പാ​ക് സം​ര​ക്ഷ​ണത്തിൽ ഇ​ന്ത്യ തേ​ടു​ന്ന ഏ​ഴ് കൊ​ടും​ഭീ​ക​ര​ർ!!

ലോ​ക​രാ​ജ്യ​ങ്ങ​ള്‍ ഏ​റ്റ​വും കൂ​ടു​ത​ല്‍ തെ​ര​യു​ന്ന ഏ​ഴു തീ​വ്ര​വാ​ദി​ക​ള്‍, ഇ​ന്ത്യ​യി​ലും വി​ദേ​ശ​രാ​ജ്യ​ങ്ങ​ളി​ലു​മാ​യി ആ​യി​ര​ക്ക​ണ​ക്കി​ന് ആ​ളു​ക​ളെ കൊ​ന്നു​ത​ള്ളി​യ ഭീ​ക​രാ​ക്ര​മ​ണ​ങ്ങ​ള്‍ ആ​സൂ​ത്ര​ണം ചെ​യ്ത കൊ​ടും​ഭീ​ക​ര​ര്‍ക്ക് താവളമൊരുക്കി പാക്കിസ്ഥാൻ.അ​ത്യാ​ഡം​ബ​ര ജീ​വി​തം ന​യി​ക്കുന്നവർക്ക് പാ​ക്കി​സ്ഥാ​നി​ല്‍ വീ​ര​നാ​യ​ക​രു​ടെ പ​രി​വേ​ഷ​മാ​ണ്. അ​ല്ലെ​ങ്കി​ൽ ഒ​രു ജ​ന​ത​യു​ടെ ര​ക്ഷ​ക​രാ​യി സ്വ​യം അ​വ​ത​രി​ച്ച​വ​ർ!

പാ​ക് സൈ​ന്യ​ത്തി​ന്‍റെ​യും രാ​ഷ്ട്രീ​യ​നേ​തൃ​ത്വ​ത്തി​ന്‍റെ​യും പി​ന്തു​ണ​യി​ലും സം​ര​ക്ഷ​ണ​യി​ലു​മാ​ണ് അ​വ​ര്‍ ആ​ഡം​ബ​ര​ജീ​വി​തം ന​യി​ക്കു​ന്ന​തും ലോ​ക​മെ​മ്പാ​ടും ഭീ​ക​ര​പ്ര​വ​ര്‍​ത്ത​ന​ങ്ങ​ള്‍ ന​ട​ത്തു​ന്ന​തും, പ്ര​ത്യേ​കി​ച്ച് ഇ​ന്ത്യ​യി​ല്‍. സ്വ​ര്‍​ഗ​വും അ​വി​ടു​ത്തെ സ​ങ്ക​ല്‍​പ്പി​ക്കാ​നാ​കാ​ത്ത ആ​ഡം​ബ​ര​ങ്ങ​ളും മ​റ്റു സു​ഖ​ങ്ങ​ളും വാ​ഗ്ദാ​നം ചെ​യ്ത് ലോ​ക​മെ​മ്പാ​ടും ആ​ക്ര​മ​ണം ന​ട​ത്തു​ന്ന​തി​നാ​യി യു​വാ​ക്ക​ളെ​യും യു​വ​തി​ക​ളെ​യും റി​ക്രൂ​ട്ട് ചെ​യ്യു​ക​യും തീ​വ്ര​വാ​ദ​വ​ത്ക​രി​ക്കു​ക​യും ചെ​യ്യു​ന്നു.

പ​ഹ​ല്‍​ഗാം ആ​ക്ര​മ​ണ​ത്തി​ല്‍ സാ​ധാ​ര​ണ​ക്കാ​രാ​യ 26 സ​ഞ്ചാ​രി​ക​ളെ കൊ​ല​പ്പെ​ടു​ത്തി​യ പാ​കി​സ്ഥാ​ന്‍ ആ​സ്ഥാ​ന​മാ​യു​ള്ള ല​ഷ്‌​ക​ര്‍ ഇ ​തൊ​യ്ബ​യു​ടെ ശാ​ഖ​യാ​യ ദി ​റെ​സി​സ്റ്റ​ന്‍​സ് ഫ്ര​ണ്ടി​ലെ തീ​വ്ര​വാ​ദി​ക​ള്‍ പാ​ക്കി​സ്ഥാ​നി​ല്‍ വി​ല​സു​മ്പോ​ഴും, അ​വ​രെ ലോ​കം കു​റ്റ​ക്കാ​രാ​യി കാ​ണു​മ്പോ​ഴും ആ ​രാ​ജ്യം അ​വ​രെ പി​ന്തു​ണ​യ്ക്കു​ന്നു. അ​വ​രു​ടെ രാ​ജ​കീ​യ​ജീ​വി​ത​ത്തി​നു കാ​വ​ല്‍​ക്കാ​രാ​കു​ന്നു. ആ​രൊ​ക്കെ​യാ​ണ് ഈ ​കൊ​ടും തീ​വ്ര​വാ​ദി​ക​ള്‍?

ഹാ​ഫി​സ് സ​യീ​ദ്
1990ക​ളു​ടെ തു​ട​ക്ക​ത്തി​ല്‍, പാ​ക്കി​സ്ഥാ​ന്‍ ആ​സ്ഥാ​ന​മാ​യു​ള്ള ഇ​സ്‌​ലാ​മി​ക മ​ത​മൗ​ലി​ക​വാ​ദ മി​ഷ​ന​റി ഗ്രൂ​പ്പാ​യ മ​ര്‍​ക​സ് ഉ​ദ് ദ​വാ വ​ല്‍ ഇ​ര്‍​ഷാ​ദി​ന്‍റെ സൈ​നി​ക വി​ഭാ​ഗ​മാ​യി സ​യീ​ദ് സ്ഥാ​പി​ച്ച ല​ഷ്‌​ക​ര്‍ അ​ഥ​വാ എ​ല്‍​ഇ​ടി എ​ന്ന ഭീ​ക​ര സം​ഘ​ട​ന​യു​ടെ ത​ല​വ​നാ​ണ് ഹാ​ഫി​സ് സ​യീ​ദ്. ഇ​ന്ത്യ​ന്‍ സൈ​നി​ക​ര്‍​ക്കും സാ​ധാ​ര​ണ​ക്കാ​ര്‍​ക്കു​മെ​തി​രേ​യു​ള്ള നി​ര​വ​ധി ആ​ക്ര​മ​ണ​ങ്ങ​ള്‍​ക്കു ചു​ക്കാ​ന്‍ പി​ടി​ച്ച കൊ​ടും​ഭീ​ക​ര​ന്‍. ഇ​ന്ത്യ​ക്കെ​തി​രാ​യ ല​ഷ്‌​ക​ര്‍ ആ​ക്ര​മ​ണ​ങ്ങ​ളു​ടെ പ​ട്ടി​ക ര​ക്ത​രൂ​ക്ഷി​ത​മാ​ണ്.

ലോ​കം ന​ടു​ങ്ങി​യ മും​ബൈ ഭീ​ക​രാ​ക്ര​മ​ണ​ത്തി​ന്‍റെ മു​ഖ്യ ആ​സൂ​ത്ര​ക​നാ​ണ് ഇ​യാ​ള്‍. ആ​യി​ര​ക്ക​ണ​ക്കി​ന് ആ​ളു​ക​ളെ കൊ​ന്നു​ത​ള്ളി​യി​ട്ടു​ണ്ട് ഇ​യാ​ള്‍. 2000ല്‍ ​ഡ​ല്‍​ഹി​യി​ലെ ചെ​ങ്കോ​ട്ട​യി​ലും ഇ​യാ​ളു​ടെ ആ​സൂ​ത്ര​ണ​ത്തി​ല്‍ ഭീ​ക​ര​ര്‍ ആ​ക്ര​മ​ണം ന​ട​ത്തി​യി​ട്ടു​ണ്ട്.

യു​എ​സും ഐ​ക്യ​രാ​ഷ്ട്ര​സ​ഭ​യും ഹാ​ഫി​സ് സ​യീ​ദി​നെ ആ​ഗോ​ള​തീ​വ്ര​വാ​ദി​യാ​യി പ്ര​ഖ്യാ​പി​ച്ചി​ട്ടു​ണ്ട്. ഇ​യാ​ളു​ടെ ത​ല​യ്ക്ക് 10 മി​ല്യ​ണ്‍ ഡോ​ള​ര്‍ ഇ​നാ​മും പ്ര​ഖ്യാ​പി​ച്ചി​ട്ടു​ണ്ട്. എ​ന്നാ​ല്‍ സാ​യു​ധ കാ​വ​ലി​ല്‍ ലാ​ഹോ​റി​ല്‍ ഈ “​കൊ​ല​യാ​ളി’ സു​ഖ​മാ​യി താ​മ​സി​ക്കു​ന്നു.

മ​സൂ​ദ് അ​സ്ഹ​ര്‍
പാ​ക് സൈ​ന്യ​ത്തി​ന്‍റെ​യും ഇ​ന്‍റ​ലി​ജ​ന്‍​സ് ഏ​ജ​ന്‍​സി​യു​ടെ​യും സം​ര​ക്ഷ​ണ​യി​ല്‍ പ്ര​വ​ര്‍​ത്തി​ക്കു​ന്ന ജെ​യ്ഷെ മു​ഹ​മ്മ​ദ് ഭീ​ക​ര​സം​ഘ​ട​ന​യു​ടെ ത​ല​വ​നാ​ണ് മ​സൂ​ദ് അ​സ്ഹ​ര്‍. 59 സൈ​നി​ക​രെ കൊ​ല്ലു​ക​യും ഡ​സ​ന്‍ ക​ണ​ക്കി​ന് പേ​ര്‍​ക്ക് പ​രി​ക്കേ​ല്‍​ക്കു​ക​യും ചെ​യ്ത പു​ല്‍​വാ​മ, ഉ​റി ഭീ​ക​രാ​ക്ര​മ​ണ​ങ്ങ​ളു​ടെ സൂ​ത്ര​ധാ​ര​നാ​യ അ​സ്ഹ​റി​നെ 2019 ല്‍ ​ഐ​ക്യ​രാ​ഷ്ട്ര​സ​ഭ “ആ​ഗോ​ള ഭീ​ക​ര​ന്‍’ – ആ​യി മു​ദ്ര​കു​ത്തി. പാ​ക്കി​സ്ഥാ​നി​ല്‍ സ്വ​ത​ന്ത്ര​നാ​യി വി​ഹ​രി​ക്കു​ന്ന ഇ​യാ​ള്‍ ഇ​ന്ത്യ​യി​ല്‍ ന​ട​ന്ന നി​ര​വ​ധി ഭീ​ക​രാ​ക്ര​മ​ണ​ങ്ങ​ളു​ടെ ആ​സൂ​ത്ര​ക​രി​ലൊ​രാ​ളാ​ണ്.

എ​ന്നാ​ല്‍, മ​സൂ​ദ് അ​സ​ര്‍ പാ​ക്കി​സ്ഥാ​നി​ല്‍ ഉ​ണ്ടോ​യെ​ന്ന് സ്ഥി​രീ​ക​രി​ച്ചി​ട്ടി​ല്ലെ​ന്നാ​ണ് പാ​ക് സ​ര്‍​ക്കാ​രി​ന്‍റെ വി​ചി​ത്ര​വാ​ദം! ക​ഴി​ഞ്ഞ വ​ര്‍​ഷം ന​വം​ബ​റി​ല്‍ പാ​ക്കി​സ്ഥാ​ന്‍ പ​ഞ്ചാ​ബ് പ്ര​വി​ശ്യ​യി​ലെ ഇ​സ്‌​ലാ​മി​ക് സെ​മി​നാ​രി​യി​ല്‍ അ​യാ​ള്‍ പ്ര​സം​ഗി​ക്കു​ക​യും ഇ​ന്ത്യ​ക്കെ​തി​രേ കൂ​ടു​ത​ല്‍ ഭീ​ക​രാ​ക്ര​മ​ണ​ങ്ങ​ള്‍ ന​ട​ത്തു​മെ​ന്ന് പ്ര​തി​ജ്ഞ​യെ​ടു​ക്കു​ക​യും ചെ​യ്തി​രു​ന്നു. ഇ​തി​ന്‍റെ ദൃ​ശ്യ​ങ്ങ​ളും പു​റ​ത്തു​വ​ന്നി​രു​ന്നു.

എ​ന്നാ​ല്‍, പാ​ക്കി​സ്ഥാ​ന്‍ പ്ര​ധാ​ന​മ​ന്ത്രി​യു​ടെ മൂ​ക്കി​നു​കീ​ഴെ വി​ല​സു​ന്ന അ​യാ​ളെ അ​റി​യി​ല്ലെ​ന്നാ​ണ് പാ​ക്കി​സ്ഥാ​ന്‍റെ വാ​ദം. മ​സൂ​ദ് അ​സ്ഹ​ര്‍ പാ​ക്കി​സ്ഥാ​നി​ലെ ബ​ഹ​വ​ല്‍​പു​ര്‍ കേ​ന്ദ്രീ​ക​രി​ച്ച് ഭീ​ക​ര​പ​രി​ശീ​ല​നം ന​ട​ത്തി​യി​രു​ന്നു. ഓ​പ്പ​റേ​ഷ​ന്‍ സി​ന്ദൂ​റി​ല്‍ മ​സൂ​ദി​ന്‍റെ ഭീ​ക​ര​ക്യാം​പ് ല​ക്ഷ്യ​മാ​ക്കി ഇ​ന്ത്യ മി​സൈ​ല്‍ ആ​ക്ര​മ​ണം ന​ട​ത്തി​യി​രു​ന്നു.

സാ​ക്കി​യു​ര്‍ റ​ഹ്‌​മാ​ന്‍ ല​ഖ്‌​വി
മ​ത​മൗ​ലി​ക​വാ​ദ പ്ര​ഭാ​ഷ​ക​നും ല​ഷ്‌​ക​ര്‍ ഇ ​തൊ​യ്ബ​യി​ലെ മു​തി​ര്‍​ന്ന നേ​താ​വു​മാ​യ സാ​ക്കി​യു​ര്‍ റ​ഹ്‌​മാ​ന്‍ ല​ഖ്‌​വി​യാ​ണ് ഇ​ന്ത്യ​യു​ടെും വി​വി​ധ ലോ​ക​രാ​ജ്യ​ങ്ങ​ളു​ടെ​യും പ​ട്ടി​ക​യി​ലു​ള്ള മ​റ്റൊ​രു ആ​ഗോ​ള​ഭീ​ക​ര​ന്‍. ല​ഖ്‌​വി ഭീ​ക​ര​സം​ഘ​ത്തി​ന്‍റെ സൈ​നി​ക മേ​ധാ​വി​യാ​ണെ​ന്നും 26/11 മും​ബൈ ആ​ക്ര​മ​ണ​ത്തി​ന്‍റെ ശി​ല്‍​പ്പി​യാ​ണെ​ന്നും റി​പ്പോ​ര്‍​ട്ടു​ണ്ട്. കു​റ​ച്ചു​കാ​ലം പാ​ക് ജ​യി​ലി​ലു​ണ്ടാ​യി​രു​ന്ന ല​ഖ്വി പി​ന്നീ​ട് ജാ​മ്യ​ത്തി​ല്‍ പു​റ​ത്തി​റ​ങ്ങി.

സ​യി​ദ് സ​ലാ​ഹു​ദീ​ന്‍
ഭീ​ക​ര​പ്പ​ട്ടി​ക​യി​ലെ നാ​ലാ​മ​നാ​ണ്, സ​യി​ദ് സ​ലാ​ഹു​ദ്ദീ​ന്‍ ഹി​സ്ബു​ള്‍ മു​ജാ​ഹി​ദീ​ന്‍ ഭീ​ക​ര സം​ഘ​ട​ന​യു​ടെ ത​ല​വ​നും കാ​ഷ്മീ​ര്‍ താ​ഴ്വ​ര​യെ “ഇ​ന്ത്യ​ന്‍ സേ​ന​യു​ടെ ശ​വ​ക്കു​ഴി’ ആ​ക്കു​മെ​ന്ന് പ്ര​തി​ജ്ഞ​യു​മെ​ടു​ത്ത​യാ​ളാ​ണ് സ​യി​ദ് സ​ലാ​ഹു​ദ്ദീ​ന്‍.

ദാ​വൂ​ദ് ഇ​ബ്രാ​ഹിം
ലോ​ക​ത്തി​ല്‍ ഏ​റ്റ​വും കൂ​ടു​ത​ല്‍ അ​ന്വേ​ഷി​ക്ക​പ്പെ​ടു​ന്ന കു​റ്റ​വാ​ളി​ക​ളി​ല്‍ ഒ​രാ​ള്‍. മാ​ഫി​യ ത​ല​വ​ന്‍. കു​പ്ര​സി​ദ്ധ​മാ​യ ഡി-​ക​മ്പ​നി ക്രൈം ​സി​ന്‍​ഡി​ക്കേ​റ്റി​ന്‍റെ ത​ല​വ​ന്‍, കൊ​ല​പാ​ത​കം, കൊ​ള്ള​യ​ടി​ക്ക​ല്‍, മ​യ​ക്കു​മ​രു​ന്നു​ക​ട​ത്ത്, തീ​വ്ര​വാ​ദം എ​ന്നീ കു​റ്റ​ങ്ങ​ള്‍ ചു​മ​ത്തി അ​ന്വേ​ഷി​ക്കു​ന്ന വ്യ​ക്തി. ദാ​വൂ​ദി​ന്‍റെ ത​ല​യ്ക്ക് 25 മി​ല്യ​ണ്‍ ഡോ​ള​ര്‍ ഇ​നാം പ്ര​ഖ്യാ​പി​ച്ചി​ട്ടു​ണ്ട്. ദാ​വൂ​ദ് ഇ​പ്പോ​ള്‍ ക​റാ​ച്ചി​യി​ലാ​ണു താ​മ​സം.
പാ​ക് സ​ര്‍​ക്കാ​രി​ന്‍റെ ഇ​ന്‍റ​ലി​ജ​ന്‍​സ് വി​ഭാ​ഗ​ത്തി​ന്‍റെ​യും ഇ​ന്‍റ​ര്‍-​സ​ര്‍​വീ​സ​സ് ഇ​ന്‍റ​ലി​ജ​ന്‍​സി​ന്‍റെ​യും (ഐ​എ​സ്ഐ), സാ​യു​ധ സേ​ന​യു​ടെ​യും സു​ര​ക്ഷ​യി​ലാ​ണ് ഇ​യാ​ളു​ടെ രാ​ജ​കീ​യ​ജീ​വി​തം.

ഇ​ഖ്ബാ​ല്‍ ഭ​ട്ക​ൽ, റി​യാ​സ് ഭ​ട്ക​ൽ
ഇ​ന്ത്യ​ന്‍ മു​ജാ​ഹി​ദീ​ന്‍ സ്ഥാ​പി​ച്ച ഇ​ഖ്ബാ​ല്‍ ഭ​ട്ക​ലും, ഗ്രൂ​പ്പി​ന്‍റെ സ​ഹ​സ്ഥാ​പ​ക​നും അ​തി​ന്‍റെ ധ​ന​സ​ഹാ​യി​യു​മാ​യി പ്ര​വ​ര്‍​ത്തി​ക്കു​ന്ന സ​ഹോ​ദ​ര​ന്‍ റി​യാ​സ് ഭ​ട്ക​ലും കൊ​ടും​ഭീ​ക​ര​രു​ടെ പ​ട്ടി​ക​യി​ല്‍ ഉ​ള്‍​പ്പെ​ടു​ന്ന​വ​രാ​ണ്. ഇ​രു​വ​രും ക​റാ​ച്ചി​യി​ലാ​ണ് താ​മ​സം. പാ​ക്കി​സ്ഥാ​ൻ സ​ർ​ക്കാ​രി​ന്‍റെ​യും സൈ​ന്യ​ത്തി​ന്‍റെ​യും സം​ര​ക്ഷ​ണ​യി​ലാ​ണ് ഇ​വ​രു​ടെ പ്ര​വ​ർ​ത്ത​ന​ങ്ങ​ൾ.

ഇ​ന്ത്യ​യെ ആ​ക്ര​മി​ക്കാ​ന്‍ ഒ​ന്നി​ല​ധി​കം ഭീ​ക​ര ഗ്രൂ​പ്പു​ക​ളെ വ​ള​ർ​ത്തു​ന്ന പാ​ക്കി​സ്ഥാ​ൻ ലോ​ക​ത്തെ “ഭീ​ക​ര​ത​യു​ടെ ത​ല​സ്ഥാ​ന’​മാ​ണ്. അ​ന്താ​രാ​ഷ്ട്ര സ​മൂ​ഹ​ത്തി​ലെ ഉ​ന്ന​ത​ത​ല​ങ്ങ​ളി​ല്‍ ഇ​ന്ത്യ ഇ​ക്കാ​ര്യം ഉ​ന്ന​യി​ച്ചി​ട്ടും ഈ ​അ​വ​സ്ഥ തു​ട​രു​ന്നു. ഭീ​ക​രാ​ക്ര​മ​ണ​ങ്ങ​ളി​ല്‍ പാ​ക്കി​സ്ഥാ​ന്‍റെ പ​ങ്ക് വ​ര്‍​ധി​ച്ചു​വ​രി​ക​യാ​ണി​പ്പോ​ള്‍.