അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മമ്മൂട്ടിയോടൊപ്പം ബസൂക്കയിൽ തകർത്തഭിനയിക്കാൻ കഴിഞ്ഞതിന്റെ സന്തോഷത്തിലാണ് സന്തോഷ് വർക്കി എന്ന് ആറാട്ടണ്ണൻ. ആ സീൻ വന്നപ്പോൾ എല്ലാവരും കയ്യടിച്ചെന്നും ഇത് സന്തോഷത്തെ ഇരട്ടയാക്കുന്നുവെന്നുമാണ് സന്തോഷ് പറയുന്നത്. തിയറ്ററുകളിൽ സിനിമയെ കുറിച്ച അഭിപ്രായം പറഞ്ഞാണ് സന്തോഷ് ശ്രദ്ധിക്കപ്പെടുന്നത്. മോഹൻലാൽ ചിത്രമായ ആറാട്ടിനെ കുറിച്ച് ലാലേട്ടൻ ആറാടുകയാണെന്ന പ്രസ്താവന വൈറലാക്കി. സിനിമയിൽ അഭിനയിച്ചത് പ്രതിഫലം വാങ്ങാതെയാണെന്നും ഇടയ്ക്കു വച്ച് പിൻവാങ്ങിയിരുന്നുവെന്നും താരം പറയുന്നു.
സന്തോഷിന്റെ വാക്കുകൾ…..
ബാഡ് ബോയ്സിനു ശേഷം ഞാൻ അഭിനയിക്കുന്ന ചിത്രമാണ് ‘ബസൂക്ക’. എന്നെ മാറ്റി അവസാനം പെരേരയെ കൊണ്ടുവരുമോ എന്ന് സംശയമുണ്ടായിരുന്നു. ഈ സീൻ ഉണ്ടാകില്ലെന്നാണ് വിചാരിച്ചത്. കാരണം ഇടയ്ക്ക് വച്ച് പിൻവാങ്ങിയിരുന്നു. ഞാൻ ചെയ്തതും മണ്ടത്തരമാണ്. എനിക്ക് ഡ്രസ് മാറാൻ സ്ഥലം കിട്ടാത്തതുകൊണ്ട് പിൻവാങ്ങിപ്പോയതാണ്.
പക്ഷേ വലിയ സന്തോഷമുണ്ട്, നല്ല ഒരു സിനിമയില്‍ അഭിനയിക്കാന്‍ പറ്റി, ഞാന്‍ പൈസ വാങ്ങിയിട്ടില്ലാ, എന്റെ സീന്‍ ഉണ്ടാകുമെന്ന് ഞാന്‍ കരുതിയില്ലാ, ഗൗതം വാസുദേവ് മേനോനൊപ്പവും സിദ്ധാർഥ് ഭരതനുമൊപ്പമാണ് അഭിനയിക്കാന്‍ പറ്റിയത്. തിയറ്ററിൽ എന്റെ മുഖം കണ്ട് എനിക്ക് തന്നെ ചിരി വന്നു. എന്തുകൊണ്ടാണ് ആളുകൾ ചിരിക്കുന്നതെന്ന് മനസ്സിലായി. അഭിനയത്തിലേക്ക് സജീവമാകണമെന്നില്ല. ഇതെന്റെ പോപ്പുലാരിറ്റി കൊണ്ട് അഭിനയിച്ചതാണ്. ഒരു പ്രതിഫലം പോലും സിനിമയിൽ മേടിച്ചിട്ടില്ല. പ്രൊഡക്‌ഷൻ കൺട്രോളര്‍ വഴിയാണ് എന്നെ സിനിമയിലേക്കു വിളിക്കുന്നത്. നല്ലൊരു ടീം ആണ് ബസൂക്കയുടേത്.’’–ആറാട്ട് അണ്ണന്‍ പറഞ്ഞു.
content highlight: Santhosh Varkey
