അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇക്കഴിഞ്ഞ വർഷമാണ് ഗായിക അമൃത സുരേഷും സംഗീത സംവിധായകൻ ഗോപി സുന്ദറും ജീവിതത്തിൽ ഒന്നിക്കുന്നു എന്ന വാർത്ത പുറത്തുവന്നത്. രണ്ടു മാസങ്ങൾക്ക് മുൻപ് ഇരുവരും ഒന്നായതിന്റെ ഒന്നാം വാർഷികം സന്തോഷമായി കൊണ്ടാടുകയും ചെയ്തു. രണ്ടുപേരും സോഷ്യൽ മീഡിയയിൽ വളരെ സജീവമായി തങ്ങളുടെ സ്നേഹം നിറഞ്ഞ ജീവിതത്തിന്റെ നേർക്കാഴ്ചകൾ പോസ്റ്റ് ചെയ്തിരുന്നു.
വിമർശനങ്ങൾ അതിന്റെ വഴിയേ വന്നു. പക്ഷേ ഇരുവരും ചെവിക്കൊണ്ടില്ല എന്ന് മാത്രമല്ല, പലപ്പോഴും അതിനു തക്കതായ മറുപടി നൽകുകയും ചെയ്തു. രണ്ടുപേരും ചേർന്ന് സ്റ്റേജ് ഷോകളിൽ നിറഞ്ഞു. ഇരുവർക്കും അവരുടേതായ മ്യൂസിക് ബാൻഡ് ഉണ്ട്. രണ്ടുപേരും ചേർന്നാണ് പരിപാടികൾ അവതരിപ്പിച്ചതും. പക്ഷേ പ്രണയം പ്രഖ്യാപിച്ച ഗോപിയുടെ ഇൻസ്റ്റഗ്രാം പേജ് ഇപ്പോൾ പഴയപടിയല്ല.
Read More: കൊച്ചിയിലേക്ക് വിദേശ സഞ്ചാരികളുടെ എണ്ണം കൂടി
അമൃതയുടെ പിതാവിന്റെ വിയോഗ വേളയിൽ പോലും ഗോപി ഒപ്പം നിൽക്കുകയും ആശ്വാസമാവുകയും ചെയ്തിരുന്നു. ഒന്നിച്ചുള്ള ജീവിതം ഒരു വർഷം പിന്നിടുമ്പോൾ രണ്ടുപേരും ഇൻസ്റ്റഗ്രാമിൽ പരസ്പരം അൺഫോളോ ചെയ്തിരിക്കുകയാണ്. 2022 മെയ് മാസം 26നാണ് ജീവിതത്തിൽ തങ്ങൾ ഒന്നിക്കുന്നു എന്ന് ഗോപിയും അമൃതയും ഉറക്കെ പ്രഖ്യാപിച്ചത്. ‘പിന്നിട്ട കാതങ്ങൾ മനസ്സിൽ കുറിച്ച് അനുഭവങ്ങളുടെ കനൽവരമ്പു കടന്ന് കാലവും കാറ്റും പുതിയ വഴികളിലേക്ക്…’ എന്നായിരുന്നു ഒരു ഫോട്ടോ പോസ്റ്റിനൊപ്പം ഇവർ കുറിച്ചത്. ഈ പോസ്റ്റും ഇപ്പോൾ ഗോപിയുടെ ഇൻസ്റ്റഗ്രാം, ഫേസ്ബുക്ക് പേജുകളിൽ ഇല്ല. ഈ പോസ്റ്റ് പക്ഷേ അമൃത തന്റെ ഫേസ്ബുക്ക് പേജിൽ സൂക്ഷിച്ചിരിക്കുന്നു. ഗോപിയുടെ ഫേസ്ബുക്കിൽ ഇപ്പോഴും മുൻ പങ്കാളി അഭയ ഹിരണ്മയിക്കൊപ്പമുള്ള ചിത്രങ്ങൾ ഉൾപ്പെടെ കാണാം.
താരങ്ങൾ ചിലവേളകളിൽ അവരുടെ മുൻകാല പോസ്റ്റുകൾ പബ്ലിക് എന്ന നിലയിൽ നിന്നും ഹൈഡ് ചെയ്യാറുണ്ട്. വീണ്ടും തെളിയാറുമുണ്ട്. ഏറെ ആഘോഷിക്കപ്പെട്ട ഈ പ്രണയവും കോട്ടം തട്ടാതെ മുന്നോട്ടു പ്രയാണം നടത്തട്ടെ എന്ന് തന്നെ പ്രത്യാശിക്കാം. പക്ഷേ ഈ പ്രണയ പ്രഖ്യാപന പോസ്റ്റ് ഒഴികെ ഗോപിക്കൊപ്പമുള്ള മറ്റു ചിത്രങ്ങൾ എല്ലാം തന്നെ അമൃത തന്റെ ഇൻസ്റ്റഗ്രാമിൽ നിലനിർത്തിയിട്ടുണ്ട്. കൂടാതെ അമൃതയും അനുജത്തി അഭിരാമിയും കൂടിയുള്ള മ്യൂസിക് ബാൻഡായ അമൃതംഗമയ പുതിയ ഗാനങ്ങളുമായി സജീവമാവുകയാണ്. ജൂൺ മാസം പകുതിയിൽ കാനഡയിൽ ഇരുവരും ഷോ നടത്തിയിരുന്നു. ഈ പരിപാടിയുടെ ചിത്രങ്ങളും വിശേഷങ്ങളും സോഷ്യൽ മീഡിയയിലുമെത്തിയിരുന്നു.
രണ്ടുദിവസം മുൻപ് നിലവിളക്ക് കൊളുത്തി, പാലുകാച്ചി ജീവിതത്തിൽ ഒരു നല്ല തുടക്കം നടത്തിയ വിശേഷം അമൃത ഇൻസ്റ്റഗ്രാം വഴി ആരാധകരെ അറിയിക്കുകയുണ്ടായി. ഈ നിമിഷത്തിൽ അമൃതയ്‌ക്കൊപ്പം അമ്മയും അനുജത്തി അഭിരാമിയും മകൾ പാപ്പുവും ആണ് ഉണ്ടായിരുന്നത്. അമൃതയുടെ ചില അടുത്ത ചങ്ങാതിമാരും പങ്കെടുത്തു എല്ലാവരും ചേർന്നുള്ള ഒരു സെൽഫിയും ഇവർ പങ്കിട്ടിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
