ആദ്യ വിവാഹ മോചനം തന്റെ പ്രായത്തിന്റെ പക്വത കുറവാണ് എന്ന് അംഗീകരിച്ചിട്ടുള്ള താരമാണ് ആര്യ ബഡായി. കുറച്ചുകൂടെ പക്വത കാണിച്ചിരുന്നുവെങ്കില്‍ എനിക്ക് ചിലതൊക്കെ അഡ്ജസ്റ്റ് ചെയ്യാന്‍ പറ്റുമായിരുന്നു എന്ന് ആര്യ പറഞ്ഞിട്ടുണ്ട്. തന്റെ റിലേഷന്‍ഷിപ്പിനെ കുറിച്ചും അതില്‍ നിന്ന് നേരിട്ട വേദനയെ കുറിച്ചും തുറന്ന് പറഞ്ഞിട്ടുള്ള ആളാണ് ആര്യ. ഒരു പ്രണയം ഉണ്ടായിരുന്നു, ആ ബന്ധം വളരെ വേദനയോടെ അവസാനിച്ചു.
പ്രായത്തിന്റെ ഒരു ഘട്ടത്തില്‍ എത്തിയപ്പോള്‍ ഫാമിലിയായി സെറ്റില്‍ഡ് ആവാനും, ജീവിതം പങ്കുവയ്ക്കാനും എല്ലാം ഒരാള്‍ വേണം എന്ന തോന്നലുകളുണ്ട് എന്നും ആര്യ തുറന്ന് പറഞ്ഞിട്ടുണ്ട്. ചില സോഷ്യല്‍ മീഡിയ പോസ്റ്റുകളില്‍ വിവാഹിതയാകാന്‍ പോകുന്നതായ സൂചനയും ആര്യ പങ്കുവച്ചിരുന്നു. എന്ന് വിവാഹം ഉണ്ടാവും എന്ന ചോദ്യത്തിന് ആര്യ മറുപടി നല്‍കുന്നു
ഇന്‍സ്റ്റഗ്രാമില്‍ ആസ്‌ക് മി എനിത്തിങ് എന്ന സെഗ്മെന്റില്‍ ആരാധകരുടെ ചോദ്യത്തിന് മറുപടി പറയുകയായിരുന്നു ആര്യ. സിംഗിളാണോ എന്ന ചോദ്യത്തിന് നിങ്ങള്‍ എന്ത് കരുതുന്നു ഗായിസ് എന്നായിരുന്നു ആര്യയുടെ മറുചോദ്യം.
2025 ല്‍ വിവാഹം ഉണ്ടാവും എന്ന് പറഞ്ഞല്ലോ, ഈ വര്‍ഷം അത് സംഭവിക്കുമോ എന്നായിരുന്നു ഒരാളുടെ ചോദ്യം. അപ്പോഴും വിവാഹം കഴിക്കാനുള്ള ആഗ്രഹം ആര്യ വ്യക്തമാക്കുന്നുണ്ട്. ‘ഞാന്‍ മാത്രം വിചാരിച്ചാല്‍ നടക്കുന്ന കാര്യമല്ലല്ലോ അത്’ എന്നായിരുന്നു ആര്യയുടെ മറുപടി. പ്രണയ ദിനത്തെ കുറിച്ച് എന്താണ് അഭിപ്രായം എന്ന് ചോദിച്ചപ്പോള്‍, എല്ലാ ദിവസവും ആഘോഷിക്കണം എന്നായിരുന്നു ആര്യയുടെ ആദ്യത്തെ പ്രതികരണം. അതല്ലാതെ, പ്രണയിക്കുന്നവര്‍ അത് പങ്കുവയ്ക്കാനായി കാത്തിരിയ്ക്കുന്ന ഒരു ദിവസം എന്ന നിലയിലും വാലന്റൈന്‍സ് ഡേ നല്ലതാണ്- ആര്യ പറഞ്ഞു.
നിലവില്‍ മച്ചാന്റെ മാലാഖ എന്ന തന്റെ പുതിയ ചിത്രത്തിന്‍റെ പ്രമോഷന്‍ തിരക്കിലാണ് ആര്യ. സൗബിന്‍ ഷഹീറും നമിത പ്രമോദും കേന്ദ്ര കഥാപാത്രങ്ങളായി എത്തുന്ന ചിത്രം ഫെബ്രുവരി 27 ന് തിയേറ്ററുകളിലെത്തും.
content highlight: Arya Badai