അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അടൂർ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പ്രതിക്ക് കഠിനശിക്ഷ വിധിച്ച് അടൂർ ഫാസ്റ്റ് ട്രാക്ക് സ്പെഷൽ കോടതി. പന്തളം മുടിയൂർക്കോണം ചേരിക്കൽ ലക്ഷംവീട് കോളനിയിലെ ഷാജഹാൻ (48) ആണ് ശിക്ഷിക്കപ്പെട്ടത്. ഫാസ്റ്റ് ട്രാക്ക് കോടതി ജഡ്ജി മഞ്ജിത് ടിയാണ് അഞ്ച് വർഷം കഠിനതടവും 50,000 രൂപ പിഴയും വിധിച്ചത്.
കഴിഞ്ഞ മെയ് 3-ന് രാവിലെ ട്യൂഷനിലേക്ക് പോകുകയായിരുന്ന കുട്ടിയെ വഴിയിൽ തടഞ്ഞു പിടിച്ചാണ് പ്രതി പീഡിപ്പിച്ചതെന്നു കേസ് രേഖകൾ വ്യക്തമാക്കുന്നു. പരാതിയെ തുടർന്ന് പന്തളം പോലിസ് അന്വേഷണം ആരംഭിച്ചു.
സ്റ്റേഷൻ സബ് ഇൻസ്പെക്ടർ അനീഷ് എബ്രഹാംയാണ് അന്വേഷണത്തിന് നേതൃത്വം നൽകിയത്. വിചാരണയിൽ സ്പെഷൽ പബ്ലിക് പ്രോസിക്യൂട്ടർ അഡ്വക്കേറ്റ് സ്മിത ജോൺ പി. പ്രോസിക്യൂഷനെ പ്രതിനിധീകരിച്ചു. തെളിവുകളും സാക്ഷ്യങ്ങളും ശക്തമായി കോടതിയിൽ മുന്നോട്ടുവച്ചതോടെ ശിക്ഷ ഉറപ്പിക്കപ്പെടുകയായിരുന്നു.
കേസിനോടനുബന്ധിച്ച് കൂടുതൽ നടപടി തുടരുന്നതായി പോലീസ് അറിയിച്ചു.
