നടി തൃഷ കൃഷ്ണൻ എപ്പോൾ വിവാഹിതയാകുമെന്ന് അറിയാനാണ് പ്രേക്ഷകർക്ക് ആഗ്രഹം. ഒടുവിൽ ആ ചോദ്യത്തിന് മറുപടി പറഞ്ഞിരിക്കുകയാണ് താരം. എന്ന ഏറ്റവും പുതിയ ചിത്രം പ്രമോഷൻ ഇടയാണ് അവതാരകന്റെ ചോദ്യത്തിന് മറുപടി പറഞ്ഞത്. എന്നാൽ തൃഷയുടെ മറുപടിയല്ല, മറിച്ച് അത് കേട്ട് കമൽഹാസന്റെ മറുപടിയാണിപ്പോൾ സമൂഹമാധ്യമങ്ങളിൽ ശ്രദ്ധ നേടുന്നത്.
വിവാഹത്തെക്കുറിച്ച് എന്താണ് നിങ്ങളുടെ അഭിപ്രായം എന്നാണ് അവതാരകൻ തൃഷയോട് ചോദിക്കുന്നത്. തനിക്ക് വിവാഹത്തിൽ വിശ്വാസമില്ലെന്നും അത് സംഭവിച്ചാൽ സംഭവിക്കട്ടെ ഇല്ലെങ്കിൽ കുഴപ്പമില്ലെന്നും തൃഷ പറയുന്നു.
നടി ഈ ചോദ്യത്തിന് മറുപടി പറയുമ്പോൾ എല്ലാവരുടെയും കണ്ണുകൾ വേദിയിലിരിക്കുന്ന കമൽഹാസനിലേക്ക് നീങ്ങി. എന്തോ ആലോചിച്ചിരിക്കുകയായിരുന്നു അദ്ദേഹം. പിന്നാലെ എന്താണ് ചിന്തിക്കുന്നതെന്ന് അവതാരകൻ ചോദിച്ചപ്പോൾ ഉടൻതന്നെ അദ്ദേഹം മറുപടി നൽകി. ഇത് കാണികളിൽ ചിരി പടർത്തി. തൃഷ ഇലക്ഷനിൽ വോട്ട് ചെയ്യുമോ ഇല്ലയോ എന്നതാണ് ആലോചിക്കുന്നത് എന്നായിരുന്നു കമൽഹാസന്റെ മറുപടി.
തൃഷയും വിജയും തമ്മിലുള്ള ദീർഘകാല സൗഹൃദം എല്ലാവർക്കും അറിയുന്ന കാര്യമാണ്. ഇത് ചുറ്റിപ്പറ്റി നിരവധി ഗോസിപ്പുകളും ഉണ്ട്. വിജയ് ഈ അടുത്തകാലത്താണ് രാഷ്ട്രീയ പ്രവേശനം നടത്തിയത്. വരാനിരിക്കുന്ന തെരഞ്ഞെടുപ്പിൽ താരം മത്സരിക്കും എന്നും റിപ്പോർട്ടുകൾ ഉണ്ട്. അതുകൊണ്ടുതന്നെയാണ് കമൽഹാസന്റെ മറുപടി വേദിയെ ഇളക്കിമറിച്ചത്. ഇതിനൊരു പുഞ്ചിരിയാണ് തൃഷ മറുപടിയായി നൽകിയത്.
മണിരത്നം സംവിധാനം ചെയ്ത തഗ് ലൈഫിൽ അശോക് സെൽവൻ, ഐശ്വര്യ ലക്ഷ്മി, ജോജു ജോർജ്, അഭിരാമി, നാസർ, അലി ഫസൽ, പങ്കജ് ത്രിപാഠി, സന്യ മൽഹോത്ര, രോഹിത് സറഫ്, വൈയാപുരി എന്നിവരും പ്രധാന വേഷങ്ങളിൽ അഭിനയിക്കുന്നു. ജൂൺ 5 ന് ചിത്രം തിയേറ്ററുകളിൽ എത്തുമെന്ന് പ്രതീക്ഷിക്കുന്നു.
അതേസമയം 37 വര്‍ഷങ്ങള്‍ക്ക് ശേഷം കമൽഹാസനും മണി രത്നവും ഒന്നിക്കുന്ന തഗ് ലൈഫ് എന്ന ചിത്രത്തിന്റെ ആദ്യ ഗാനം റിലീസ് ചെയ്തു. ‘ജിങ്കുച്ചാ’ എന്ന ഗാനത്തിന് കമൽ ഹാസനാണ് വരികൾ എഴുതിയിരിക്കുന്നത്. എ ആർ റഹ്‌മാൻ ഈണം നൽകിയ ഗാനം പാടിയിരിക്കുന്നത് വൈശാലി സാമന്ത്, ശക്തിശ്രീ ഗോപാലൻ, ആദിത്യ ആർകെ എന്നിവർ ചേർന്നാണ്. സാന്യ മൽഹോത്ര, സിലമ്പരശൻ, കമൽഹാസൻ തുടങ്ങിയവരെയും വീഡിയോയിൽ കാണാം. തഗ് ലൈഫ് ജൂൺ 5 ന് തിയേറ്ററുകളിലേക്കെത്തും.
തൃഷ, അഭിരാമി, നാസര്‍ തുടങ്ങിയവര്‍ക്കൊപ്പം ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത് ചിമ്പുവാണ്. കമല്‍ ഹാസന്‍റെ രാജ്കമല്‍ ഫിലിംസിനൊപ്പം മണി രത്നത്തിന്‍റെ മദ്രാസ് ടാക്കീസും ഉദയനിധി സ്റ്റാലിന്‍റെ റെഡ് ജയന്‍റ് മൂവീസും ചേര്‍ന്നാണ് ചിത്രം നിര്‍മ്മിക്കുന്നത്.
ജയം രവി, തൃഷ, ദുല്‍ഖര്‍ സല്‍മാന്‍, അഭിരാമി, നാസര്‍ എന്നിങ്ങനെ വലിയ താരനിര ഉണ്ടാവുമെന്ന് ടൈറ്റിലിനൊപ്പം ഔദ്യോഗിക പ്രഖ്യാപനം വന്ന സിനിമയാണിത്. എന്നാല്‍ ഡേറ്റ് പ്രശ്നത്തെ തുടര്‍ന്ന് ദുല്‍ഖറും ജയം രവിയും ചിത്രത്തില്‍ നിന്ന് പിന്മാറുകയായിരുന്നു. ദുല്‍ഖറിന് പകരമാണ് പിന്നീട് ചിമ്പു എത്തിയത്.
ആക്ഷന് പ്രാധാന്യമുള്ള ഗ്യാങ്സ്റ്റര്‍ ഡ്രാമ ചിത്രം ആയിരിക്കും തഗ് ലൈഫ് എന്നാണ് സൂചന. രംഗരായ ശക്തിവേല്‍ നായ്ക്കര്‍ എന്നാണ് ചിത്രത്തില്‍ കമല്‍ ഹാസന്‍ അവതരിപ്പിക്കുന്ന കഥാപാത്രത്തിന്‍റെ പേര്. മണി രത്‌നത്തിനൊപ്പം പതിവ് സഹപ്രവർത്തകരായ സംഗീതസംവിധായകൻ എ ആർ റഹ്‌മാനും എഡിറ്റർ ശ്രീകർ പ്രസാദും ഈ ചിത്രത്തിലും ഒരുമിക്കുന്നുണ്ട്. രവി കെ ചന്ദ്രന്‍ ആണ് ഛായാഗ്രാഹകന്‍. അശോക് സെല്‍വന്‍, അലി ഫസല്‍, പങ്കജ് ത്രിപാഠി, ജോജു ജോര്‍ജ്, ഐശ്വര്യ ലക്ഷ്മി, ജിഷു സെന്‍ഗുപ്ത, സാന്യ മല്‍ഹോത്ര, രോഹിത് ഷറഫ്, വൈയാപുരി എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. പിആർഒ – വൈശാഖ് വടക്കേവീട്, ജിനു അനിൽകുമാർ എന്നിവരാണ് മറ്റ് അണിയറ പ്രവർത്തകർ.
content highlight: trisha-krishnans-revelations-about-her-marriage