അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബോളിവുഡിലെ നിരവധി താരങ്ങൾക്കൊപ്പം പ്രവർത്തിച്ച പ്രമുഖ സെലിബ്രിറ്റി ഹെയർസ്റ്റൈലിസ്റ്റ് ആണ് ആലിം ഹക്കിം. അഭിഷേക് ബച്ചനൊപ്പം ‘ദസ്’ എന്ന ചിത്രത്തിന്റെ സെറ്റിൽവെച്ച് തനിക്ക് നേരിടേണ്ടി വന്ന ഒരു അനുഭവത്തെ കുറിച്ച് പറയുകയാണ് ആലിം ഹക്കീം. ബോളിവുഡ് ബബിളിന് നൽകിയ അഭിമുഖത്തിലാണ് ആലിം ഈ കാര്യം തുറന്ന് പറഞ്ഞത്.
‘കാനഡയിൽ വെച്ച് ദസ് എന്ന സിനിമയിൽ എല്ലാവരുടെയും മുടി ഞാൻ ഒരുക്കുകയായിരുന്നു. ചിത്രത്തിന്റെ അസിസ്റ്റന്റ് ഡയറക്ടർമാർക്ക് അസുഖം വന്ന് ജോലിക്ക് പ്രവേശിക്കാൻ സാധിക്കാത്തതിനാൽ ഞാൻ അഭിഷേക് ബച്ചന്റെ അസിസ്റ്റന്റായി. ആലിം മുടി ഒരുക്കുന്നതിനിടയിൽ നീ സീൻ കണ്ടിന്യൂയിറ്റി തെറ്റിച്ചാൽ, ഞാൻ നിന്റെ കാലിൽ ഒരു വെടിയുണ്ട വെക്കുമെന്ന് അഭിഷേക് പറഞ്ഞു. ആ സമയം അദ്ദേഹത്തിന്റെ കയ്യിൽ ഒരു പ്രോപ് ഗൺ ഉണ്ടായിരുന്നു. ഹൈയർ സ്റ്റൈൽ ചെയ്തശേഷം എനിക്ക് തെറ്റുപറ്റിയെന്ന് അദ്ദേഹത്തോടുപറഞ്ഞു. അതിനുശേഷം അഭിഷേക് പ്രോപ് ഗൺകൊണ്ട് നിലത്തേക്ക് വെടിവെക്കാൻ തുടങ്ങി. ഒരു പ്രോപ് ബുള്ളറ്റ് അബദ്ധത്തിൽ എന്റെ കാലിൽ തട്ടി. നന്നായി വേദനിച്ചു. എനിക്ക് 10 ദിവസത്തേക്ക് നടക്കാൻ കഴിഞ്ഞില്ല.’ ആലിം പറഞ്ഞു.
അഭിഷേക് ബച്ചൻ വലിയ തമാശക്കാരനാണെന്നും. ദസ് സിനിമയിൽ അഭിഷേക് ബച്ചന്റെ സഹായിയായി അഞ്ച് ദിവസമാണ് പ്രവർത്തിച്ചിരുന്നതെന്നും ആലിം ഹക്കിം പറഞ്ഞു . 2005-ല്‍ അനുഭവ് സിന്‍ഹയുടെ സംവിധാനത്തില്‍ എത്തിയ ചിത്രമാണ് ദസ്.
STORY HIGHLIGHT: abhishek bachchan jokingly told aalim hakim
