അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: ബ്രാൻഡ് ചെയ്യാത്തതിനാൽ കേന്ദ്രം ഫണ്ട് തടഞ്ഞതോടെ പ്രതിസന്ധിയിലായി ദേശീയ ആരോഗ്യദൗത്യത്തിന്റെ (എൻ.എച്ച്.എം.) പ്രവർത്തനം. നവജാത ശിശുക്കൾക്കും അമ്മമാർക്കുമായുള്ള ജനനി സുരക്ഷാ യോജന, ഹൃദ്രോഗികൾക്ക് ശസ്ത്രക്രിയയ്ക്കുള്ള സഹായം, 18 വയസ്സുവരെയുള്ള കുട്ടികളുടെ സൗജന്യചികിത്സ തുടങ്ങിയവയൊക്കെ നിലച്ചു. ജീവനക്കാരുടെ ശമ്പളവും പദ്ധതിക നടത്തിപ്പും പ്രതിസന്ധിയിലായി.
ആരോഗ്യകേന്ദ്രങ്ങളുടെ പേരും ഭിത്തിയുടെ നിറവും മാറ്റാതെ ഫണ്ട് നൽകാൻ കഴിയില്ലെന്ന നിലപാടിലാണ് കേന്ദ്രം. പ്രാഥമിക ആരോഗ്യകേന്ദ്രങ്ങളും അയ്യായിരത്തോളം വരുന്ന ഉപആരോഗ്യകേന്ദ്രങ്ങളും ആയുഷ്മാൻ ഭാരത് ആരോഗ്യമന്ദിർ എന്ന് പേരിൽ ബ്രാൻഡ് ചെയ്യണമെന്നാണ് സംസ്ഥാനത്തിന് കിട്ടിയ നിർദേശം. ഭിത്തികൾക്ക് മഞ്ഞ നിറവും നൽകണം. എങ്കിലേ ഫണ്ട് നൽകൂവെന്ന നിലപാടിലാണ് കേന്ദ്രം.
സംസ്ഥാനത്ത് എൻ.എച്ച്.എമ്മിന്റെ കീഴിൽ 15,000 ജീവനക്കാരാണുള്ളത്. ഇവർക്ക് രണ്ടു മാസമായി ശമ്പളവും ലഭിച്ചിട്ടില്ല. ബ്രാൻഡിങ് സംബന്ധിച്ച പ്രവർത്തനങ്ങൾക്കായി അറുപതു കോടിയിലേറെ രൂപ ചെലവുവരും. ഇതിനായുള്ള പണവും കേന്ദ്രം അനുവദിച്ചിട്ടില്ല.
Read more :
- മാര്‍ച്ച് 3 ലോക കേള്‍വി ദിനം: കേള്‍വിക്കുറവ് ഉണ്ടെങ്കില്‍ എത്രയും വേഗം കണ്ടുപിടിച്ച് ചികിത്സിക്കണം
- രണ്ടാം ദിനവും സർക്കാർ ജീവനക്കാർക്കു ശമ്പളം നൽകാനായില്ല; ഇതുവരെ ശമ്പളം മുടങ്ങിയത് മൂന്നര ലക്ഷത്തോളം ജീവനക്കാർക്ക്
- മതിയായ കാരണമില്ലാതെ മെഡിസെപ്പ് ക്ലെയിം നിരസിച്ചു: ചികിത്സാച്ചെലവും നഷ്ടപരിഹാരവും നൽകണമെന്ന് കോടതി
- മുഖ്യമന്ത്രിയും മന്ത്രിയും നേരിട്ട വിവേചനവും ജാതിയില്ലെന്ന അന്ധവിശ്വാസവും; വിവേചനരഹിത ദിനത്തിലെ ചില ഓർമ്മപ്പെടുത്തലുകൾ
ഒരു ഗഡുപോലും കിട്ടിയില്ല
സാമ്പത്തികവർഷം അവസാനിക്കാൻ ഒരുമാസംമാത്രം ബാക്കിനിൽക്കേ ഒരുഗഡുപോലും ലഭിച്ചിട്ടില്ല. എൻ.എച്ച്.എമ്മിനായി വർഷം നാലുതവണകളായാണ് കേന്ദ്രം ഫണ്ട് നൽകുന്നത്. 409.05 കോടിയിൽ നേരിട്ടുള്ള പണമായി 371.20 കോടിയാണ് നൽകാനുള്ളത്. 278 കോടി രൂപ അടിസ്ഥാന സൗകര്യങ്ങളുമായി ബന്ധപ്പെട്ട ഗ്രാൻഡ് ഇനത്തിലും കിട്ടാനുണ്ട്.
