അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഓരോവർഷവും രണ്ട് കോടിയോളം ആളുകൾ ഹൃദ്രോഗം മൂലം മരണപ്പെടുന്നുണ്ടെന്നാണ് കണക്കുകൾ. ബോർഡ് സർട്ടിഫൈഡ് കാർഡിയോവാസ്കുലാർ സർജനായ ഡോ. ജെറമി ലണ്ടൻ സമീപമാത്രെ ഇക്കാര്യം സ്ഥിരീകരിക്കുകയും ചെയ്തിട്ടുണ്ട്.
ടുഡേ ഡോട്ട് കോമിനോട് സംസാരിക്കുമ്പോഴാണ് അദ്ദേഹത്തിന്റെ പ്രതികരണം. നിത്യജീവിതത്തിൽ ഉപയോഗിക്കുന്ന ചില കാര്യങ്ങൾ ഒഴിവാക്കിയാൽ ഹൃദ്രോഗത്തെ അകറ്റിനിർത്താമെന്നാണ് ഡോ. ജെറമി പറയുന്നത്. അവ ഇതൊക്കെയാണ്…
- മൗത്ത് വാഷ്
ആൽക്കഹോൾ ചേർത്ത് നിർമിക്കുന്ന മൗത്ത് വാഷ് സ്ഥിരമായി ഉപയോഗിക്കുന്നത് അപകടകരമാണ്. ഇത് രക്തസമ്മർദ്ദം വർദ്ധിപ്പിക്കാൻ കാരണമാകും. വായിലെ നല്ല ബാക്ടീരിയകൾ ശരീരത്തിലെ നൈട്രിക് ഓക്സൈഡ് ഉത്പാദിപ്പിക്കാൻ സഹായിക്കുമെന്നും ഇത് രക്തക്കുഴലുകൾ വികസിപ്പിക്കുകയും രക്തസമ്മർദ്ദം നിയന്ത്രിക്കുകയും ചെയ്യുമെന്ന് അദ്ദേഹം പറഞ്ഞു. അതേസമയം ആൻറി ബാക്ടീരിയൽ മൗത്ത് വാഷ് ചീത്ത ബാക്ടീരിയകളെ മാത്രമല്ല, നല്ലവയെയും ഇല്ലാതാക്കും. ഇതോടെ രക്തക്കുഴൽ ചുരുങ്ങാനും രക്തസമ്മർദ്ദം കൂടാനും കാരണമാകും. രക്തസമ്മർദ്ദം കൂടുന്നത് ഹൃദയാരോഗ്യത്തെ മോശമായി ബാധിക്കും.
- പുകവലി
പുകവലി രക്തക്കുഴലുകളുടെ പാളിയെ മാത്രമല്ല, ഹൃദയത്തെയും തലച്ചോറിനെയും ദോഷകരമായി ബാധിക്കുമെന്ന് ഡോ. ജെറമി ലണ്ടൻ പറഞ്ഞു. അതിനാൽ, ഇത് ഹൃദയാഘാതത്തിനും പക്ഷാഘാതത്തിനുമുള്ള സാധ്യത വർദ്ധിപ്പിക്കുന്നു. കൂടാതെ, നിക്കോട്ടിൻ ഒരു വാസകോൺസ്ട്രിക്റ്ററാണ്. ഇത് രക്തക്കുഴലുകളെ ചുരുക്കുകയും അതുവഴി രക്തസമ്മർദ്ദത്തിന്റെ അളവ് വർദ്ധിപ്പിക്കുകയും ചെയ്യുന്നു.
- മദ്യം
ശരീരത്തിലെ ഓരോ കോശവും അപകടത്തിലാക്കാൻ മദ്യത്തിന് കഴിയും. കുറഞ്ഞ അളവിലും ഉയർന്ന അളവിലുമുള്ള മദ്യപാനം അപകടകരമാണ്. പതിവായുള്ള മദ്യപാനം ഹൃദയാരോഗ്യത്തെ അപകടത്തിലാക്കും. അതുകൊണ്ടുതന്നെ മദ്യപാനം ഒഴിവാക്കണമെന്നാണ് എല്ലാവരോടും പറയാനുള്ളതെന്ന് ഡോ. ജെറമി ലണ്ടൻ പറഞ്ഞു.
- ശീതളപാനീയങ്ങൾ
ഉയർന്ന അളവിൽ പഞ്ചസാരയും കലോറിയുമുള്ള ശീതളപാനീയങ്ങൾ അപകടകരമാണ്. സ്ഥിരമായി ഇത് ഉപയോഗിക്കുന്നത് ഹൃദയത്തെ അപകടത്തിലാക്കും.
- സംസ്ക്കരിച്ച ഭക്ഷണം
ഈ തിരക്കേറിയ കാലത്ത് എല്ലാവരും സംസ്ക്കരിച്ച ഭക്ഷണവും ഫാസ്റ്റ് ഫുഡും കൂടുതലായി കഴിക്കുന്നു. അമിതമായ അളവിൽ ഉപ്പും പഞ്ചസാരയും എണ്ണയിൽ വറുത്തതുമായ ഭക്ഷണം രക്തസമ്മർദ്ദം, രക്തത്തിലെ പഞ്ചസാര എന്നിവ വർദ്ധിപ്പിക്കും. ഇത് ഹൃദയാരോഗ്യത്തെ അപകടത്തിലാക്കും. സംസ്ക്കരിച്ച ഭക്ഷണത്തിന് പകം പഴങ്ങളും പച്ചക്കറികളും, മുട്ടയും മൽസ്യവും ഉൾപ്പടെ പോഷകസമൃദ്ധമായ ഭക്ഷണങ്ങൾ കൂടുതലായി ശീലമാക്കണം.
