അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു യഥാര്‍ഥ സംഭവത്തിന്റെ കഥയുമായി എത്തുന്ന ചിത്രമാണ് തണ്ടേൽ. ശ്രീകാകുളത്തില്‍ നിന്നുള്ള മത്സ്യത്തൊഴിലാളികളുടെ യഥാര്‍ഥ കഥയാണ് സിനിമയുടേത്. സായ് പല്ലവിയുടെ തണ്ടേല്‍ സിനിമ തിയറ്ററുകളില്‍ എത്തുക ഫെബ്രുവരി ഏഴിന് ആണ്. ശ്രീകാകുളത്ത് നിന്നുള്ള 21 മത്സ്യത്തൊഴിലാളികളുടെ കഥയാണ് ചിത്രം പറയുന്നത്. ഇപ്പോൾ ചിത്രത്തിന്റെ ട്രെയിലർ പുറത്തിറങ്ങിയിരിക്കുകയാണ്. തമിഴ് ട്രെയിലറാണ് പുറത്തുവിട്ടിരിക്കുന്നത്.
ശ്രീകാകുളത്ത് നിന്ന് 21 മത്സ്യത്തൊഴിലാളികൾ കടലിലേക്ക് പുറപ്പെടുന്നു. ജോലിക്കായി ഗുജറാത്തിലേക്ക് പോകുകയാണ് ഇവര്‍. അറിയാതെ മത്സ്യത്തൊഴിലാളികള്‍ പാക്കിസ്ഥാൻ കടലിന്റെ ഭാഗത്തില്‍ എത്തിപ്പെടുന്നു. ജയിലിലാക്കപ്പെട്ട മത്സ്യത്തൊഴിലാളികളുടെ ആ ദുരിത കഥ പരാമര്‍ശിക്കുന്നതാണ് തണ്ടേല്‍ എന്നാണ് റിപ്പോർട്ടുകൾ പറയുന്നത്. സ്വന്തം അവകാശങ്ങള്‍ക്കായി പോരാടുന്ന യുവതിയായ കഥാപാത്രമായിട്ടാണ് സായ് പല്ലവി തണ്ടേലില്‍ നായികയാകുന്നത്. സംവിധായകൻ ചന്ദൂ മൊണ്ടേടിയുടെ പുതിയ ചിത്രമായ തണ്ടേലില്‍ നാഗചൈതന്യക്ക് വലിയ പ്രതീക്ഷകളാണ് ഉള്ളത് എന്നതിനാല്‍ ആരാധകരും ആവേശത്തോടെയാണ് കാത്തിരിക്കുന്നത്.
ഗീത ആര്‍ട്സിന്റെ ബാനറില്‍ ബണ്ണി വാസ് നിര്‍മ്മിച്ച് അല്ലു അരവിന്ദ് അവതരിപ്പിക്കുന്ന ഈ ചിത്രത്തിൽ പ്രണയം, ആക്ഷന്‍, ഡ്രാമ എന്നിവ കോര്‍ത്തിണക്കിയിരിക്കുന്നു. തെലുങ്ക്, തമിഴ്, കന്നഡ മലയാളം, ഹിന്ദി ഭാഷകളിലായാണ് ചിത്രം പ്രദര്‍ശനത്തിനെത്തുക. ‘ലവ് സ്റ്റോറി’ എന്ന ചിത്രത്തിനുശേഷം സായ് പല്ലവിയും നാഗചൈതന്യയും വീണ്ടുമൊന്നിക്കുന്ന ചിത്രമാണിത്. സായ് പല്ലവി നായികയായി ഒടുവില്‍ വന്ന ചിത്രമാണ് അമരൻ. വലിയ പ്രതീക്ഷയാണ് ചിത്രത്തില്‍ ഉള്ളത്. തണ്ടേല്‍ കാണാൻ ബുക്ക് മൈ ഷോയില്‍ 100,000 പേരാണ് താല്‍പര്യം പ്രകടിപ്പിച്ചതെന്നാണ് റിപ്പോര്‍ട്ട്. ചിത്രത്തിലെ ഗാനങ്ങള്‍ നേരത്തെ ഹിറ്റായിരുന്നു. അമരനില്‍ ശിവകാര്‍ത്തികേയനാണ് നായകനായി എത്തിയത്. ശിവകാര്‍ത്തികേയന്റെ അമരൻ ആഗോളതലത്തില്‍ 334 കോടിയിലധികം നേടിയിരുന്നു എന്നാണ് റിപ്പോര്‍ട്ടുകള്‍.
