അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാള സിനിമലോകത്തെ പ്രശ്സതമായ കുടുംബമാണ് ജി. സുരേഷ് കുമാറിന്റേത്. നിർമാണവും അഭിനയവും നൃത്തവുമൊക്കെ അവിടുത്തെ എല്ലാവരുടെയും കൈമുതലാണ്. അമ്മ മേനകയെ പോലെ മക്കളായ കീര്‍ത്തിയും രേവതിയും സിനിമയില്‍ സജീവമാണ്. നിർമാതാവ് സുരേഷ് കുമാർ ഒരു കാലത്ത് മേനകയുടെ പേരിലാണ് അറിയപ്പെട്ടിരുന്നത്.
മലയാളത്തിലെ ഒരു കാലത്തെ ഏറ്റവും തിരക്കു പിടിച്ച നടിമാരിലൊരാളായ മേനക സൂപ്പർസ്റ്റാർ താരമായിരുന്നു. ഭാര്യയുട പേരിലറിയപ്പെട്ടതിനെ കുറിച്ച് ഇപ്പോഴിതാ തുറന്ന് പറയുകയാണ് സുരേഷ് കുമാർ. മായാവിശ്വനാഥി നോടായിരുന്നു അദ്ദേഹത്തിന്റെ പ്രതികരണം.
സുരേഷ് കുമാറിന്റെ വാക്കുകൾ…….
”ഭാര്യയുടെ പേരില്‍ അറിയപ്പെടുന്നതില്‍ ഈഗോ ഇല്ലേയെന്ന് ആളുകള്‍ എന്നോട് ചോദിക്കാറുണ്ട്. മേനകയെ ഞാന്‍ പപ്പി എന്നാണ് വിളിക്കുന്നത്. പപ്പി സിനിമയില്‍ അഭിനയിച്ചുകൊണ്ടിരിക്കുന്നതിനിടയിലാണ് ഞാന്‍ പ്രൊഡക്ഷനിലേക്ക് വരുന്നത്. ഞാന്‍ കല്യാണം കഴിക്കുമ്പോള്‍ പപ്പി അറിയപ്പെടുന്ന സ്റ്റാറാണ്. ഞങ്ങളൊന്നിച്ച് എവിടെ പോവുകയാണെങ്കിലും ആളുകള്‍ വരുന്നത് പപ്പിയുടെ അടുത്തേക്കാണ്.
പപ്പിയുടെ കൂടെ നിന്നാണ് ഫോട്ടോ എടുക്കാറുള്ളത്. ക്യാമറയൊക്കെ മേടിച്ച് ഞാനും ഫോട്ടോ എടുത്ത് കൊടുക്കാറുണ്ട് അതിലൊന്നും ഈഗോ വെച്ച് നടക്കേണ്ട കാര്യമില്ല. നമ്മളേക്കാളും പേരുള്ള ഒരാളെ കല്യാണം കഴിക്കുമ്പോള്‍ നാച്ചുറലി കൂടുതല്‍ ആള്‍ക്കാര്‍ അവരെയായിരിക്കും സമീപിക്കുന്നത്. അതിലെന്തിനാണ് ഈഗോ, ജീവിതത്തില്‍ ഈഗോ ഇല്ലാതിരിക്കുന്നതാണ് നല്ലത്. ഈഗോയാണ് മനുഷ്യനെ നശിപ്പിക്കുന്നത്. ഞാനത് പണ്ടേ പഠിച്ചതാണ്. ഒരു ടെന്‍ഷനവുമില്ലാതെ ജീവിക്കാന്‍ പറ്റും. സുരേഷ് ഗോപിയും ഞാനും ഒന്നിച്ചുള്ള പരിപാടിയാണെങ്കില്‍ സുരേഷേ എന്ന് വിളിച്ചാല്‍ ഏത് സുരേഷ് എന്ന ചോദ്യം വരും. ഉടനെ വരും മേനക സുരേഷ് എന്ന മറുപടി. അടുപ്പമുള്ളവര്‍ വരെ മേനക സുരേഷ് എന്ന് വിളിക്കാറുണ്ട്. മേനക സുരേഷ് സാറാണോ എന്ന് ചോദിച്ച് കോളും വരാറുണ്ട്. അതിലെന്ത് പറയാന്‍. തൂലിക നാമം ഉള്ളത് പോലെ അതങ്ങ് പോവട്ടെ.
സൗഹൃദമാണ് എന്നെ മുന്നോട്ട് നയിക്കുന്നത്. ബന്ധുക്കളും വീട്ടുകാരും മാത്രമല്ല കുറേ സുഹൃത്തുക്കളുണ്ട് എനിക്ക്. സൗഹൃദം കൊണ്ട് നടക്കുന്നത് ഒരു ആര്‍ട്ടാണ്. സുഹൃത്തുക്കളെ ഒപ്പം കൂട്ടി വളരുകയും, നമ്മള്‍ മുന്നേറുമ്പോള്‍ അവരെയും കൈപിടിച്ച് കൂടെക്കൂട്ടണം എന്ന് ചിന്തിക്കുന്ന ആളാണ് ഞാന്‍. ഒരു നിലയില്‍ എത്തിക്കഴിഞ്ഞാല്‍ കൂടെയുള്ളവരെ ഉപേക്ഷിച്ച് പോവാറുണ്ട് പലരും. അങ്ങനെയല്ല ചെയ്യേണ്ടത്. എത്ര ഉന്നതിയിലെത്തായാലും കൂടെയുള്ളവരെയും നല്ല നിലയിലാക്കാനാണ് ശ്രമിക്കേണ്ടത്. ഞാന്‍ അങ്ങനെയാണ് ചെയ്യാറുള്ളത്. പലയിടത്തും അത് വിജയിച്ചിട്ടുമുണ്ട്”.
content highlight: Suresh Kumar
