അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുഞ്ഞുങ്ങളുടെ ചർമം എന്തുകൊണ്ടാണ് നിങ്ങൾ ഇഷ്ടപ്പെടുന്നത്? അതെ കുഞ്ഞുങ്ങളുടെ ചർമ്മം വളരെ മൃദുവാണ്. അങ്ങനെയുള്ള ഒരു ചർമം നിങ്ങൾക്കും വേണമെന്ന് ആഗ്രഹം തോന്നിയിട്ടില്ല? എന്നാൽ ഇതത്ര എളുപ്പമല്ല. സൗന്ദര്യ സംരക്ഷണത്തിനായി കെമിക്കലുകൾ ഉപയോഗിക്കുന്നവരാണ് ഭൂരിഭാഗം പേരും. ഇത് ചർമ്മത്തിന് അത്രയേറെ കേടുപാടുകൾ വരുത്തുന്നുണ്ട്.
എന്തായാലും ചർമം കുഞ്ഞുങ്ങളുടേത് പോലെ മൃദുലമാകാൻ ഉപയോഗിക്കുന്ന ഒരു നാടൻ ഫേസ് ടോണർ നമുക്കൊന്ന് പരിചയപ്പെടാം. വെറും മൂന്ന് ചേരുവകൾ മാത്രം മതി.
റോസ് വാട്ടർ
പതിവായി റോസ് വാട്ടർ മുഖത്ത് പുരട്ടുന്നതു ചർമത്തിന്റെ തിളക്കം വീണ്ടെടുക്കാനും സഹായിക്കും. ഇതിന്റെ ആന്റി ഇൻഫ്ലമേറ്ററി ഗുണങ്ങളും മോയ്‌സ്ചറൈസിങ് ഗുണങ്ങളും മൃദുലമായ ചർമത്തിന് മികച്ചതാണ്.
ഗ്ലിസറിൻ
വരണ്ട ചർമം മൃദുവാക്കാനുള്ള മികച്ച വഴിയാണ് ഗ്ലിസറിന്‍. ഇതിൽ ആന്റി ബാക്ടീരിയൽ ഗുണങ്ങളുണ്ട്. ചർമത്തിന്റെ ഈർപ്പം മൂന്നിരട്ടിയാക്കുവാൻ ഗ്ലിസറിന്‍ സഹായിക്കുന്നു. പല മോയിസ്ചറൈസറുകളിലും സൗന്ദര്യവര്‍ധക വസ്തുക്കളിലും ഗ്ലിസറിന്‍ ഉപയോഗിയ്ക്കുന്നുണ്ട്. ഇത് ചര്‍മത്തിന് തിളക്കവും മിനുസവും നല്‍കാനും ചര്‍മത്തിലെ ചുളിവുകള്‍ നീക്കാനും ചര്‍മം അയഞ്ഞ് തൂങ്ങാതിരിയ്ക്കാനും സഹായിക്കുന്നു.
കറ്റാർവാഴ
കറ്റാര്‍ വാഴയില്‍ ആന്റി ബാക്ടീരിയല്‍, ആന്റി ഓക്സിഡന്റ് ഗുണങ്ങള്‍ ധാരാളമായി അടങ്ങിയിരിക്കുന്നതിനാല്‍ മുഖത്തെ മുറിവുകള്‍ പെട്ടെന്ന് ഉണങ്ങുന്നതിന് ഇത് സഹായിക്കുന്നു. ചര്‍മത്തില്‍ പാടുകള്‍ വീഴുന്നതും മുഖക്കുരു വരുന്നതും തടയാന്‍ കറ്റാര്‍ വാഴ ജെല്‍ വളരെയധികം സഹായിക്കും. ചർമം സോഫ്റ്റ് ആകാനും മികച്ചതാണ്.
ചെയ്യേണ്ടത് ഇത്ര മാത്രം
ഇവ മൂന്നും ചേര്‍ത്ത് നന്നായി ഇളക്കുക. എണ്ണമയമുള്ള ചര്‍മമാണെങ്കിൽ കുറച്ചു മാത്രം ഗ്ലിസറിന്‍ എടുക്കാം. ശേഷം നല്ലതുപോലെ കലര്‍ത്തി രാത്രി കിടക്കാന്‍ നേരം മുഖത്ത് പുരട്ടി മസാജ് ചെയ്യാം. മുഖത്തിന് തിളക്കവും മിനുസവും നല്‍കാന്‍ ഏറെ നല്ലതാണ് ഈ ടോണർ. ഏത് തരം ചര്‍മത്തിനും ഇതേറെ ഗുണം നല്‍കുന്നു. ചര്‍മത്തിലെ അഴുക്കുകള്‍ നീക്കി ചര്‍മത്തിന് മാര്‍ദവവും ഈ ടോണർ നല്‍കുന്നു. ദിവസവും ഉറങ്ങുന്നതിന് മുൻപ് ഈ ടോണർ ഉപയോഗിക്കാൻ മറക്കരുത്. ഇനി കുഞ്ഞുങ്ങളുടെ പോലുള്ള ചർമം നിങ്ങൾക്കും നേടാം.
English Summary: “Soft Skin with This 3-Ingredient ”
