അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രതിഫലത്തില്‍ മറ്റേത് രംഗത്തേക്കാളും മുമ്പിലാണ് സിനിമാ മേഖല. ഏറ്റവും സമ്പന്നമാരായ നടൻമാരുടെ ആസ്തി കാണിച്ചുകൊണ്ടുള്ള പട്ടികയാണ് ഇപ്പോൾ പുറത്തായിരിക്കുന്നത്. ഷാരൂഖ് ഖാൻ ആണ് ഇന്ത്യൻ താരങ്ങളില്‍ ഏറ്റവും സമ്പന്നൻ. നടൻ ഷാരൂഖ് ഖാന് 7300 കോടിയുടെ ആസ്തി ഉണ്ടെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
കൊല്‍ക്കത്ത നൈറ്റ് റൈഡേഴ്‍സും ഷാരൂഖിന്റേതാണ്. ഐപിഎല്ലിലെ പങ്കാളിത്തമാണ് മറ്റുള്ളവരേക്കാള്‍ ബോളിവുഡ് താരത്തിന്റെ സമ്പത്ത് വര്‍ദ്ധിക്കാൻ പ്രധാന കാരണവും. ഷാരൂഖിന് ഒരു സിനിമയ്‍ക്ക് 250 കോടി രൂപയ്‍ക്കടുത്ത് പ്രതിഫലം ലഭിക്കുന്നുണ്ടെന്നാണ് റിപ്പോര്‍ട്ട്.
സമ്പത്തില്‍ രണ്ടാമൻ ആരെന്ന് അറിഞ്ഞാലാണ് സിനിമാ പ്രേക്ഷകര്‍ ഞെട്ടുക. ബോളിവുഡ് നടൻമാരെയും പിന്നിലാക്കി തെന്നിന്ത്യൻ താരം നാഗാര്‍ജുനയാണ് രണ്ടാം സ്ഥാനത്തെത്തിയിരിക്കുന്നത്. നാഗാര്‍ജുനയുടെ ആകെ ആസ്തി 3310 കോടി രൂപയാണ്. തെന്നിന്ത്യയില്‍ പ്രതിഫലത്തിന്റെ കാര്യത്തിലും മുമ്പന്തിയിലാണ് താരം എന്നാണ് റിപ്പോര്‍ട്ട്. മുൻനിരയിലുള്ള പല താരങ്ങള്‍ക്കും സിനിമ മാത്രമല്ല തങ്ങളുടെ വരുമാന മാര്‍ഗം. പരസ്യങ്ങളിലില്‍ നിന്നും മറ്റുമുള്ള പ്രതിഫലവും മറ്റ് ബിസിനസുകളില്‍ നിന്നുള്ള വരുമാനവും വലിയ ആസ്‍തിയായി മാറുന്നു. സ്വന്തമായി നിര്‍മാണ കമ്പനിയുള്ള നിരവധി താരങ്ങളും ഇന്ത്യയിലുണ്ട്.
സമ്പത്തില്‍ മുന്നിലുള്ള 10 താരങ്ങള്‍
- ഷാരൂഖ് ഖാൻ- 7300 കോടി
- നാഗാര്‍ജുൻ അക്കിനേനി- 3310 കോടി
- സല്‍മാൻ ഖാൻ- 2900 കോടി
- അക്ഷയ് കുമാര്‍- 2500 കോടി
- ഹൃത്വിക് റോഷൻ- 2000 കോടി
- ആമിര്‍ ഖാൻ- 1862 കോടി
- അമിതാഭ് ബച്ചൻ- 1600 കോടി
- രാം ചരണ്‍- 1370 കോടി
- സെയ്‍ഫ് അലി ഖാൻ- 1200 കോടി
- രജനികാന്ത്- 450 കോടി
content highlight: most-richest-indian-film-stars
