സമൂഹമാധ്യമങ്ങളില്‍ വലിയ തോതിലുള്ള കളിയാക്കലുകളും അതോടൊപ്പം തന്നെ വിമര്‍ശനങ്ങളും നേരിടുന്ന ഒരു വ്യക്തിയാണ് രേണു സുധി. സോഷ്യല്‍ മീഡിയയില്‍ രേണു പങ്കുവെയ്ക്കുന്ന ഫോട്ടോഷൂട്ടിന്റെയും ആല്‍ബങ്ങളുടെയും റീലുകളുടെയുമൊക്കെ പേരില്‍ നിരവധി വിമര്‍ശനങ്ങളാണ് രേണുവിനെതിരെ ഉണ്ടാകുന്നത്. കഴിഞ്ഞ ദിവസം രേണുവിന് പിന്തുണയുമായി ഇന്‍ഫ്‌ളുവന്‍സറും സംരംഭകയുമായ ആരതി പൊടിയും രംഗത്തെത്തിയിരുന്നു. രേണുവിനെ വെച്ച് ഫോട്ടോഷൂട്ട് ചെയ്യാന്‍ ആഗ്രഹമുണ്ട് എന്നാണ് ആരതി പറഞ്ഞത്. ഭര്‍ത്താവും മുന്‍ ബിഗ്‌ബോസ് താരവുമായ റോബിന്‍ രാധാകൃഷ്ണനും ഇതിനെ പിന്തുണച്ചിരുന്നു. ഇപ്പോഴിതാ ആരതിക്ക് നന്ദി പറഞ്ഞ് രംഗത്തെത്തിയിരിക്കുകയാണ് രേണു. ആരതി പൊടിയുടെ വാക്കുകള്‍ കേട്ട് സന്തോഷമായെന്നും ഫോട്ടോഷൂട്ടിന് വിളിച്ചാല്‍ ഉറപ്പായും പോകുമെന്നും രേണു പറയുന്നു.
”എന്റെ ഇഷ്ടത്തിന് എന്നെ ജീവിക്കാന്‍ അനുവദിക്കുക എന്നു പറയുന്നതു കേട്ടിട്ട് എനിക്ക് സന്തോഷമായി. രേണു സുധിയെ തനിക്ക് ഇഷ്ടമാണെന്ന് ആരതി മാം തുറന്നു പറയുന്നുണ്ട്. രേണുവിനെ വെച്ച് ഫോട്ടോഷൂട്ട് ചെയ്യാം എന്ന് റോബിന്‍ സാറും പറയുന്നുണ്ട്. എന്നെ വിളിച്ചാല്‍ ഞാന്‍ ഉറപ്പായും പോയി ചെയ്തിരിക്കും. ഞാന്‍ ആരതിക്ക് മെസേജ് അയച്ചിട്ടുണ്ട്. എനിക്ക് മറുപടിയും നല്‍കിയിട്ടുണ്ട്. വിളിക്കാമെന്ന് പറഞ്ഞു. ഒരുപാട് സന്തോഷം, നെഗറ്റീവ് കമന്റുകള്‍ എല്ലാവരെക്കുറിച്ചും ഉണ്ടാകും. മനസിലെ ചിന്തകളാണ് പുറത്തേക്ക് വരുന്നത്. സംസ്‌കാരമില്ലാത്തവരാണ് ഇത്തരത്തില്‍ പെരുമാറുന്നത്”. രേണു സുധി പറഞ്ഞു.
”രേണു സുധിയെ എനിക്ക് ഭയങ്കര ഇഷ്ടമാണ്. ഇത്രയും ബോഡി ഷെയ്മിങ് ചെയ്യേണ്ട ആവശ്യമുണ്ടെന്ന് തോന്നുന്നില്ല. ഓരോരുത്തര്‍ക്കും ഓരോ ആഗ്രഹങ്ങള്‍ ഉണ്ടാകുമല്ലോ. നല്ല വസ്ത്രങ്ങള്‍ ധരിക്കാനും നന്നായി ഒരുങ്ങി നടക്കാനുമൊക്കെ ഇഷ്ടമുള്ളയാളാണ് ഞാനും. അതുപോലെയായിരിക്കില്ലേ അവരും. രേണുവിനെ ഒരു ഫോട്ടോഷൂട്ടിന് വിളിക്കണമെന്ന് ആഗ്രഹം ഉണ്ട്. കഠിനാധ്വാനം ചെയ്യുന്ന എല്ലാവരോടും എനിക്ക് ബഹുമാനുണ്ട്”, എന്നാണ് ആരതി പൊടി രേണുവിനെക്കുറിച്ച് പറഞ്ഞത്.