അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബീറ്റ്റൂട്ട് (Beetroot) ഒരു പോഷകസമ്പന്നമായ പച്ചക്കറിയാണ്, ഇത് നമ്മുടെ ആരോഗ്യത്തിന് നിരവധി ഗുണങ്ങൾ നൽകുന്നു. ബീറ്റ്റൂട്ടിൽ വിറ്റാമിൻ സി, ഇരുമ്പ്, ഫോളേറ്റ്, മഗ്നീഷ്യം, പൊട്ടാസ്യം, നാരുകൾ എന്നിവ ധാരാളമായി അടങ്ങിയിട്ടുണ്ട്. ബീറ്റ്റൂട്ടിലെ നൈട്രേറ്റുകൾ രക്തക്കുഴലുകൾ വിശാലമാക്കുകയും രക്തസമ്മർദ്ദം കുറയ്ക്കുകയും ചെയ്യുന്നു, ഇതിലൂടെ ഹൃദയാരോഗ്യം മെച്ചപ്പെടുന്നു. നാരുകളുടെ സാന്നിധ്യം ദഹനപ്രക്രിയ മെച്ചപ്പെടുത്തുകയും മലബന്ധം തടയുകയും ചെയ്യുന്നു.
കൂടാതെ, കുടലിലെ ഗുണകരമായ ബാക്ടീരിയകളുടെ വളർച്ചയെ പ്രോത്സാഹിപ്പിക്കുന്നു. ബീറ്റ്റൂട്ടിലെ ബീറ്റൈൻ എന്ന സംയുക്തം കരളിലെ വിഷവസ്തുക്കൾ നീക്കം ചെയ്യാനും കരൾ കോശങ്ങളെ സംരക്ഷിക്കാനും സഹായിക്കുന്നു. വിറ്റാമിൻ സി, ഇരുമ്പ്, ആന്റിഓക്സിഡന്റുകൾ എന്നിവയുടെ സാന്നിധ്യം രോഗപ്രതിരോധ ശേഷി വർധിപ്പിക്കുന്നു. നൈട്രേറ്റുകൾ രക്തയോട്ടം മെച്ചപ്പെടുത്തുന്നതിനാൽ തലച്ചോറിന്റെ പ്രവർത്തനക്ഷമത വർധിപ്പിക്കുന്നു.
ആരോഗ്യത്തിന് മാത്രമല്ല സൗന്ദര്യ സംരക്ഷണത്തിനും ഏറ്റവും മികച്ചതാണ് ബീറ്റ്റൂട്ട്. മുഖത്തെ പാടുകൾ മാറ്റാൻ മാത്രമല്ല, ചുണ്ടിന് നിറം നൽകാനും ബീറ്റ് റൂട്ടിന് കഴിയും. ചുണ്ടുകളിലെ ഇരുണ്ട നിറം അകറ്റാൻ ബീറ്റ്റൂട്ട് സഹായിക്കുന്നു. കൂടാതെ, ബീറ്റ്റൂട്ടിന്റെ പിങ്ക് നിറം ചുണ്ടുകൾക്ക് പിങ്ക് നിറം നൽകുന്നു.
ബീറ്റ്റൂട്ട് ചുണ്ടുകൾക്ക് മികച്ച പോഷണം നൽകുന്നു. ഇത് വരണ്ടതും വിണ്ടുകീറിയതുമായ ചുണ്ടുകളെ സുഖപ്പെടുത്തുകയും ചുണ്ടുകൾക്ക് മികച്ച പ്രകൃതിദത്ത മോയ്സ്ചറൈസറായി പ്രവർത്തിക്കുകയും ചെയ്യുന്നു. നബീറ്റ്റൂട്ടിൽ അടങ്ങിയിരിക്കുന്ന ജലാംശം ചുണ്ടുകളെ വളരെ മൃദുലമാക്കാൻ സഹായിക്കുന്നു.
ബീറ്റ്റൂട്ട് പ്രകൃതിദത്തമായ നിറം നൽകുകയും വരണ്ട ചുണ്ടുകൾ ഇല്ലാതാക്കാൻ സഹായിക്കുകയും ചെയ്യുന്നു. ചുണ്ടുകളിലെ പിഗ്മെന്റേഷനും നിർജ്ജീവ കോശങ്ങളും കുറയ്ക്കുന്ന ലിപ്-ലൈറ്റനിംഗ് ഏജന്റായും ബീറ്റ്റൂട്ട് പ്രവർത്തിക്കുന്നു. ബീറ്റ്റൂട്ടിന്റെ ജ്യൂസ് ചുണ്ടുകൾക്ക് തിളക്കം നൽകുന്നു. ചുണ്ടിൽ പതിവായി ബീറ്റ്റൂട്ട് പുരട്ടുന്നതിലൂടെ കൂടുതൽ ലോലമാകാനും സഹായിക്കുന്നു.
ചുണ്ടിന്റെ സംരക്ഷണത്തിനായി ബീറ്റ്റൂട്ട് ഇങ്ങനെ ഉപയോഗിക്കാം…
ഒന്ന്…
ആദ്യമൊരു ബീറ്റ്റൂട്ട് ഗ്രേറ്റ് ചെയ്തെടുക്കുക. ശേഷം അത് മിക്സിയിൽ അടിച്ച് ജ്യൂസാക്കി എടുക്കുക. ശേഷം അതിലേക്ക് അൽപം വെണ്ണ ചേർക്കുക. ശേഷം നന്നായിര് യോജിപ്പിക്കുക. നന്നായി ചേർത്ത് ഇളക്കിയ ശേഷം ഇത് ഒരു ചെറിയ പാത്രത്തിലേക്ക് മാറ്റുക. അതിന് ശേഷം ഫ്രിഡ്ജിൽ വച്ച് തണുപ്പിച്ച് ഉപയോഗിക്കാവുന്നതാണ്. ചുണ്ടുകൾക്ക് നല്ല പിങ്ക് നിറം ലഭിക്കാൻ ഇത് വളരെയധികം സഹായിക്കും.
രണ്ട്…
ഒരു കഷണം ബീറ്റ്റൂട്ട് എടുത്ത് 15 മുതൽ 20 മിനിറ്റ് വരെ ഫ്രിഡ്ജിൽ വച്ച് തണുപ്പിക്കുക. അതിന് ശേഷം ഇത് ചുണ്ടിൽ പുരാട്ടുവന്നതാണ്. കുറച്ച് നേരം മസാജ് ചെയ്യുന്നത് ചുണ്ടിന് നല്ല നിറം കിട്ടാൻ സഹായിക്കും.
മൂന്ന്…
ആദ്യം ഒരു ടീസ്പൂൺ ബീറ്റ്റൂട്ട് ജ്യൂസ് എടുക്കുക. ഇതിലേക്ക് അൽപ്പം നാരങ്ങ നീര് ചേർക്കാം. ശേഷം നന്നായി യോജിപ്പിക്കുക. ഇതിൽ രണ്ടിലും അടങ്ങിയിരിക്കുന്ന വിറ്റാമിൻ സിയുടെ ഗുണങ്ങൾ ചുണ്ടുകൾ വളരെ മനോഹരമാക്കുന്നു.
content highlight: benefits-of-beetroot-for-your-lips
