അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബോളിവുഡിലെ സൂപ്പര്‍താരമാണ് ഷാരൂഖ് ഖാന്‍. ലോകമെമ്പാടും നിരവധി ആരാധകരുള്ള താരം. ആരാധകര്‍ ഷാരൂഖിനെ വിളിക്കുന്നത് കിങ് ഖാന്‍ എന്നാണ്. എന്നാൽ അതില്‍ ഒട്ടും അതിശയോക്തിയില്ല. സിനിമാ കുടുംബത്തിന്റെ പാരമ്പര്യമൊന്നുമില്ലാതെയാണ് ഷാരൂഖ് ഖാന്‍ കടന്നു വരുന്നത്. ടെലിവിഷനിലൂടെ കരിയര്‍ ആരംഭിച്ച ശേഷമാണ് ഷാരൂഖ് ഖാന്‍ സിനിമയിലെത്തുന്നത്. താരം ശരിക്കും പെര്‍ഫക്ട് ഫാമിലി മാന്‍ ആരാണെന്ന് പറയാൻ സാധിക്കും. ഭാര്യ ഗൗരിയ്ക്കും മൂന്ന് മക്കള്‍ക്കും ഷാരൂഖ് ഖാന്‍ നല്‍കുന്ന സ്‌നേഹവും പരിഗണനയും പലപ്പോഴു ആരാധകരുടെ മനസ്സ് നിറച്ചിട്ടുണ്ട്. അത് തെളിയിക്കുന്ന വീഡിയോകളും പലപ്പോഴും പുറത്ത് വരാറുണ്ട്.
താരത്തിന്റെ മകന്‍ ആര്യന്‍ ഖാന്‍ ആദ്യമായി സംവിധാനം ചെയ്യുന്ന ചിത്രത്തിന്റെ ഔദ്യോഗിക പ്രഖ്യാപനമായിരുന്നു കഴിഞ്ഞ ദിവസം. നെറ്റ്ക്സ്റ്റ് ഓണ്‍ നെറ്റ്ഫ്‌ളിക്‌സ് എന്ന ഈവന്റില്‍ പങ്കെടുക്കാന്‍ കുടുംബത്തോടൊപ്പമാണ് ഷാരൂഖ് ഖാന്‍ എത്തിയത്. മകന്‍ ആര്യന്‍ ഖാനും മകള്‍ സുഹാന ഖാനും ഭാര്യ ഗൗരി ഖാനും പങ്കെടുത്ത ചടങ്ങിന്റെ വീഡിയോകളും ഫോട്ടോകളും പുറത്തുവരുന്നുണ്ട്.
ഒരു വീഡിയോയില്‍ ഗ്രൂപ്പ് ഫോട്ടോയ്ക്ക് പോസ് കൊടുക്കാന്‍ നില്‍ക്കവെ മകളുടെ ഡ്രസ്സ് ശരിയാക്കി കൊടുക്കുന്ന ഷാരൂഖ് ഖാനെ കാണാം. ഈ വീഡിയോയ്ക്ക് എതിരെയാണ് വിമര്‍ശനങ്ങളും പ്രശംസയും ഒരുപോലെ വരുന്നത്. പെര്‍ഫക്ട് പാരന്റ് ആണ് ഷാരൂഖ് ഖാന്‍, അതിനാലാണ് മകളുടെ കാര്യത്തില്‍ ഇത്രയും കരുതല്‍, മക്കളുടെ കുഞ്ഞു കുഞ്ഞ് കാര്യങ്ങളില്‍ പോലും ഇത്രയധികം ശ്രദ്ധിക്കുന്ന ഷാരൂഖ് ഖാനെ പ്രശംസിച്ചുകൊണ്ടാണ് പലരും വീഡിയോകള്‍ ഷെയര്‍ ചെയ്യുന്നത്.
എന്നാല്‍ മറ്റു ചിലര്‍ക്ക് അത് അത്ര ശരിയായി തോന്നിയിട്ടില്ല. 24 കാരിയായ മകളുടെ ഡ്രസ്സ് ഇത്തരത്തില്‍ പരസ്യമായി ശരിയാക്കി കൊടുക്കേണ്ട ആവശ്യമില്ല, ശരിയാക്കാന്‍ മകളോട് പറഞ്ഞാല്‍ മതി എന്നാണ് ചിലരുടെ പക്ഷം. ‘എനിക്കും അച്ഛനുണ്ട്, ഇതുപോലെ കരുതലുള്ള അച്ഛന്‍. ഇത്തരത്തിലുള്ള ഡ്രസ്സ് ധരിക്കുമ്പോള്‍ എന്തെങ്കേലും മാറിയിട്ടുണ്ട് എങ്കില്‍ എന്റെ അച്ഛന്‍ അത് എനിക്ക് കാണിച്ചു തരികയും, ശരിയാക്കാന്‍ പറയുകയുമാണ് ചെയ്യാറുള്ളത്’ എന്ന് ഒരു പെണ്‍കുട്ടി കമന്റ് ചെയ്തിരിക്കുന്നത്.
എന്ത് തന്നെയായാലും ആര്യന്‍ ഖാന്റെ ലോഞ്ചിങ് ചടങ്ങ് ഗംഭീരമായിരുന്നു. ദ ബാഡ്‌സ് ഓഫ് ബോളിവുഡ് (The Ba***ds of Bollywood) എന്ന ചിത്രത്തിലൂടെയാണ് ആര്യന്‍ ഖാന്റെ തുടക്കം.
