നടനും രാഷ്ട്രീയപ്രവർത്തകനുമായ കൃഷ്ണകുമാറിന്റെ രണ്ടാമത്തെ മകളാണ് ദിയ കൃഷണ. അടുത്തിടെ ദിയയുടെ ഓൺലൈൻ ബിസിനസുമായി ബന്ധപ്പെട്ട് വലിയ വിവാദമുണ്ടായിരുന്നു. കസ്റ്റമേർസിൽ നിന്ന് പരാതി വന്നെങ്കിലും ദിയ അത് അവഗണിച്ചു എന്നായിരുന്നു ആരോപണം. ശക്തമായ വിമർശനം വന്നതോടെ ദിയക്ക് വിശദീകരണം നൽകേണ്ടി വന്നു. പലരുടെയും പരാതികൾ പരിഹരിച്ചതോടെയാണ് വിവാദം കെട്ടടങ്ങിയതെന്ന് പിന്നീട് ദിയ കൃഷ്ണ പറയുകയുണ്ടായി.
കഴിഞ്ഞ വർഷമായിരുന്നു താരത്തിന്റെ വിവാഹം. 2024 ൽ മലയാളികൾക്കിടയിൽ ഏറ്റവും കൂടുതൽ ചർച്ചയായ വിവാഹങ്ങളിലൊന്നായിരുന്നു ദിയ-അശ്വിൻ വിവാഹം. ഇന്ന് വിവാഹ ജീവിതത്തിലെ സന്തോഷങ്ങളിലാണ് ദിയ കൃഷ്ണ.
സുഹൃത്തുക്കളായിരുന്നു അശ്വിനും ദിയയും. ദിയയുടെ മുൻ കാമുകന്റെയും സുഹൃത്തായിരുന്നു അശ്വിൻ. ഈ ബന്ധം തകർന്നതോടെയാണ് അശ്വിനുമായി ദിയ അടുക്കുന്നത്. സുഹൃത്തിന്റെ കാമുകിയെ പ്രണയിച്ചു എന്ന കുറ്റപ്പെടുത്തൽ ഒരു ഘട്ടത്തിൽ അശ്വിന് കേൾക്കേണ്ടി വന്നിട്ടുണ്ട്. എന്നാൽ ബ്രേക്കപ്പിന് ശേഷം അശ്വിൻ നൽകിയ പിന്തുണയാണ് ദിയയെ ആകർഷിച്ചത്. അതേസമയം ദിയയുടെ മുൻ കാമുകൻ അടുത്തിടെ ഒരു അഭിമുഖത്തിൽ അശ്വിനെ പരോക്ഷമായി വിമർശിക്കുകയുണ്ടായി.
കൂടെ ന‌ടക്കുന്ന സുഹൃത്തുക്കളെ സൂക്ഷിക്കണമെന്നും റിലേഷൻഷിപ്പിലായാൽ ഒരുപാട് കൂട്ടുകാരുണ്ടാകാൻ പാടില്ലെന്ന് താൻ പഠിച്ചെന്നുമാണ് മുൻ കാമുകൻ വൈഷ്ണവ് പറഞ്ഞത്. മുൻ ബന്ധത്തിൽ താൻ വഞ്ചിക്കപ്പെടുകയായിരുന്നെന്നായിരുന്നു ദിയയുടെ തുറന്ന് പറച്ചിൽ. ഇന്ന് അശ്വിനാണ് ദിയയുടെ ലോകം. ദിയയുടെ കുടുംബവും സുഹൃത്തുക്കളുമായി വളരെ പെട്ടെന്ന് അശ്വിന്റെ കുടുംബം അടുത്തു.
ഇപ്പോൾ ഇരുവരും ആദ്യത്തെ കൺമണിക്കായുള്ള കാത്തിരിപ്പിലാണ്.
ദിയ ഇപ്പോൾ ഫസ്റ്റ് ട്രൈമെസ്റ്ററിലൂടെയാണ് കടന്നുപോകുന്നത്. ഗർഭിണിയായശേഷം ശാരീരികമായി അവശതകളും ബുദ്ധിമുട്ടുകളും നേരിടുന്നുണ്ടെങ്കിലും ഓ ബൈ ഓസിയുടെ പ്രവർത്തനങ്ങളിൽ കഴിവതും സജീവമായി നിൽക്കാൻ ദിയ ശ്രമിക്കാറുണ്ട്. ഇപ്പോഴിതാ സ്ഥാപനത്തിന്റെ പ്രമോഷന്റെ ഭാഗമായി ദിയ ഓ ബൈ ഓസിയുടെ ഇൻസ്റ്റഗ്രം പേജിൽ പങ്കിട്ട വീഡിയോയാണ് വൈറലാകുന്നത്.
ഷോപ്പിൽ ക്രമീകരിച്ചിട്ടുള്ള പുതിയ കലക്ഷനുകളും വെബ്സൈറ്റുമായി ബന്ധപ്പെട്ട സംശയങ്ങൾക്കുമെല്ലാം ദിയ മറുപടി നൽകുന്നതാണ് വീഡിയോ. സിംപിൾ പ്രിന്റഡ് ചുരിദാറിൽ അതീവ സുന്ദരിയായാണ് താരപുത്രി വീഡിയോയിൽ പ്രത്യക്ഷപ്പെട്ടിരിക്കുന്നത്. എന്നാൽ വീഡിയോ പ്രത്യക്ഷപ്പെട്ടതോടെ ആരാധകരെല്ലാം ശ്രദ്ധിച്ചത് ദിയയുടെ ക്യൂട്ട് ബേബി ബംപിലേക്കായിരുന്നു.
ദിയ കാണിച്ച പുത്തൻ ഡിസൈനുകളൊന്നും ശ്രദ്ധിക്കാൻ സാധിച്ചില്ലെന്നും ബേബി ബംപിലേക്കായിരുന്നു ശ്രദ്ധ മുഴുവനുമെന്നുമെല്ലാമായിരുന്നു കമന്റുകൾ. ആദ്യമായാണ് ബേബി ബംപ് വ്യക്തമാകുന്ന രീതിയിൽ ദിയയുടെ ഒരു വീഡിയോ പ്രത്യക്ഷപ്പെടുന്നത്. അതേസമയം മൂന്ന് മാസത്തിനുള്ളിൽ വയർ ഇത്രത്തോളം വലുതാകുമോ എന്നുള്ള സംശയങ്ങളും ആരാധകർ പങ്കുവെച്ചിട്ടുണ്ട്.
മൂന്ന് മാസം പിന്നിട്ടതെ ഉള്ളുവെങ്കിലും ദിയയുടെ ബേബി ബംപിന് വലുപ്പം വെച്ചിട്ടുണ്ട്. ദിയയുടെ ശരീരപ്രകൃതിയും പെരുമാറ്റവും കാണുമ്പോൾ ആദ്യത്തെ കൺമണി പെൺകുഞ്ഞാകാനാണ് സാധ്യതയെന്നുള്ള പ്രവചനങ്ങളും ആരാധകർ നടത്തുന്നുണ്ട്. ദിയയുടെ കുഞ്ഞിനെ കാണാൻ കാത്തിരിക്കാൻ വയ്യെന്നും കമന്റുകളുണ്ട്. കൃഷ്ണകുമാറിന്റെ നാല് പെൺമക്കളിൽ ആദ്യം വിവാഹിതയായത് ദിയയാണ്.
കൗമാരപ്രായം മുതൽ വിവാഹിതയായി കുട്ടികളും ഭർത്താവുമായി കുടുംബമായി ജീവിക്കുന്നത് സ്വപ്നം കാണുന്നയാളാണ് ദിയ. ചേച്ചി അഹാനയ്ക്ക് മുമ്പ് തന്റെ വിവാഹമുണ്ടെന്ന് ദിയ വളരെ നേരത്തെ മുതൽ പറയുമായിരുന്നു. പിന്നീട് അതുപോലെ തന്നെ സംഭവിക്കുകയും ചെയ്തു. രണ്ട് വർഷത്തോളം നീണ്ട പ്രണയത്തിനുശേഷമാണ് ദിയയും അശ്വിനും വിവാഹിതരായത്.
സമയം സൂചി കണ്ടാൽ കരയുന്ന ദിയ എങ്ങനെ പ്രസവവും ആ സമയത്തുണ്ടാകുന്ന വേദനകളും മറികടക്കുമെന്ന ആശങ്കയിലാണ് അമ്മ സിന്ധു കൃഷ്ണ. മകൾ ഗർഭിണിയാണെന്ന് അറിഞ്ഞപ്പോൾ മുതൽ എപ്പോഴും സഹായവുമായി സിന്ധു ഒപ്പം തന്നെയുണ്ട്.
content highlight: diya-krishnas-baby-bump-video