അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നിലമ്പൂരിൽ തെരഞ്ഞെടുപ്പ് ആവേശം കനക്കുകയാണ്. ഇടതുബന്ധം ഉപേക്ഷിച്ച് പിണറായിസത്തിനെതിരെ പോരാടുന്ന അൻവറിന് പിൻഗാമിയായി ആരെത്തുമെന്നുള്ള ആകാംഷയിലാണ് കേരളം. സിപിഎം മണ്ഡലം നിലനിർത്തുമോ നഷ്ടപ്പെട്ട പൊന്നാപുരം കോട്ട കോൺഗ്രസ് പിടിച്ചെടുക്കുമോ അതല്ല അൻവറിന്റെ ഒറ്റയാൾ പോരാട്ടം ഫലം കാണുമോ എന്നിങ്ങനെയാണ് ചർച്ചകൾ.
നിലമ്പൂർകാരായ സ്ഥാനാർഥികൾ മാത്രമാണ് ഈ ഉപതെരഞ്ഞെടുപ്പിൽ മത്സരിക്കുന്നത്. നൂലിൽ കെട്ടയിറക്കെന്ന പ്രയോഗത്തിന് നിലമ്പൂരിൽ മൂന്ന് പ്രബല മുന്നണികളും ഇടനൽകിയില്ല. പിണറായിസമാണോ അതോ ജനക്ഷേമ പ്രവർത്തനങ്ങളാണോ കേരളത്തിൽ നടക്കുന്നത് എന്നുള്ളതിന് നിലമ്പൂർ ഫലത്തിലൂടെ മറുപടി നൽകുമെന്നാണ് രാഷ്ട്രീയ നിരീക്ഷകർ പറയുന്നത്. അതിന് മൂന്നു പ്രബല മുന്നണിയിലെ ആർക്കാണ് സാധിക്കുക എന്നുള്ളത് ക്ലൈമാക്സിലറിയാം.
എന്നാൽ സിപിഎം സ്ഥാനാർഥിയെ കുറിച്ച് ഒരാൾ നാല് വർഷം മുൻപ് നടത്തിയ പ്രവചനം ഇപ്പോൾ വൈറലാവുകയാണ്. 2021ൽ തൃപ്പൂണിത്തറയിൽ കെ. ബാബുവിനോട് സിറ്റിംഗ് MLA ആയ സ്വരാജ് പരാജയപ്പെട്ടപ്പോൾ 2013ലെ അപ്ഡേറ്റ് ചെയ്ത സ്വരാജിന്റെ ഫേസ്ബുക്ക് പ്രൊഫൈൽ പിക്ചറിന് കമന്റെ ചെയ്തതാണ് ഇപ്പോൾ വൈറലാകുന്നത്. രജീഷ് എന്നയാളാണ് കമന്റ് ഇട്ടത്.
പിണറായി വിജയന്റെ രണ്ടാം നിയമസഭയുടെ കാലാവധി കഴിയുന്നതിന് മുമ്പ്, ഒരു ദിവസമെങ്കിൽ ഒരു ദിവസം കേരളത്തിലെ ഏതെങ്കിലും നിയമസഭാ മണ്ഡലത്തിൽ നിന്ന് സ: എം സ്വരാജ് മത്സരിച്ച് ജയിച്ച് നിയമസഭയിൽ എത്തിയിരിക്കും. ഇത് വെറുതെ പറയുന്നതല്ല. ഇനിയും 5 വർഷങ്ങളുണ്ട്. നിങ്ങൾ എഴുതി വച്ചോളു- എന്നാണ് കമൻ്റ്.
വിരോധാഭാസമെന്ന പോലെ കൃത്യമായി സംഭവിച്ചിരിക്കുകയാണ് ഇതുവരെ. തെരഞ്ഞെടുപ്പിൽ എം. സ്വരാജ് ജയിച്ചാൽ അതും യാഥാർഥ്യമാകും. ഇപ്പോൾ ഈ കമന്റെ സമൂഹമാധ്യമങ്ങളിൽ ചർച്ചയാകുകയാണ്.
