യൂട്യൂബ് ചാനലുമായി സജീവമാവാനുള്ള തീരുമാനത്തിലാണ് വീണ നായര്‍. ഒന്നര വര്‍ഷത്തിന് ശേഷമാണ് പുതിയ വീഡിയോയുമായെത്തിയത്. ഇനി സജീവമായി വീഡിയോ ചെയ്യാനാണ് തീരുമാനം. ലൈവ് വീഡിയോയിലൂടെയായിരുന്നു വീണ വിശേഷങ്ങള്‍ പങ്കുവെച്ചത്. ഞാന്‍ നല്ല ഹാപ്പിയായിരിക്കുന്നു, കണ്ടിട്ട് മനസിലാവുന്നില്ലേ എന്നും വീണ ചോദിച്ചിരുന്നു. നിങ്ങളുടെ ചോദ്യങ്ങള്‍ക്ക് മറുപടിയുമായി വരുന്നുണ്ടെന്ന് നേരത്തെ വീണ പറഞ്ഞിരുന്നു.
എടുത്ത് വെച്ച കുറേ വീഡിയോകളുണ്ട്. അതെല്ലാം വ്‌ളോഗിലൂടെയായി കാണിക്കുന്നുണ്ട്. ഞാനും മോനും കുറേ യാത്രകള്‍ നടത്തിയിരുന്നു. അതിന്റെയൊക്കെ വീഡിയോ വരും ദിവസങ്ങളില്‍ നിങ്ങള്‍ക്ക് മുന്നിലെത്തും. എന്തൊക്കെയായിരിക്കും ചോദ്യങ്ങള്‍ വരുന്നത് എന്നോര്‍ത്ത് ടെന്‍ഷനുണ്ടായിരുന്നു. ഇപ്പോള്‍ എല്ലാം കണ്ടപ്പോള്‍ ആശ്വസമായി. സുഖമാണോ, എങ്ങനെയിരിക്കുന്നു എന്നൊക്കെയാണ് എല്ലാവരും ചോദിച്ചിട്ടുള്ളത്. ഇനി റിലീസിന് കുറച്ച് സിനിമകളുണ്ട്. പുതിയ പ്രൊജക്റ്റുകളുടെ ചര്‍ച്ച നടന്നുവരുന്നു.
ഡിവോഴ്‌സിനെക്കുറിച്ചുള്ള ചോദ്യവുമുണ്ടായിരുന്നു. അത് ശരിയാണോ എന്നായിരുന്നു ചോദ്യം. അതെ ഡിവോഴ്‌സായി, അത് ട്രൂത്താണെന്നായിരുന്നു വീണ പറഞ്ഞത്. എനിക്ക് ഏറ്റവും ഇഷ്ടമുള്ള കളര്‍ കറുപ്പാണ്. എവിടെപ്പോയാലും വാങ്ങുന്നത് കറുത്ത നിറമുള്ള വസ്ത്രങ്ങളാണ്. ഇപ്പോള്‍ കറുപ്പ് നിറമുള്ള കോസ്റ്റിയൂമിലാണല്ലോ കാണുന്നതെന്ന ചോദ്യത്തിനും വീണ മറുപടിയേകിയിരുന്നു.
മോഹന്‍ലാലിനും മമ്മൂട്ടിക്കുമൊപ്പം അഭിനയിച്ചപ്പോഴുള്ള അനുഭവത്തെക്കുറിച്ചും ചോദ്യമുണ്ടായിരുന്നു. ലാലേട്ടനൊപ്പം ഇതുവരെ അഭിനയിച്ചിട്ടില്ല. ബിഗ് ബോസില്‍ പോയപ്പോള്‍ കണ്ടിരുന്നു. മമ്മൂക്കയ്‌ക്കൊപ്പം അഭിനയിക്കാന്‍ അവസരം ലഭിച്ചത് ഇപ്പോഴാണ്. അടുത്ത് നിന്ന് സംസാരിച്ചത് ഡൊമിനിക്കിന്റെ സെറ്റില്‍ വെച്ചായിരുന്നു. നല്ല സിംപിളാണ് ആള്‍, എനിക്കൊരു ഡ്രീം കം ട്രൂ മൊമന്റായിരുന്നു അത്. ലാലേട്ടനൊപ്പമുള്ള പ്രൊജക്ട് ഈ വര്‍ഷം ഉണ്ടാവുമെന്നാണ് പ്രതീക്ഷിക്കുന്നത്.
ആര്യയും മഞ്ജു ചേച്ചിയുമൊക്കെയായി ഇപ്പോഴും സൗഹൃദമുണ്ട്. എല്ലാവരും തിരക്കിലല്ലേ, ഇടയ്ക്ക് കാണാറുണ്ടെന്നും വീണ പറഞ്ഞിരുന്നു. മോശം കമന്റുകള്‍ കാണുമ്പോള്‍ വിഷമം വരാറുണ്ട്. പലതും നോക്കാറില്ല ഇപ്പോള്‍. ബിഗ് ബോസ് കഴിഞ്ഞ സമയത്തായിരുന്നു ഏറ്റവും അധികം മോശം കമന്റുകള്‍ വന്നത്. ഇതൊക്കെ പ്രൊഫഷന്റെ ഭാഗമല്ലേ, ഇന്‍ഡസ്ട്രിയില്‍ അല്ലാത്തവര്‍ക്കും മോശം കമന്റുകളൊക്കെ വരുന്നില്ലേ, അപ്പോള്‍ ഇന്‍ഡസ്ട്രിയിലുള്ളവര്‍ക്ക കൂടുതലായിരിക്കും.
ജീവിതത്തില്‍ കുറച്ചൂടെ ബോള്‍ഡായത് ബിഗ് ബോസില്‍ പങ്കെടുത്തപ്പോഴായിരുന്നു. ഫിനാന്‍ഷ്യല്‍ സ്റ്റെബിലിറ്റി വന്നു. ആ ഷോയില്‍ പങ്കെടുത്തത് കൊണ്ടാണ് കുറേക്കാലം കൂടി കുഴപ്പങ്ങളൊന്നുമില്ലാതെ പോയത്. വീണ നായര്‍ എന്ന പേര് കുറേക്കൂടെ രജിസ്റ്ററായതും ആ ഷോയില്‍ പോയതോടെയായിരുന്നു. ബിഗ് ബോസില്‍ പറഞ്ഞ കാര്യങ്ങള്‍ വെച്ച് ചിലര്‍ക്ക് ഇഷ്ടക്കേടുണ്ട്. എന്നോട് ഇഷ്ടമില്ലാത്തവരോടും ഇഷ്ടമാണ് എനിക്ക് എന്നുമായിരുന്നു വീണ പറഞ്ഞത്.
content highlight: actress veena nair