി, തിരക്കഥ, സംഭാഷണം: മനു സി കുമാർ, കഥ: ജിത്തു കെ ജയൻ, മനു സി കുമാർ, സംഗീതം: രാഹുൽ രാജ്, എഡിറ്റർ: മൻസൂർ മുത്തുട്ടി, എക്‌സിക്യൂട്ടീവ് പ്രൊഡ്യൂസർ: രാജാസിംഗ്, കൃഷ്‌ണ കുമാർ, ലൈൻ പ്രൊഡ്യൂസർ: ആര്യൻ സന്തോഷ്, ആർട്ട്: സുനിൽ കെ ജോർജ്ജ്, വസ്ത്രാലങ്കാരം: നിസാർ റഹ്മത്ത്, മേക്കപ്പ്: റോണക്‌സ്‌ സേവ്യർ, ലിറിക്‌സ്‌: ഹരിനാരായണൻ, സൗണ്ട് ഡിസൈൻ: എം ആർ രാജാകൃഷ്‌ണൻ, പ്രോമോ കട്ട്സ്: ഡോൺമാക്‌സ്‌, ചീഫ് അസോസിയേറ്റ് ഡയറക്‌ടർ: സ്യമന്തക് പ്രദീപ്, പ്രൊഡക്ഷൻ കൺട്രോളർ: പൗലോസ് കുറുമറ്റം, ബിനു മുരളി, പ്രൊഡക്ഷൻ എക്‌സിക്യൂട്ടീവ്: അഭിലാഷ് പൈങ്ങോട്, പിആർഓ: മഞ്ജു ഗോപിനാഥ് , എ എസ് ദിനേശ്.