അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്മാര്‍ട്ട്‌ഫോണ്‍ നിര്‍മ്മാതാക്കളായ വണ്‍പ്ലസിന്റെ പുതിയ മോഡലായ വണ്‍പ്ലസ് 13എസ് വ്യാഴാഴ്ച ഇന്ത്യന്‍ വിപണിയില്‍ അവതരിപ്പിക്കും. ഇതില്‍ Snapdragon 8 Elite ചിപ്സെറ്റ് ഉള്‍പ്പെടെ ചില ഉയര്‍ന്ന നിലവാരമുള്ള സവിശേഷതകള്‍ ഉണ്ടായിരിക്കുമെന്നാണ് അറിയുന്നത്.
വണ്‍പ്ലസ് 13ആറിനും വണ്‍പ്ലസ് 13നും ഇടയില്‍ സ്ഥാനം പിടിക്കാന്‍ ഇടയുള്ള ഒരു കോംപാക്ട് ഫ്‌ലാഗ്ഷിപ്പ് മോഡല്‍ ആകാനാണ് സാധ്യത. ഇന്ത്യയില്‍ ഫോണിന് ഏകദേശം 55000 രൂപ വില വരുമെന്നാണ് കരുതുന്നത്. ഒതുക്കമുള്ള ഫോണില്‍ പുതിയ കാമറ മൊഡ്യൂള്‍ ആയിരിക്കാം അവതരിപ്പിക്കുക. ഡ്യുവല്‍ കാമറ സജ്ജീകരണത്തോടെയായിരിക്കും ഫോണ്‍ വിപണിയില്‍ എത്തുക.
പൊടി, ജല പ്രതിരോധത്തിനായി സ്മാര്‍ട്ട്‌ഫോണ്‍ IP68, IP69 റേറ്റിങ്ങും വാഗ്ദാനം ചെയ്യാന്‍ സാധ്യതയുണ്ട്. 1.5K റെസല്യൂഷന്‍, 120Hz റിഫ്രഷ് റേറ്റ്, 1600 nits വരെ പീക്ക് ബ്രൈറ്റ്‌നസ് എന്നിവയുള്ള 6.32 ഇഞ്ച് 8T LTPO AMOLED ഡിസ്‌പ്ലേയായിരിക്കാം ഫോണില്‍ ഉണ്ടാവുക. ഫോട്ടോഗ്രാഫിക്കായി, സോണി LYT700 സെന്‍സറുള്ള 50MP പ്രധാന കാമറയും സാംസങ് JN5 സെന്‍സറുള്ള 50MP ടെലിഫോട്ടോ ലെന്‍സും ഉള്‍പ്പെടുന്ന ഡ്യുവല്‍ കാമറ സജ്ജീകരണമുണ്ടാകാന്‍ സാധ്യതയുണ്ട്. ഇത് 2x ഒപ്റ്റിക്കല്‍ സൂം വാഗ്ദാനം ചെയ്യും. മുന്‍വശത്ത് 32MP സെല്‍ഫി കാമറ ആയിരിക്കാം മറ്റൊരു ആകര്‍ഷണം.
LPDDR5x റാമും UFS 4.0 സ്റ്റോറേജുമായി ഇണക്കിചേര്‍ത്ത സ്‌നാപ്ഡ്രാഗണ്‍ 8 എലൈറ്റ് പ്രോസസറായിരിക്കും ഫോണിന് കരുത്തുപകരുക.മള്‍ട്ടി ടാസ്‌കിങ്, എഐ സവിശേഷതകള്‍ എന്നിവയാകാം ഫോണിന്റെ മറ്റു പ്രത്യേകതകള്‍. ദീര്‍ഘനേരം ഉപയോഗിക്കുന്നതിനായി 80W ഫാസ്റ്റ് ചാര്‍ജിങ്ങിനെ പിന്തുണയ്ക്കുന്ന 6000mAh ബാറ്ററി ഫോണില്‍ ഉണ്ടാവുമെന്നും പ്രതീക്ഷിക്കുന്നു. വണ്‍പ്ലസ് 13ടിയുടെ റീബ്രാന്‍ഡഡ് വേര്‍ഷനായിരിക്കാം വണ്‍പ്ലസ് 13എസ്. ക്വാല്‍കം ഫ്‌ലാഗ്ഷിപ്പ് പ്രോസസറായിരിക്കും ഇതിന് കരുത്തുപകരുക.
ക്ലാസിക് അലര്‍ട്ട് സ്ലൈഡര്‍ ഒഴിവാക്കി, ഐഫോണുകളിലെ ആക്ഷന്‍ ബട്ടണിന് സമാനമായ ഒരു പുതിയ ‘പ്ലസ് കീ’ പുതിയ സ്മാര്‍ട്ട്‌ഫോണില്‍ ഉണ്ടാവുമെന്ന് പ്രതീക്ഷിക്കുന്നു. സൗണ്ട് പ്രൊഫൈലുകള്‍ ടോഗിള്‍ ചെയ്യുക, കാമറ തുറക്കുക, വോയ്സ് റെക്കോര്‍ഡിംഗുകള്‍ ആരംഭിക്കുക തുടങ്ങി വിവിധ പ്രവര്‍ത്തനങ്ങള്‍ നടത്താന്‍ ഈ വൈവിധ്യമാര്‍ന്ന ബട്ടണ്‍ ഉപയോക്താക്കളെ പ്രാപ്തമാക്കും. മെച്ചപ്പെട്ട സുരക്ഷയ്ക്കായി അണ്ടര്‍-ഡിസ്പ്ലേ ഫിംഗര്‍പ്രിന്റ് സ്‌കാനറും ഇതില്‍ ഉള്‍പ്പെടുത്തിയേക്കാം.
content highlight: OnePlus 13S
