അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബൈ: പുതുതായി ചുമതലയേറ്റ വടക്കൻ എമിറേറ്റുകളുടെ കൂടി ചുമതലയുള്ള ദുബൈ ഇന്ത്യൻ കോൺസൽ ജനറൽ സതീഷ് കുമാർ ശിവൻ സുപ്രീംകൗൺസിൽ അംഗവും റാസൽഖൈമ ഭരണാധികാരിയുമായ ശൈഖ് സഊദ് ബിൻ സഖർ അൽ ഖാസിമിയുമായി ചർച്ച നടത്തി.
സഖ്ർ ബിൻ മുഹമ്മദ് സിറ്റിയിലെ ഭരണാധികാരിയുടെ കൊട്ടാരത്തിലായിരുന്നു ചർച്ച. ഇന്ത്യയും യു.എ.ഇയും തമ്മിലെ സഹകരണം ശക്തിപ്പെടാൻ ഉപകരിക്കുന്ന പ്രവർത്തനങ്ങൾക്ക് കോൺസൽ ജനറലിന് സാധിക്കട്ടെയെന്ന് ശൈഖ് സഊദ് ആശംസിച്ചു. ഇരു രാജ്യങ്ങളുടെ സൗഹൃദബന്ധത്തെ സംബന്ധിച്ച് സംസാരിച്ച കോൺസൽ ജനറൽ, സ്വീകരണത്തിനും ആതിഥ്യത്തിനും നന്ദിയറിയിച്ചു.
കഴിഞ്ഞ ഒക്ടോബറിലാണ് ദുബൈയിലെ പുതിയ ഇന്ത്യന്‍ കോണ്‍സല്‍ ജനറലായി സതീഷ് കുമാര്‍ ശിവന്‍ ചുമതലയേറ്റത്. കോൺസൽ ജനറലായിരുന്ന ഡോ. അമൻ പുരിക്ക് പുതിയ ചുമതല നൽകിയതിനെ തുടർന്നാണ് ഇദ്ദേഹം നിയമിതനായത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
