വിജയ് യുടെ കടുത്ത ആരാധകനായ ഉണ്ണികണ്ണന്‍ പ്രേക്ഷകര്‍ക്ക് സുപരിചിതനാണ്. വ്‌ളോഗിലൂടെയും അദ്ദേഹം ഇളയദളപതിയെക്കുറിച്ച് വാചാലനാവാറുണ്ട്. വിജയിനെ കാണാന്‍ പോവുന്നതിനെക്കുറിച്ച് പറഞ്ഞും ഉണ്ണികണ്ണന്‍ എത്തിയിരുന്നു. ഇപ്പോഴിതാ ഉണ്ണിക്കൊപ്പമുള്ള വീഡിയോ പങ്കുവെച്ച് എത്തിയിരിക്കുകയാണ് ബാല. വിജയിനെ കണ്ട സന്തോഷം ഇന്‍സ്റ്റഗ്രാമിലൂടെയും പങ്കിട്ടിരുന്നു. ദൈവത്തെ കണ്ട പോലെയാണ്, നീ എന്തിനാണ് കരയുന്നതെന്ന് പറഞ്ഞ് എന്നെ കൂടെക്കൂട്ടി പോവുകയായിരുന്നു. എന്നെ കണ്ട് അദ്ദേഹം കാരവാനിലേക്ക് കൂട്ടിക്കൊണ്ട് പോയി വെള്ളമൊക്കെ തന്നിരുന്നു എന്നും ഉണ്ണി പറഞ്ഞിരുന്നു.
ഉണ്ണിക്കുള്ള എന്റെ ഗിഫ്റ്റ് എന്ന ക്യാപ്ഷനോടെയായിരുന്നു ബാല വീഡിയോ പങ്കുവെച്ചത്. ഇന്നൊരു വിശേഷവാര്‍ത്തയുണ്ട്. 10 കൊല്ലം മുന്‍പ് പാലക്കാട് വെച്ചാണ് ഞാന്‍ അദ്ദേഹത്തെ കാണുന്നത്. ഫോണ്‍ വിളിയിലൂടെയായി ഞങ്ങള്‍ ബന്ധം നിലനിര്‍ത്തിയിരുന്നു. ഒരു സിനിമാഭ്രാന്തന്‍ എന്ന് തന്നെ പറയാം. സിനിമയെ ഒരുപാട് സ്‌നേഹിക്കുന്ന ആളാണ്. ആ വ്യക്തിക്ക് ഒരൊറ്റ ആഗ്രഹമേയുള്ളൂ. നമ്മള്‍ ആഗ്രഹിക്കുന്ന കാര്യം സത്യമാണെങ്കില്‍ പ്രകൃതി തന്നെ അത് നടത്തി തരും എന്നൊക്കെ നമ്മള്‍ പറയാറില്ലേ അതുപോലെയൊരു കാര്യം നടന്നിരിക്കുകയാണ് ഇപ്പോള്‍. വിജയിനെ പോയി കാണണമെന്നായിരുന്നു ഉണ്ണി കണ്ണന്റെ ആഗ്രഹം. ഉണ്ണി കണ്ണന്റെ ആഗ്രഹം സാധിച്ചു എന്ന വാര്‍ത്ത കേരളത്തിലെ ചാനലുകളിലെല്ലാം വന്നിരുന്നു. വിജയ് സാറിന്റെ സിനിമ റിലീസ് ചെയ്യുമ്പോള്‍ ദേഹം മുഴുവനും പോസ്റ്ററിട്ടാണ് പോയി നില്‍ക്കുന്നത്. വിജയ് സാറിനെ കണ്ടിട്ട് ആദ്യം വിളിച്ചത് എന്നെയാണെന്നായിരുന്നു ബാല പറഞ്ഞത്.
നിക്ക് ഒന്നും പറയാനില്ല, മനസ് നിറഞ്ഞു. ഇന്നലെ പോയി വിജയ് സാറിനെ കണ്ടു. അദ്ദേഹം വന്ന് എന്റെ തോളില്‍ കൈവെച്ച് എന്തിനാണ് കരയുന്നത് എന്ന് ചോദിച്ചു. അതിന് ശേഷം കാരവാനില്‍ കൊണ്ടുപോയി. കണ്ണ് കലങ്ങി സങ്കടപ്പെട്ടിട്ട് എന്തിനാണ് നീ ഇങ്ങനെയൊക്കെ ചെയ്തതെന്ന് ചോദിച്ചു. അനിയനെപ്പോലെ അദ്ദേഹം എന്നെ ചേര്‍ത്തുപിടിച്ചു. സാപ്പാട് കൊടുത്തിട്ട് വിട്ടാല്‍ മതി എന്ന് പറഞ്ഞിരുന്നുവെന്നും ഉണ്ണി പറയുന്നു.
ആ സമയത്താണ് ബാല ചേട്ടന്‍ വിളിക്കുന്നത്. നിനക്കൊരു ഗിഫ്റ്റുണ്ടെന്നും പറഞ്ഞിരുന്നു. അങ്ങനെയാണ് ഇവിടേക്ക് വന്നതെന്നും ഉണ്ണി പറഞ്ഞിരുന്നു. ഇപ്പോള്‍ വിജയ് സാറിനെ കാണുന്നത് അത്ര എളുപ്പമല്ല, അദ്ദേഹം ഒരു രാഷ്ട്രീയക്കാരന്‍ കൂടിയാണ് ഇപ്പോള്‍. അത്ര എളുപ്പമല്ലല്ലോ കാണുന്നത്. നീ ശരിക്കും അദ്ദേഹത്തെ കണ്ടോ എന്നായിരുന്നു ഉണ്ണിയോട് ഞാന്‍ ചോദിച്ചതെന്നായിരുന്നു ബാല പറഞ്ഞത്. വിജയിനൊപ്പമുള്ള ഫോട്ടോയും ഉണ്ണി ബാലയ്ക്ക് കാണിച്ച് കൊടുത്തിരുന്നു.
content highlight: Unnikannan with actor Baala