23-ാം പിറന്നാള്‍ ആഘോഷമാക്കി സാനിയ ഇയ്യപ്പൻ. അടുത്ത സുഹൃത്തുക്കൾക്കൊപ്പമായിരുന്നു പിറന്നാൾ ആഘോഷം. കേക്ക് മുറിച്ച് പിറന്നാൾ ആഘോഷിക്കുന്ന ചിത്രങ്ങൾ സാനിയയും സുഹൃത്തുക്കളും ഇൻസ്റ്റഗ്രാമിലൂടെ പങ്കുവച്ചു. അപർണ തോമസ്, ജീവ, ഗബ്രി തുടങ്ങിയ സുഹൃത്തുക്കളാണ് പിറന്നാള്‍ ആഘോഷത്തിനായി എത്തിയത്.
താരങ്ങള്‍ ഉള്‍പ്പടെ നിരവധിപ്പേരാണ് സാനിയക്ക് പിറന്നാള്‍ ആശംസകളുമായി എത്തിയത്. പിറന്നാള്‍ ആഘോഷത്തില്‍ സാനിയ ധരിച്ച വസ്ത്രവും ശ്രദ്ധ നേടുകയാണ്. മെറ്റാലിക് ടോപ്പും ബ്ലാക്ക് ഷോര്‍ട്ട് സ്‌കേര്‍ട്ടുമാണ് നടി ധരിച്ചിരിക്കുന്നത്.
സഹോദരിയുടെ വിവാഹത്തിന്‍റെ ആഘോഷങ്ങള്‍ക്ക് പിന്നാലെയാണ് താരം പിറന്നാള്‍ സന്തോഷത്തിലേക്ക് കൂടി കടന്നിരിക്കുന്നത്. സുഹൃത്തുക്കളായ റംസാൻ, അപർണ തോമസ്, ദില്‍ഷ തുടങ്ങിയവർ വിവാഹത്തിനു മുന്നോടിയായി സംഘടിപ്പിച്ച സംഗീത് എന്ന ചടങ്ങിൽ പങ്കെടുത്തു.
‘ഇതിന്‍റെ സഹോദരിയുടെ കല്യാണം’ എന്നെഴുതിയ വസ്ത്രമണിഞ്ഞായിരുന്നു സംഗീത് ചടങ്ങില്‍ സാനിയ എത്തിയത്. ഡാൻസും പാട്ടുമൊക്കെയായി സഹോദരിയുടെ വിവാഹം സാനിയ ഒരാഘോഷമാക്കി മാറ്റിയിരുന്നു. എമ്പുരാനാണ് ഒടുവിലായി തിയേറ്ററുകളിലെത്തിയ സാനിയയുടെ ചിത്രം.
അതേസമയം, റിയാലിറ്റി ഷോ വഴിയാണ് സാനിയ സിനിമയിലെത്തുന്നത്. ക്വീന്‍ എന്ന ചിത്രത്തിലൈ നായികാ കഥാപാത്രത്തെ അവതരിപ്പിച്ച് ശ്രദ്ധേയയായി. പിന്നീട് പ്രേതം 2, ലൂസിഫര്‍, ദ പ്രീസ്റ്റ്, തുടങ്ങിയ ചിത്രങ്ങളിലും ശ്രദ്ധേയമായ വേഷങ്ങള്‍ അവതരിപ്പിച്ചിട്ടുണ്ട്. ഇരഗുപട്രു എന്ന ചിത്രത്തിലൂടെ തമിഴിലും നായികയായി എത്തി. എമ്പുരാന്‍ ആണ് നടിയുടെതായി ഒടുവില്‍ തിയേറ്ററിലെത്തിയ ചിത്രം.