×

പിഎസ്‍സി നിയമനങ്ങളിൽ വർധനവ്; കഴിഞ്ഞ വർഷം പിഎസ്‍സി വഴി അയച്ചത് 34,110 നിയമന ശുപാർശകൾ

google news
kpsc

തിരുവനന്തപുരം: സംസ്ഥാനത്ത് കഴിഞ്ഞവർഷം പിഎസ്‍സി വഴി അയച്ചത് 34,110 നിയമന ശുപാർശകൾ. കഴിഞ്ഞ നാലുവർഷത്തിനിടയിൽ ഏറ്റവും കൂടുതൽ നിയമനങ്ങൾ നടന്നത് പോയവർഷമാണ്. 2022ൽ 23,053 നിയമനങ്ങൾ നടന്നപ്പോൾ 2023ൽ അത് 34,110 ആയി ഉർന്നു. പോലീസ് വകുപ്പിലാണ് ഏറ്റവും കൂടുതൽ നിയമന ശുപാർശ ലഭിച്ചത്. 5852 നിയമന ശുപാർശ പോലീസ് വകുപ്പിൽ ലഭിച്ചെന്നാണ് കണക്കുകൾ.

പൊതുവിദ്യാഭ്യാസ വകുപ്പിൽ വിവിധ തസ്തികകളിലേക്കായി 5,777 നിയമനങ്ങൾ നടന്നു. ആരോഗ്യവകുപ്പ് - 2,583, തദ്ദേശം - 1,494, റവന്യു - 978, ജുഡീഷ്യറി - 906, മെഡിക്കൽ - 894, ജലസേചനം - 819, ഫയർ ആൻഡ് റെസ്ക്യു - 806, പൊതുമരാമത്ത്- 793, വനം വന്യജീവി - 758, എക്സൈസ് - 560, സർവകലാശാല - 560, ഗ്രാമവികസനം - 349, ഹയർ സെക്കൻഡറി - 337, കർഷക ക്ഷേമം - 325, ശിശുവികസനം - 319, പൊതുഭരണം - 318, കോളേജ് വിദ്യാഭ്യാസം - 301, സാങ്കേതിക വിദ്യാഭ്യാസം - 273, കെഎസ്ഇബി - 209, പിഎസ്‍സി 124, ധനകാര്യം -116, മോട്ടോർ വാഹനവകുപ്പ് - 90, ചരക്ക് സേവന നികുതി - 85, വനിതാ സാമൂഹിക നീതി - 55, കെഎസ്എഫ്ഇ - 51 എന്നിങ്ങനെയാണ് നിയമനം നടന്നത്.

Read also: ഉന്നത വിദ്യാഭ്യാസ മേഖലയിൽ കാ​യി​ക​പ​ഠ​നം വി​ഷ​യ​മാ​​ക്കാ​നു​ള്ള ന​ട​പ​ടി​ക​ൾ ആ​രം​ഭിച്ചു​ -മന്ത്രി

പ്രസിദ്ധീകരിച്ച റാങ്ക് ലിസ്റ്റുകളുടെ അടിസ്ഥാനത്തിലും റെക്കോഡ് വർധനവ് കഴിഞ്ഞവർഷം ഉണ്ടായി. പ്രതിവർഷം 700 റാങ്ക് പട്ടികകളാണ് പ്രസിദ്ധീകരിക്കാറുള്ളതെങ്കിൽ ഈ വർഷം ഇത് 1,100 കടന്നു. 2016 മുതലുള്ള നിയമന കണക്കുകൾ പരിശോധിച്ചാൽ 2019ലും 2017ലും മാത്രമാണ് ഇതിനുമുമ്പ് നിയമനങ്ങൾ 34,000 കടന്നത്.

2016 മെയ് മുതൽ 26,247 നിയനങ്ങളാണ് സർക്കാർ നടത്തിയത്. 2017- 35,911, 2018- 28,025, 2019 - 34,854, 2020 - 25,91, 2021 - 26,724, 2022 - 23,053, 2023 - 34,110 എന്നിങ്ങനെയാണ് മുൻ വർഷങ്ങളിലെ നിയമന കണക്കുകളെന്നാണ് റിപ്പോർട്ട്. 2019ലെ നിയമനമായ 34,854 സർവകാല റെക്കോഡാണ്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു