നൈന്റീസ് കിഡ്‌സിന്റെ ഇഷ്ടനായികമാരില്‍ ഒരാളായിരുന്നു സുകന്യ. തൊണ്ണൂറുകളില്‍ തമിഴ് – തെലുങ്ക് – മലയാളം സിനിമകളില്‍ സജീവമായിരുന്ന നടി, കരിയറിന്റെ ഏറ്റവും വലിയ പീക്കില്‍ നില്‍ക്കുമ്പോഴാണ് വിവാഹിതയായത്. അമേരിക്കന്‍ വ്യവസായിയായ ശ്രീധര്‍ ആണ് സുകന്യയെ വിവാഹം ചെയ്തത്. 2002 ല്‍ ന്യൂ ജേഴ്‌സിയിലെ ബാലാജി ക്ഷേത്രത്തില്‍ വച്ചായിരുന്നു വിവാഹം.
വിവാഹം കഴിഞ്ഞ് ഒരു വര്‍ഷത്തിനുള്ളില്‍ തന്നെ ആ ബന്ധം വേര്‍പിരിഞ്ഞു. ഭര്‍ത്താവില്‍ നിന്ന് താന്‍ ക്രൂരമായ പീഡനം നേരിട്ടു എന്ന് പറഞ്ഞുകൊണ്ടാണ് അമേരിക്കയില്‍ നിന്ന് സുകന്യ ചെന്നൈയിലേക്ക് തിരിച്ചെത്തിയത്. ചെന്നൈയിലെ കുടുംബ കോടതിയില്‍ വിവാഹ മോചനത്തിന് കേസ് ഫയല്‍ ചെയ്യുകയും ചെയ്തു. എന്നാല്‍ വിവാഹ മോചനം നല്‍കാന്‍ ശ്രീധര്‍ തയ്യാറല്ലായിരുന്നു. അമേരിക്കയില്‍ വച്ച് നടന്ന വിവാഹ ബന്ധം ഇന്ത്യയില്‍ വച്ച് നിയമപരമായി വേര്‍പിരിക്കാന്‍ കഴിയില്ല എന്ന് ശ്രീധര്‍ വാദിച്ചു.
അവസാനം വര്‍ഷങ്ങള്‍ നീണ്ട നിയമ പോരാട്ടത്തിനൊടുവിലാണ് സുകന്യയ്ക്ക് വിവാഹ മോചനം ലഭിച്ചത്. ആ ബന്ധത്തില്‍ സുകന്യയ്ക്ക് ഒരു മകളും പിറന്നിരുന്നു. വിവാഹ മോചനത്തിന് ശേഷം സിനിമയിലേക്ക് സുകന്യ തിരിച്ചെത്തിയെങ്കിലും വളരെ സെലക്ടീവാണ് നടി. 50 കഴിഞ്ഞ സുകന്യയുടെ സൗന്ദര്യത്തിനും അഭിനയത്തിനും ഇപ്പോഴും ഒരു കോട്ടവും തട്ടിയിട്ടില്ല.
സിനിമയില്‍ ആണെങ്കിലും സോഷ്യല്‍ മീഡിയയില്‍ ആണെങ്കിലും അപൂര്‍വ്വമായി മാത്രമാണ് ഇപ്പോള്‍ സുകന്യയെ കാണുന്നത്. ഈ സാഹചര്യത്തില്‍ നടിയുടെ ഒരു പുതിയ ഫോട്ടോ സോഷ്യല്‍ മീഡിയയില്‍ വൈറലാവുന്നു. മഹാശിവരാത്രി ആശംസകള്‍ നേര്‍ന്നുകൊണ്ടാണ് ചിത്രം പങ്കുവച്ചിരിയ്ക്കുന്നത്. കടല്‍ തീരത്ത് നൃത്തം ചെയ്യുന്ന സുകന്യയുടെ ഫോട്ടോ ആരാധകരും ഏറ്റെടുത്തു. ഇപ്പോള്‍ സുകന്യയുടെ സന്തോഷം ഇതൊക്കെയാണ്.
ഒരു വര്‍ഷം കൊണ്ട് അവസാനിച്ച ദാമ്പത്യ ജീവിതത്തിന് ശേഷം സുകന്യ മറ്റൊരു വിവാഹ ജീവിതത്തിലേക്ക് പോയിട്ടില്ല. എനിക്ക് 50 കഴിഞ്ഞു, ഇനി കല്യാണം കഴിഞ്ഞ് കുട്ടികള്‍ ആകുന്നതിനെ കുറിച്ചൊന്നും ആലോചിക്കുന്നില്ല. ഒരു കംപാനിയന്‍ ആവാം, പക്ഷേ അതിന് വേണ്ടി കാത്തിരിക്കുന്നൊന്നും ഇല്ല. അങ്ങനെ ഒന്ന് സംഭവിച്ചാല്‍ സ്വീകരിക്കും എന്നാണ് സുകന്യ പറഞ്ഞിരുന്നത്.
content highlight: Actress Sukanya