അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി ബോള്‍ഗാട്ടിയിലെ തന്റെ വീട്ടില്‍ നിന്നും കായലിലേക്ക് മാലിന്യം വലിച്ചെറിഞ്ഞത് തെറ്റു തന്നെയാണെന്ന് ഗായകന്‍ എം.ജി. ശ്രീകുമാറിന്റെ ഏറ്റു പറച്ചില്‍. പക്ഷെ, വലിച്ചെറിഞ്ഞത് മാലിന്യമല്ല, വീട്ടു മുറ്റത്തു നില്‍ക്കുന്ന മാവില്‍ നിന്നും അണ്ണാന്‍ ചപ്പിയ മാങ്ങയായിരുന്നു. വലിച്ചെറിഞ്ഞത്, വീട്ടിലെ ജോലിക്കാരിയാണ്. തറയില്‍ വീണ മാങ്ങ പേപ്പറില്‍ പൊതിഞ്ഞാണ് കായലിലേക്ക് എറിഞ്ഞത്. അത് വേണമെങ്കില്‍ തെളിയിക്കാം. എന്നാല്‍, ചെയ്തത് തെറ്റാണ്. ചെയ്യാന്‍ പാടില്ലാത്തതാണ്. പക്ഷെ, ഒരു മാങ്ങയക്കും മാങ്ങാണ്ടിക്കും ഇത്രയും വലിയ പിഴ ചരിത്രത്തില്‍ ആദ്യമായിട്ടാണ് കിട്ടിയതെന്നും ശ്രീകുമാര്‍ പ്രതികരിച്ചു.
കൊച്ചിയിലെ വീട്ടില്‍ താമസിക്കാറില്ല. ഷീട്ടിനു പോകുമ്പോഴും ഹോട്ടലിലാണ് തങ്ങാറ്. അതുകൊണ്ടു തന്നെ കൊട്ടിയിലെ വീട്ടില്‍ മാലിന്യങ്ങള്‍ ഉണ്ടാകാരുമില്ല. പത്തു ദിവസത്തില്‍ കൂടുതല്‍ അവിടെ താമസിക്കാരുമില്ല. മാവില്‍ നിന്നു വീഴുന്ന മാങ്ങ, വെള്ളത്തിലും മുറ്റത്തും വീഴും. മാങ്ങയും മാങ്ങാണ്ടിയും എടുത്ത് വെള്ളത്തില്‍ ഇടാന്‍ പാടില്ലായിരുന്നു. പഞ്ചായത്ത് അതിന്റെ പേരില്‍ ഇട്ട പിഴയും അടച്ചു. മുഖ്യമന്ത്രിയുടെ മാലിന്യത്തിനെതിരേ പറഞ്ഞിട്ടുള്ള മുദ്രാവാക്യം ഓര്‍മ്മയുണ്ട്. മാലിന്യ വിമുക്ത കേരളം. ഞാന്‍ പല വിദേശ രാജ്യങ്ങളിലും പോകാറുണ്ട്. അവിടെയൊന്നും ഒരു പേപ്പര്‍ പോലും പുറത്തിടാറില്ല.
വീട്ടില്‍ ഹരിത കര്‍മ്മസേന ഒരു സ്റ്റിക്കര്‍ ഒട്ടിച്ചിട്ടുണ്ട്. എന്നാല്‍, അത് മാലിന്യം അല്ല, മാങ്ങയാണ്. വീഡിയോ എടുത്ത് ഇട്ടയാള്‍ക്ക് പിഴയടച്ചതില്‍ നിന്നും കുറച്ച് തുക കിട്ടുമായിരിക്കും. എങ്കിലും ചെയ്തത് തെറ്റാണ്. പക്ഷെ, ഇത് വെറുമൊരു മാങ്ങയാണെന്ന് മനസ്സിലാക്കണം. ഇതിന് 25,000 രൂപ പിഴയിടുമ്പോള്‍ സമാനരീതിയില്‍ ഹോസ്പിറ്റലുകളില്‍ നിന്നും, ഹോട്ടല്‍സ്, മറ്റു സ്ഥാപനങ്ങലില്‍ നിന്നുമൊക്കെ ടണ്‍ കണക്കിന് മാലിന്യമാണ് കൊട്ടിയിലെ കായലിലൂടെ ഒഴുകുന്നത്. അതൊന്നും അധികൃതര്‍ കാണുന്നില്ലേ എന്നൊരു ചോദ്യമാണ് ചോദിക്കാന്‍ തോന്നുന്നത്.
ചെയ്ത തെറ്റിന്, ഒരു മാങ്ങയ്ക്ക് പിഴയടച്ചു. അതിന് സന്തോഷമേയുള്ളൂ. നമ്മുടെ കേരളം എന്നും ശുചിത്വമായിരിക്കട്ടെ. ഞാന്‍ അതിനൊരു മാതൃകയാകട്ടെ. ആരും തന്നെ, ഇനിയൊരു മാങ്ങയോ പേപ്പറോ ഒന്നും തന്നെ വെള്ളത്തില്‍ ഇടരുത്. അത്രയ്ക്കും ശുചിത്വമായിരിക്കട്ടെ. അതിനു വേണ്ടിയുള്ള മുദ്രാവാക്യം ചേര്‍ത്ത് ഉടന്‍തന്നെ ഒരു പാട്ട് ഞാന്‍ തന്നെ എവുതി പാടി പുറത്തിറക്കും. പക്ഷെ, ഓര്‍ക്കണം. ഒരു മാാങ്ങയും ഒരു മാങ്ങാണ്ടിക്കും 25,000 രൂപയാണെങ്കില്‍ വലിയ വലിയ മാലിന്യങ്ങള്‍ക്ക് എത്രയായിരിക്കണം സര്‍ക്കാര്‍ പിഴയിടേണ്ടത് എന്ന് മറക്കരുത്.
തിരുവനന്തപുരം സ്വദേശിയാണ് കായലിലേക്ക് മാലിന്യം വലിച്ചെറിയുന്ന വീഡിയോ മൊബൈലില്‍ പകര്‍ത്തിയത്. മാസങ്ങള്‍ക്ക് മുന്‍പാണ് വിനോദ സഞ്ചാരിയായ നസീം വീഡിയോ പകര്‍ത്തുന്നത്. ഈ വീഡിയോ കഴിഞ്ഞ ദിവസം മന്ത്രി എം.ബി രാജേഷിനെ ടാഗ് ചെയ്തുകൊണ്ട് ഇന്‍സ്റ്റഗ്രാമില്‍ പോസ്റ്റ് ചെയ്തു. മന്ത്രിയുടെ ഓഫീസ് ഈ വീഡിയോ ശ്രദ്ധിക്കുകയും അന്വേഷിക്കാനായി മുളവുകാട് പഞ്ചായത്തിനെ ചുമതലപ്പെടുത്തുകയും ചെയ്തു.
ഈ സംഭവം നടക്കുന്ന സമയത്ത് എം.ജി ശ്രീകുമാര്‍ സ്ഥലത്തുണ്ടായിരുന്നില്ലെന്നാണ് ലഭിക്കുന്ന വിവരം. തുടര്‍ന്ന് പഞ്ചായത്ത് പിഴ ചുമത്തുകയായിരുന്നു. മാര്‍ച്ച് 30ന് എം.ജി ശ്രീകുമാര്‍ പിഴ അടക്കുകയും ചെയ്തിരുന്നു.
CONTENT HIGH LIGHTS;It was not garbage, it was a mango: But admits mistake; If a fine of Rs. 25,000 is paid for a mango, what will be the fine for large garbage, says MG Sreekumar
