അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മൃദുലമായ ചർമ്മം പോലെ ഏതൊരു സ്ത്രീയും ആഗ്രഹിക്കുന്നതാണ് ഇടതൂർന്ന മുടി. മുടിയുടെ വളർച്ച വർദ്ധിപ്പിക്കുവാൻ സഹായിക്കുന്ന പൊടിക്കൈകളും മാർഗ്ഗങ്ങളുമെല്ലാം സ്ത്രീകൾ വളരെയധികം ഇഷ്ടപ്പെടുന്നു പരീക്ഷിക്കാൻ ആഗ്രഹിക്കുന്നു. ചർമ്മം പോലെ മുടികൾക്കും ശരിയായ പരിചരണവും ചികിത്സയും ആവശ്യമാണ്. മുടിയുടെ ആരോഗ്യവും തിളക്കവും വീണ്ടെടുക്കുന്നതിനുള്ള ഹെയർ ട്രീറ്റ്മെന്റുകളും, ഹെയർ സ്പായും ഇന്ന് വിപണികളിൽ ലഭ്യമാണ്. എന്നാൽ മുടിയുടെ ആരോഗ്യകരമായ വളർച്ചക്ക് ഏറ്റവും ഫലപ്രദമായ പ്രകൃതിദത്ത മാർഗമാണ് ഫ്ളാക് സീഡ് അഥവാ ചണവിത്ത്. മുടിയിൽ എന്ത് പരീക്ഷിക്കുന്നതിന് മുൻപും മനസിലാക്കേണ്ട ഒരു കാര്യം എല്ലാവർക്കും ഒരേ തരത്തിലുള്ള മുടിയല്ല ഉള്ളത് എന്നതാണ്.
മുടിയുടെ ആരോഗ്യത്തിന് സഹായിക്കുന്ന ധാരാളം പോഷക ഗുണങ്ങൾ ഫ്ളാക്സ് സീഡിൽ അടങ്ങിയിരിക്കുന്നു. ഫ്ളാക്സ് സീഡ് പതിവായി ഉപയോഗിക്കുന്നത് മുടി പൊട്ടുന്നത് തടയുന്നത് മുതൽ മുടി കൊഴിച്ചിൽ തടയുന്നതിന് വരെ സഹായകമാണ്. പ്രോട്ടീൻ, ഒമേഗ-3 ഫാറ്റി ആസിഡുകൾ, ആന്റിഓക്‌സിഡന്റുകൾ എന്നിവയാൽ സമ്പുഷ്ടമാണ് ഫ്ളാക്സ് സീഡ്. ഫ്ളാക്സ് സീഡിൽ അടങ്ങിയിരിക്കുന്ന ഗുണങ്ങൾ മുടിയുടെ വളർച്ചയ്ക്ക് ഉത്തമമാണ്.
ഫ്ളാക്സ് സീഡ്സ് ഹെയർ ജെൽ
ഒരു പാനിൽ വെള്ളം ഒഴിച്ച് ഫ്ളാക്സ് സീഡുകൾ ഇട്ട് ഇടത്തരം ചൂടിൽ വേവിയ്ക്കുക. ഇടയ്ക്കിടെ ഇളക്കി കൊടുക്കുക. വെള്ളം ജെൽ പോലെ ആയി കഴിഞ്ഞാൽ തണുപ്പിച്ച് അരിച്ചെടുത്ത് തലയിൽ പുരട്ടാം. ഇതിനോടൊപ്പം കറ്റാർവാഴ ജെൽ കൂടെ ചേർത്ത് മുടിയിൽ തേക്കുന്നത് താരൻ അകറ്റാനും മുടി വളർച്ച വേഗത്തിലാക്കാനും സഹായിക്കും.
ഫ്ളാക്സ് സീഡ് ഹെയർ മാസ്ക്
രണ്ട് ടേബിൾസ്പൂൺ ഫ്ളാക്സ് സീഡ് രണ്ട് കപ്പ് വെള്ളത്തിൽ ചേർക്കുക. ഇതിലേക്ക് 2 ടേബിൾസ്പൂൺ വെളിച്ചെണ്ണയും ഏതാനും തുള്ളി എസ്സെൻഷ്യൽ ഓയിലും ചേർത്ത് നന്നായി ഇളക്കുക. തയ്യാറാക്കിയ ഈ മാസ്ക് മുടിയിൽ തേച്ച് രണ്ട് മണിക്കൂർ കഴിഞ്ഞ് വീര്യം കുറഞ്ഞ ഷാംപൂ ഉപയോഗിച്ച് കഴുകുക. മുടിക്ക് തിളക്കം നൽകാൻ സഹായിക്കുന്നു.
STORY HIGHLIGHT: flax seeds for hair growth
