അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സത്യന്‍ അന്തിക്കാട് – മോഹന്‍ലാല്‍ ചിത്രം ഹൃദയപൂര്‍വ്വം ഫുള്‍ പായ്ക്കപ്പ്. ഇന്നലെയാണ് ചിത്രത്തിന്റെ ഷൂട്ടിങ് പൂര്‍ത്തിയായത്. ആശിര്‍വ്വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ഈ ചിത്രം നിര്‍മ്മിക്കുന്നത്. പ്രധാനമായും പൂനയുടെ പശ്ചാത്തലത്തില്‍ ഒരുങ്ങുന്ന ഈ ചിത്രം കൊച്ചി, വണ്ടിപ്പെരിയാര്‍ എന്നിവിടങ്ങളിലായിട്ടാണ് ചിത്രീകരിച്ചിട്ടുളളത്. മെഗാ ഹിറ്റുകളായ എമ്പുരാന്‍, തുടരും എന്നീ ചിത്രങ്ങള്‍ക്കു ശേഷം വീണ്ടുമൊരു ഹാട്രിക്കിനുള്ള രസക്കൂടുകളുമായി പ്രേഷകര്‍ക്ക് എന്നും പ്രതീക്ഷ നല്‍കുന്ന സത്യന്‍ അന്തിക്കാട്- മോഹന്‍ലാല്‍ കൂട്ടുകെട്ടിലെ ഹൃദയപൂര്‍വ്വം എന്ന ചിത്രം എത്തുന്നത്.
ധാരാളം പുതുമകളും, , കൗതുകങ്ങളുമായിട്ടാണ് ഹൃദയപൂര്‍വ്വത്തെ സത്യന്‍ അന്തിക്കാട് അവതരിപ്പിക്കുന്നത്. പൂന നഗരരത്തില്‍ ജീവിക്കുന്ന സന്ധീപ് ബാലകൃഷ്ണന്‍ എന്ന വ്യക്തിയുടെ ജീവിതത്തിലൂടെ വളരെ പ്ലസന്റ് ആയ ഒരു ചിത്രമാണ് സത്യന്‍ അന്തിക്കാട് കാഴ്ച്ചവക്കുന്നത്. സത്യന്‍ അന്തിക്കാടും മോഹന്‍ലാലും ഒന്നിക്കുന്ന ഇരുപതാമതു ചിത്രം കൂടിയാണ് ഹൃദയപൂര്‍വ്വം ‘സീനിയറായ അഭിനേതാക്കളോടൊപ്പം പുതിയ തലമുറക്കാരുടെ ഹരമായ അഭിനേതാക്കളുടെ സാന്നിദ്ധ്യവും ഈ ചിത്രത്തെ ഏറെ ആദര്‍ഷമാക്കുന്നു. പുതിയ തലമുറക്കാരിലൊരാള്‍ സംഗീത് പ്രതാപാണ്. സംഗീത് ഈ ചിത്രത്തില്‍ മോഹന്‍ലാലിനോടൊപ്പം മുഴുനീള കഥാപാത്രത്തെ അവതരിപ്പിക്കുന്നുണ്ട്.
മാളവികാ മോഹനനും സംഗീതയുമാണു സിനിമയിലെ നായികമാര്‍. ലാലു അലക്‌സ്, സിദ്ദിഖ്, ബാബുരാജ്, സബിതാ ആനന്ദ് എന്നിവരും ചിത്രത്തിലെ പ്രധാന വേഷങ്ങളില്‍ എത്തുന്നുണ്ട്. സത്യന്‍ അന്തിക്കാടിന്റെ മക്കളായ അനൂപ് സത്യന്‍, അഖില്‍ സത്യന്‍ എന്നിവരും ഈ ചിത്രത്തിന്റെ ഭാഗമാകുന്നുണ്ട്. ചിത്രത്തിന്റെ കഥ ഒരുക്കിയിരിക്കുന്നത് അഖില്‍ സത്യനാണ്. അനൂപ് സത്യനാണ് സത്യന്‍ അന്തിക്കാടിന്റെ പ്രധാന സഹായിയായി പ്രവര്‍ത്തിക്കുന്നത്.
അഖില്‍ സത്യന്‍ ഫഹദ് നായകനായ പാച്ചുവും അത്ഭുത വിളക്കും എന്ന ചിത്രം സംവിധാനം ചെയ്തത്. നിവിന്‍ പോളി നായകനായ അഖിലിന്റെ രണ്ടാമതു ചിത്രത്തിന്റെ ചിത്രീകരണം ആരംഭിച്ചു കഴിഞ്ഞു. ദുല്‍ഖര്‍ സല്‍മാന്‍, സുരേഷ് ഗോപി ശോഭന എന്നിവര്‍ പ്രധാന വേഷങ്ങളിലെത്തിയ വരനെ ആവശ്യമുണ്ട് എന്ന ചിത്രം സംവിധാനം ചെയ്ത അനൂപ് സത്യന്‍ തന്റെ രണ്ടാമത്തെ ചിത്രത്തിന്റെ പണിപ്പുരയിലാണ്. മലയാളത്തിലെ ഒരു പ്രമുഖ നടന്‍ ചിത്രത്തിലെ നായകനാകുന്നുണ്ട്.
ഷോര്‍ട്ടഫിലിമുകളിലൂടെ ശ്രദ്ധേയനായ ടി.പി. സോനുവാണ് തിരക്കഥ രചിച്ചിരിക്കുന്നത്. മനു മഞ്ജിത്തിന്റെ ഗാനങ്ങള്‍ക്ക് ജസ്റ്റിന്‍ പ്രഭാകര്‍ ഈണം പകര്‍ന്നിരിക്കുന്നു. ഛായാഗഹണം – അനു മൂത്തേടത്ത്, എഡിറ്റിംഗ് കെ. രാജഗോപാല്‍, കലാസംവിധാനം – പ്രശാന്ത് മാധവ്, മേക്കപ്പ് -പാണ്ഡ്യന്‍ ,കോസ്റ്റ്യും – ഡിസൈന്‍ -സമീരാസനീഷ്, സ്റ്റില്‍സ്- അമല്‍.സി.സ ദര്‍’, സഹസംവിധാനം – ആരോണ്‍ മാത്യു. രാജീവ് രാജേന്ദ്രന്‍, വന്ദന സൂര്യശ്രീ ഹരി, പ്രൊഡക്ഷന്‍ മാനേജര്‍ – ആദര്‍ശ്, പ്രൊഡക്ഷന്‍ എക്‌സിക്കുട്ടീവ് – ശ്രീക്കുട്ടന്‍, പ്രൊഡക്ഷന്‍ കണ്‍ട്രോളര്‍ – ബിജു തോമസ്, വാഴൂര്‍ ജോസ്.
