അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മേലാറ്റൂർ: മേലാറ്റൂരിനടുത്ത് ഒലിപ്പുഴയിൽ നിന്നു യുവാവിന്റെ മൃതദേഹം കണ്ടെത്തിയ സംഭവം പ്രദേശവാസികളെ ഞെട്ടിച്ചു. പൊട്ടിയോടത്തലയിലെ ഒരവംപുറം സ്വദേശിയായ ശ്രീധരൻ–ശാന്ത ദമ്പതികളുടെ മകൻ ശ്രീശാന്ത് ആണ് മരണപ്പെട്ടത്.
രാവിലെ ചൂണ്ടയുമായി മീൻപിടിക്കാൻ വീട്ടിൽ നിന്ന് പുറപ്പെട്ട ശ്രീശാന്ത് വൈകുന്നേരം വരെ തിരികെ വരാതിരുന്നതിനാൽ വീട്ടുകാർ ആശങ്കപ്പെട്ടു. മൊബൈൽ ഫോണിൽ വിളിച്ചപ്പോഴും പ്രതികരണമൊന്നും ലഭിക്കാത്തതോടെ കുടുംബം ഉടൻ പോലീസിനെ വിവരം അറിയിച്ചു.
സൈബർ സെല്ലിന്റെ സഹായത്തോടെ ഫോൺ ലൊക്കേഷൻ ട്രെയ്സ് ചെയ്തതിനെ തുടർന്ന് നാട്ടുകാർ തിരച്ചിൽ ആരംഭിച്ചു. ഒലിപ്പുഴ പാലത്തിന് താഴെ മണിതട്ടക്കുണ്ട് ഭാഗത്താണ് യുവാവിനെ കണ്ടെത്തിയത്.
