അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കുവൈത്തിലെ ഇന്ത്യൻ അംബാസഡറായി പരമിത ത്രിപാഠി ചുമതലയേറ്റതായി ഇന്ത്യൻ എംബസി അറിയിച്ചു. ഡെപ്യൂട്ടി ചീഫ് ഓഫ് മിഷൻ സഞ്ജയ് കെ. മുലൂക്കയും കുവൈത്തി പ്രോട്ടോക്കോൾ ഉദ്യോഗസ്ഥരും ചേർന്ന് അംബാസഡറെ വിമാനത്താവളത്തിൽ സ്വീകരിച്ചു.
ചുമതലയേറ്റ ശേഷം അവർ ഇന്ത്യയ്ക്ക് വേണ്ടി ജീവൻ ബലിയർപ്പിച്ച ധീര രക്തസാക്ഷികൾക്ക് ആദരാഞ്ജലികൾ അർപ്പിച്ചു. മഹാത്മാഗാന്ധിയുടെ പ്രതിമയിൽ പുഷ്പാർച്ചന നടത്തി, എംബസി വളപ്പിൽ ഇന്ത്യയും കുവൈത്തും തമ്മിലുള്ള ഉഭയകക്ഷി സഹകരണത്തിന്റെ പ്രതീകമായി ഒരു വേപ്പിൻ തൈ നടുകയും ചെയ്തു.
കുവൈത്തിലെ ഇന്ത്യയുടെ ആദ്യ വനിതാ അംബാസഡറായ പരമിത ത്രിപാഠി ഗൾഫ് മേഖലയിൽ ഇന്ത്യയെ പ്രതിനിധീകരിക്കുന്ന രണ്ടാം വനിതാ അംബാസഡറുമാണ്. അവർ ചുമതലയേറ്റത് ഇന്ത്യ-കുവൈത്ത് ബന്ധത്തിൽ പുതിയ അധ്യായത്തിന്റെ തുടക്കമായും, ഉഭയകക്ഷി സഹകരണം ശക്തിപ്പെടുത്താനുള്ള പ്രതിബദ്ധതയുമായും വിലമതിക്കപ്പെടുന്നു.
