കഴിഞ്ഞ വർഷം മലയത്തിൽ ഇറങ്ങിയ ഭൂരിഭാഗം പടങ്ങളും ഹിറ്റ് ചാർട്ടിൽ ഇടംനേടി. ഈ പുതിയ വർഷത്തിലും ആദ്യംസമായ ജനുവരിയും വിജയ ചിത്രങ്ങളോടെയാണ് അവസാനിക്കുന്നത് എന്നത് ഏറെ ശ്രദ്ധേയമാണ്. കളക്ഷനുകളിൽ വലിയൊരു തേരോട്ടം കാണാൻ സാധിക്കില്ല. എങ്കിലും ഫീൽ ഗുഡ് സിനിമകൾ സമ്മാനിക്കാൻ ഈ മാസത്തിന് സാധിച്ചിട്ടുണ്ട്.
ആസിഫ് അലി, ടൊവിനോ തോമസ്, മമ്മൂട്ടി, ബേസിൽ ജോസഫ്, സൗബിൻ ഷാഹിർ തുടങ്ങിയവരുടെ സിനികളാണ് ജനുവരിയിൽ തിയറ്ററുകളിൽ എത്തിയത്. ഇവയ്ക്ക് സാമാന്യം ഭേദപ്പെട്ട കളക്ഷനും ലഭിച്ചിട്ടുണ്ട്. ഈ അവസരത്തിൽ ജനുവരി മാസം ആദ്യദിനം മികച്ച കളക്ഷൻ നേടിയ സിനിമകളുടെ കളക്ഷൻ വിവരങ്ങൾ പുറത്തുവരികയാണ്. സൗത്ത് ഇന്ത്യൻ ബോക്സ് ഓഫീസിന്റെ റിപ്പർട്ട് പ്രകാരം ആസിഫ് അലി നായകനായി എത്തിയ രേഖാചിത്രം ആണ് ഒന്നാം സ്ഥാനത്ത്. 1.92 കോടിയാണ് ഓപ്പണിംഗ് ഡേയിൽ രേഖാചിത്രത്തിന് നേടാനായത്. ഈ വര്‍ഷത്തെ ആദ്യ 50 കോടി ക്ലബ്ബും ആസിഫ് പടത്തിനാണ്.
രണ്ടാം സ്ഥാനത്ത് മമ്മൂട്ടി ചിത്രമാണ്. ഡൊമനിക് ആന്റ് ദ ലേഡീസ് പേഴ്സ് ആണ് ചിത്രം. രേഖാചിത്രവുമായുള്ള ചെറിയ വ്യത്യാസത്തിലാണ് ഒന്നാം സ്ഥാനം മമ്മൂട്ടി പടത്തിന് നഷ്ടമാണ്. മൂന്നാം സ്ഥാനത്ത് ടൊവിനോ തോമസിന്റെ ഇൻവെസ്റ്റിഗേഷൻ ത്രില്ലർ ചിത്രം ഐഡന്റിറ്റിയാണ്. സിനിമകളുടെ കളക്ഷൻ വിവരങ്ങൾ ചുവടെ ചേർക്കുന്നു.
1 രേഖാചിത്രം – 1.92 കോടി
2 ഡൊമനിക് ആന്റ് ദ ലേഡീസ് പേഴ്സ് – 1.85 കോടി
3 ഐഡന്റിറ്റി – 1.8 കോടി
4 പ്രാവിൻകൂട് ഷാപ്പ് – 1.7 കോടി
5 പൊൻമാൻ – 0.85 ലക്ഷം
6 ഒരു ജാതി ഒരു ജാതകം – 0.5 ലക്ഷം
ഫെബ്രുവരിയിൽ ഒരു പിടി മികച്ച സിനിമകളാണ് റിലീസിന് ഒരുങ്ങുന്നത്. മമ്മൂട്ടി നായകനായി എത്തുന്ന ബസൂക്കയും ഈ മാസം റിലീസിന് എത്തും. ഒപ്പം അജിത്തിന്റെ വിഡാമുയർച്ചി അടക്കമുള്ള തമിഴ് സിനിമകളുടെ റിലീസും ഉണ്ട്. ഇവയോടെല്ലാം മല്ലിട്ട് ഏത് സിനിമയാകും അടുത്ത മാസം ആദ്യദിന കളക്ഷനിൽ ഒന്നാമതെത്തുക എന്നത് കാത്തിരുന്ന് കാണേണ്ടിയിരിക്കുന്നു.
content highlight: sif-ali-movie-rekhachithram-first-position-