തൃപ്പൂണിത്തുറയിൽ സ്കൂൾ വിദ്യാർത്ഥി ഫ്ളാറ്റിനുമുകളിൽനിന്ന് ചാടി ആത്മഹത്യ ചെയ്ത സംഭവത്തിൽ നടുക്കം രേഖപ്പെടുത്തി നടി അനുമോൾ. ഇങ്ങനെയൊരു സംഭവം വിശ്വസിക്കാനാവുന്നില്ലെന്നും താരം പറഞ്ഞു. ക്ഷമിക്കണം മോനെ ഞങ്ങൾ നിന്നെ പരാജയപ്പെടുത്തി എന്ന് പറഞ്ഞാണ് അനുമോളുടെ കുറിപ്പ് ആരംഭിക്കുന്നത്.
‘ഒരു കുട്ടി വേദന പേറുന്ന ഏതുതരം ലോകമാണ് നാം കെട്ടിപ്പടുക്കുന്നത്? മുറിവേൽപ്പിക്കുന്ന വാക്കുകൾ ജീവിതത്തേക്കാൾ ഭാരമേറിയതാകുന്നതെവിടെയാണ്? ഇത് മറ്റൊരു വാർത്തയല്ല. ക്രൂരതയ്ക്ക്, നിശബ്ദതയ്‌ക്ക്, അത് ഉണ്ടാക്കുന്ന നാശനഷ്ടങ്ങൾ കാണാൻ ഇപ്പോഴും വിസമ്മതിക്കുന്ന ഒരു സമൂഹത്തിന് നഷ്ടപ്പെട്ട ഒരു ജീവിതമാണിത്. നീ ഒരിക്കലും ഒറ്റയ്ക്കല്ല. നീ എല്ലാവരാലും സ്നേഹിക്കപ്പെടുന്നുണ്ട്. കാത്തിരിക്കൂ. ബാക്കിയുള്ളവരോട്, നമ്മൾ എപ്പോഴാണ് പഠിക്കുക? എപ്പോഴാണ് നമ്മൾ മുഖംതിരിക്കുന്നത് നിർത്തുക? ക്രൂരതയ്ക്ക് പകരം ദയ അറിയുന്ന കുട്ടികളെ നമ്മൾ എപ്പോഴാണ് വളർത്താൻ തുടങ്ങുന്നത്? മോനെ, വിശ്രമിക്കൂ.’ അനുമോൾ പറഞ്ഞു.
ജനുവരി 15 നാണ് കുടുംബത്തോടൊപ്പം താമസിച്ചിരുന്ന ഫ്ലാറ്റിന്റെ ഇരുപത്തിയാറാം നിലയിൽ നിന്ന് 15 വയസ്സുകാരനായ വിദ്യാർത്ഥി താഴേക്ക് ചാടി ജീവനൊടുക്കിയത്. മകന്റെ മരണത്തിന് കാരണം ചില സഹപാഠികളുടെ ക്രൂരമായ റാഗിംഗ് ആണെന്ന് മരിച്ച വിദ്യാർത്ഥിയുടെ മാതാപിതാക്കൾ അരോപിച്ചിരുന്നു.
STORY HIGHLIGHT: actress anu mol shared an emotional note