അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഒരാഴ്ചയിലേറെയായി സിപിഒ ഉദ്യോഗാർഥികൾ സെക്രട്ടേറിയറ്റിനു മുന്നിൽ നടത്തുന്ന സമരത്തിനിടെ കുഴഞ്ഞു വീണ് ഉദ്യോഗാർഥി. കണ്ണൂർ സ്വദേശിയായ സി.എസ്.ഹനീന കുഴഞ്ഞുവീണത്. ഏത്തമിട്ടു പ്രതിഷേധക്കുന്നതിനിടെയാണ് കുഴഞ്ഞുവീണത്. ഉദ്യോഗാർഥി തളർന്നുവീണ സമയത്ത് കോൺഗ്രസ് നേതാവ് രമേശ് ചെന്നിത്തല സമരമുഖത്തുണ്ടായിരുന്നു. അദ്ദേഹത്തിന്റെ സ്വകാര്യ വാഹനത്തിലാണ് ഹനീനയെ ആശുപത്രിയിലേക്ക് കൊണ്ടുപോയത്.
ഉദ്യോഗാർഥികൾ കുറേ ദിവസമായി സമരം നടത്തുകയാണ്. ഈ വിഷയത്തെ കുറിച്ചു മുഖ്യമന്ത്രിയോടു സംസാരിച്ചതാണ്. പരിശോധിക്കാം എന്ന് പറഞ്ഞതല്ലാതെ അദ്ദേഹം നടപടി സ്വീകരിച്ചിട്ടില്ല. വിഷയത്തിൽ അടിയന്തരമായി തീരുമാനമുണ്ടാകണം. പൊലീസും ആംബുലൻസും സ്ഥലത്ത് ഇല്ലാതിരുന്നതിനാലാണ് തന്റെ വാഹനത്തിൽ ഉദ്യോഗാർഥിയെ ആശുപത്രിയിലെത്തിക്കേണ്ടി വന്നത്. സമരം ചെയ്യുന്നവരോട് കുറച്ചുകൂടി മനുഷ്യത്വപരമായ സമീപനം സ്വീകരിക്കണം. രമേശ് ചെന്നിത്തല പറഞ്ഞു.
മുട്ടിലിഴഞ്ഞും കൈയിൽ കർപൂരംവച്ചു കത്തിച്ചും കല്ലുപ്പിൽ നിന്നും ഏത്തമിട്ടും ഉപവാസം കിടന്നും ഒരാഴ്ചയിലേറെയായി സിപിഒ ഉദ്യോഗാർഥികൾ പ്രതിഷേധിക്കുകയാണ്. മുഖ്യമന്ത്രി സിപിഒ ഉദ്യോഗാർഥികളോടുള്ള അനുകൂല പരാമർശം എടുക്കാത്ത സാഹചര്യത്തിലാണ് സമരമുറകൾ കടുപ്പിക്കുന്നത്.
STORY HIGHLIGHT: c p o recruitment protest
