അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു വർഷത്തെ അക്കാദമിക രംഗ പ്രവർത്തനങ്ങളുടെ സംക്ഷിപ്ത രൂപമാണ് വിദ്യാഭ്യാസ കലണ്ടര്‍. എന്തൊക്കെ എന്നൊക്കെ എങ്ങനെ നടക്കണമെന്നുള്ളതാണ് വിദ്യാഭ്യാസ കലണ്ടറിലൂടെ ലക്ഷ്യമിടുന്നത്. പുതിയ കലണ്ടർ വിദ്യാർഥികളെ സഹായിക്കാനാണോ ഉപദ്രവിക്കാനാണോ എന്നുള്ളതാണ് ഉയരുന്ന പ്രധാന ചോദ്യം.
ഇന്നലെയാണ് 2025-2026 വർഷത്തെ കലണ്ടർ മന്ത്രി വി. ശിവൻകുട്ടി പുറത്തിറക്കിയത്. വിദ്യാർഥി സൗഹൃദമാകണം നമ്മുടെ ക്ലാസ് മുറികളും മറ്റിടങ്ങളും എന്ന പ്രഖ്യാപനം നിലനിൽക്കെ പ്രസ്തുത കലണ്ടറിൽ ധാരാളം പോരായ്മകൾ നിലനിൽക്കുന്നുണ്ട്. പുതിയ വിദ്യാഭ്യാസ കലണ്ടര്‍ അനുസരിച്ച് സംസ്ഥാനത്തെ സര്‍ക്കാര്‍/എയ്ഡഡ് ഹൈസ്‌കൂളുകളില്‍ അര മണിക്കൂര്‍ പ്രവൃത്തി സമയം കൂടും. അതായത് പഠനമെന്ന ജോലിഭാരം വീണ്ടും വർധിക്കുമെന്ന് ചുരുക്കം.
അമിതഭാരം കുറച്ച് പഠനം ആയാസ രഹിതമാക്കണമെന്ന് റിപ്പോർട്ടുകൾ കമ്മിറ്റികൾ സർക്കാരിന് കൈമാറിയിരിക്കെയാണ് ഈ പ്രഖ്യാപനം. രാവിലെയും വൈകീട്ടുമായി 15 മിനിറ്റ് വീതമാണ് മേൽപറഞ്ഞ് പഠനസമയം കൂട്ടുക. ഇതോടെ രാവിലെ സ്കൂളിലെത്തുന്ന വിദ്യാർഥി തിരികെ മടങ്ങാൻ വൈകുന്നേരം 4.15 കഴിയുമെന്ന് ചുരുക്കം.
വിദ്യാഭ്യാസ കലണ്ടറിലെ മറ്റ് പ്രഖ്യാപനങ്ങൾ…
ഒപ്പം തുടര്‍ച്ചയായി ആറു പ്രവൃത്തി ദിനങ്ങള്‍ വരാത്ത വിധം 7 ശനിയാഴ്ചകളില്‍ കൂടി ക്ലാസ് ഉണ്ടാകും. ആകെ 205 പ്രവൃത്തി ദിവസങ്ങളാണ് ഉണ്ടാവുക. യുപി ക്ലാസുകളില്‍ തുടര്‍ച്ചയായി 6 പ്രവൃത്തി ദിനങ്ങള്‍ വരാത്ത വിധം 2 ശനിയാഴ്ചകള്‍ കൂടി ഉള്‍പ്പെടുത്തി 200 പ്രവൃത്തി ദിനമാക്കി. എല്‍പി ക്ലാസുകളില്‍ പൊതുഅവധികളും ശനിയാഴ്ചകളും ഒഴികെയുള്ള 198 പ്രവൃത്തി ദിനമാണുള്ളത്.
വിദ്യാഭ്യാസ ചട്ടം അനുസരിച്ച് എല്‍പി ക്ലാസുകളില്‍ പ്രതിവര്‍ഷം 800 മണിക്കൂര്‍ ക്ലാസാണ് നിര്‍ദേശിക്കുന്നത്. അതിന് ഈ പ്രവൃത്തി ദിനങ്ങള്‍ മതിയാകും. ഹൈസ്‌കൂളുകളില്‍ 1200 മണിക്കൂര്‍ പഠന സമയം നിര്‍ദേശിക്കുന്ന സാഹചര്യത്തിലാണ് 7 അധിക പ്രവൃത്തി ദിവസങ്ങള്‍ക്കൊപ്പം ദിവസവും അര മണിക്കൂര്‍ കൂട്ടുന്നത്.മന്ത്രി വി ശിവന്‍കുട്ടിയുടെ അധ്യക്ഷതയില്‍ ചേര്‍ന്ന വിദ്യാഭ്യാസ ഗുണനിലവാര വര്‍ധന മേല്‍നോട്ട സമിതിയുടെ (ക്യുഐപി) യോഗത്തിലാണ് തീരുമാനം.
content highlight: Education calender
