അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മക്കളുടെ വിശേഷങ്ങളെല്ലാം സോഷ്യല്‍മീഡിയയിലൂടെ പങ്കുവെക്കാറുണ്ട് സിന്ധു കൃഷ്ണ. താന്‍ ബോര്‍ഡിംഗിലാണ് പഠിച്ചതെങ്കിലും മക്കളെ ആരെയും അവിടേക്ക് വിട്ടിട്ടില്ലെന്നും അവര്‍ പറയുന്നു. പുതിയ വീഡിയോയിലൂടെയായിരുന്നു അവര്‍ വിശേഷങ്ങള്‍ പങ്കുവെച്ചത്.
ബോര്‍ഡിംഗ് സ്‌കൂളിലെ ജീവിതം എങ്ങനെയായിരുന്നു, പേരന്‍സിനെ മിസ് ചെയ്യാറുണ്ടോയെന്നായിരുന്നു ഒരാള്‍ ചോദിച്ചത്. ബോര്‍ഡിംഗ് സ്‌കൂള്‍ എന്താണെന്ന് പോലും വലിയ വിവരമില്ലാത്ത ഒരു കാലത്താണ് ഞാന്‍ അവിടെ എത്തിയത്. അഡ്മിഷന്‍ കിട്ടിയതൊക്കെ വലിയ കഥയാണ്. എനിക്ക് ഇഷ്ടമായിരുന്നു ആ ജീവിതം. എന്റെ വീട്ടിലെ അന്നത്തെ അന്തരീക്ഷത്തിനേക്കാളും കുറച്ചൂടെ രസമായിരുന്നു ബോര്‍ഡിംഗ് സ്‌കൂള്‍. അവിടെ എല്ലാ കാര്യങ്ങളിലും ഇടപെടാന്‍ പറ്റിയിരുന്നു എനിക്ക്. സ്വന്തമായിട്ടായിരുന്നു എല്ലാ കാര്യങ്ങളും ചെയ്തിരുന്നു.
ചെറുപ്പത്തില്‍ തന്നെ നമുക്ക് സ്മാര്‍ട്ടാവാന്‍ പറ്റും. എത്രയോ പേരുടെ ഇടയിലാണ് ജീവിക്കുന്നത്. ധാരാളം ബുള്ളിയിംഗൊക്കെ നടക്കും അവിടെ. എന്നാലും നമ്മള്‍ നില്‍ക്കാന്‍ പഠിക്കും. സ്വന്തമായിട്ട് കാര്യങ്ങളെല്ലാം ചെയ്യാനുള്ള പക്വത കിട്ടും. പേരന്‍സിനെ മിസ് ചെയ്യാറുണ്ടോയെന്ന് ചോദിച്ചാല്‍ അതെ, അവരെ മിസ് ചെയ്യാറൊക്കെയുണ്ട്. എന്നാല്‍ ബോര്‍ഡിംഗ് സ്‌കൂളും പഠനവും ഫ്രണ്ട്‌സുമൊക്കെയായി ഞാന്‍ ഹാപ്പിയായിരുന്നു. പാട്ടിലും ഡാന്‍സിലുമൊക്കെ പങ്കെടുക്കുമായിരുന്നു. വെക്കേഷന്‍ കഴിഞ്ഞ് പോയാല്‍ ആദ്യത്തെ മൂന്നാല് ദിവസം ഹോം സിക്ക്‌നെസ് ഫീല്‍ ചെയ്യാറുണ്ട്. പിന്നെ ഓക്കെയാവും.
നല്ല ടീച്ചേഴ്‌സും ഫ്രണ്ട്‌സുമൊക്കെയുണ്ടായിരുന്നു അവിടെ. പിന്നെ ഇഷ്ടമുള്ള കാര്യങ്ങളെല്ലാം ചെയ്യാനും പറ്റുമായിരുന്നു. സങ്കടപ്പെട്ടിരിക്കാനൊന്നും സമയം കിട്ടില്ല. ബോര്‍ഡിംഗ് സ്‌കൂള്‍ എനിക്കിഷ്ടമാണ്, എന്റെ പിള്ളേരെയൊന്നും ഞാന്‍ ബോര്‍ഡിംഗ് സ്‌കൂളില്‍ വിട്ടിട്ടില്ല. ഞങ്ങള്‍ക്ക് മക്കളായ സമയത്ത് ബോര്‍ഡിംഗിലൊക്കെ വിടുന്നത് ചിന്തിക്കാന്‍ പോലും പറ്റാത്ത കാര്യമായിരുന്നു. അത്രയും എക്‌സ്‌പെന്‍സീവാണ്. ബോര്‍ഡിംഗില്‍ ലക്ഷങ്ങളൊന്നും കൊടുക്കാന്‍ പറ്റിയ സാഹചര്യമല്ലായിരുന്നു. അതുപോലെ തന്നെ മക്കളുടെ കാര്യത്തില്‍ ഞാന്‍ പൊസസീവായിരുന്നു. അവരെപ്പോഴും എന്റെ കൂടെ തന്നെ വേണമെന്നായിരുന്നു. അതും ഒരു കാരണമായിരുന്നു.
കോളേജില്‍ പഠിക്കുന്ന സമയത്തും ഞാന്‍ ഹോസ്റ്റലിലായിരുന്നു. മസ്‌കറ്റിലായിരുന്നപ്പോള്‍ രണ്ട് വര്‍ഷം ഡേ സ്‌കോളറായി പോയി വരികയായിരുന്നു. ഒട്ടും ഇഷ്ടമല്ലായിരുന്നു. രാവിലെ എഴുന്നേല്‍ക്കുന്നു, സ്‌കൂള്‍ ബസിനായി ഓടുന്നു, ബസ് യാത്രയൊന്നും എനിക്കിഷ്ടമല്ലായിരുന്നു. സ്‌കൂളിലെത്തും മുന്‍പേ ആകെ വയ്യാതെയാവും. ഡാന്‍സ് പ്രോഗ്രാമിനൊന്നും പങ്കെടുക്കാറേയില്ലായിരുന്നു. പ്രാക്ടീസിനൊന്നും പങ്കെടുക്കാനാവില്ലായിരുന്നു. അതിനാല് തന്നെ ആ ജീവിതം അത്ര ഇഷ്ടവുമല്ലായിരുന്നു എന്നും സിന്ധു കൃഷ്ണ പറഞ്ഞിരുന്നു.
content highlight: Sindhu Krishna
