അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബാലതാരമായി സിനിമാ ലോകത്തേക്ക് വന്നതാണ് എസ്തര്‍ അനില്‍. ദൃശ്യം സിനിമകള്‍ക്ക് ശേഷമുള്ള നടിയുടെ മാറ്റം തുടക്കത്തില്‍ ആരാധകരെ അമ്പരപ്പിച്ചിരുന്നുവെങ്കിലും ഇപ്പോള്‍ അത് ശീലമായി. വെസ്‌റ്റേണ്‍ ലുക്കിലുള്ള എസ്തറിന്റെ ചിത്രങ്ങള്‍ പലപ്പോഴും സോഷ്യല്‍ മീഡിയയില്‍ വൈറലാണ്. അക്കൂട്ടത്തിലേക്കിതാ പുതിയ രണ്ട് ചിത്രങ്ങള്‍ കൂടെ.
കറുപ്പ് നിറത്തിലുള്ള ഡ്രസ്സിങില്‍ അല്പം ഗ്ലാമര്‍ ലുക്കിലുള്ള സ്റ്റൈലന്‍ ചിത്രങ്ങളാണ് ഏറ്റവുമൊടുവില്‍ എസ്തര്‍ അനില്‍ സോഷ്യല്‍ മീഡിയയില്‍ പങ്കുവച്ചിരിയ്ക്കുന്നത്. ചിത്രങ്ങള്‍ക്ക് കൊടുത്തിരിയ്ക്കുന്ന ക്യാപ്ഷനാണ് അതിലും രസകരം. ‘നിങ്ങള്‍ക്ക് അറിയാമോ എന്താണ് പ്രശ്‌നം എന്ന്? ഒരു ഫുള്‍ ബര്‍ഗറും 4 ഹോട്ട് വിങ്‌സും കഴിച്ചത് എന്റെ അരക്കെട്ടിന്റെ ഭംഗം കവര്‍ന്നെടുക്കുന്നു’ എന്ന് ക്യാപ്ഷന്‍.
നടി തന്റെ വടിവൊത്ത ശരീരത്തെ എത്രമാത്രം പ്രണയിക്കുന്നു എന്ന് ക്യാപ്ഷനുകളില്‍ വ്യക്തമാണ്. ക്യാപ്ഷന്‍ നൂറ് ശതമാനം സത്യമാണെന്ന് അംഗീകരിക്കുന്ന ആരാധകരെ കമന്റില്‍ കാണാം. അതേ സമയം നെഗറ്റീവ് കമന്റുകളും ഉണ്ട്. എന്നാല്‍ ഡ്രസ്സിങിനെ എത്രമാത്രം വിമര്‍ശിച്ചാലും, അത് തന്റെ സ്വാതന്ത്ര്യമാണെന്ന് ആവര്‍ത്തിക്കുകയാണ് പുതിയ ചിത്രങ്ങളിലൂടെ എസ്തര്‍ അനില്‍.
ദൃശ്യം 3 യുടെ വിശേഷങ്ങള്‍ ചോദിച്ച് കമന്റില്‍ എത്തുന്നവരുമുണ്ട്. ദിവസങ്ങള്‍ക്ക് മുന്‍പാണ് മോഹന്‍ലാലും ആന്റണി പെരുമ്പാ വൂരും ജീത്തു ജോസഫും ദൃശ്യം 3 ഔദ്യോഗികമായി പ്രഖ്യാപിച്ച് സോഷ്യല്‍ മീഡിയയില്‍ എത്തിയത്. പിന്നാലെയാണ് എസ്തറിന്റെ ഈ ഫോട്ടോയും വന്നിരിക്കുന്നത്. ഫോട്ടോ പോസ്റ്റ് ചെയ്യുന്നതെല്ലാം നിര്‍ത്തി വേഗം അന്‍സിബയെയും കൂട്ടി ദൃശ്യം 3 യുടെ സെറ്റിലേക്ക് എത്തൂ എന്ന് പറയുന്ന കമന്റുകള്‍ ചിത്രത്തിന് താഴെ കാണാം.
എസ്തര്‍ അനിലിന് ഒരു പാന്‍ ഇന്ത്യന്‍ അറ്റന്‍ഷന്‍ നേടിക്കൊടുത്ത സിനിമയാണ് 2013 ല്‍ പുറത്തിറങ്ങിയ ദൃശ്യത്തിന്റെ ആദ്യ ഭാഗം. അന്ന് 11 വയസ്സുകാരിയായിരുന്നു എസ്തിര്‍. രണ്ടാം ഭാഗം 2022 ല്‍ പുറത്തിറങ്ങുമ്പോഴേക്കും എസ്തര്‍ അടിമുടി മാറി. ഇപ്പോള്‍ 23 വയസ്സാണ് എസ്തറിന്റെ പ്രായം, ഈ മാറ്റം കഥാപാത്രത്തിലും പ്രതിഫലിച്ചേക്കാം.
അതേ സമയം സിനിമകള്‍ ചെയ്യുന്നതില്‍ ഇപ്പോള്‍ വളരെ അധികം സെലക്ടീവാണ് എസ്തര്‍ അനില്‍. പഠനത്തിന്റെ തിരക്കിലാണ്. വര്‍ഷത്തില്‍ ഒരു സിനിമ എന്ന രീതിയിലാണ് 2022 ന് ശേഷം നടി പോകുന്നത്. മിന്‍മിനി എന്ന തമിഴ് ചിത്രത്തിലാണ് നടി ഏറ്റവുമൊടുവില്‍ അഭിനയിച്ചത്. നായികാ വേഷമായിരുന്നു അത്.
content highlight: Esther Anil
