ദുല്‍ഖറിന് പിന്നാലെ അമിത് ചക്കാലക്കലിനും വാഹനം വിട്ടുകൊടുത്തു: എന്തായിരുന്നു ഓപ്പറേഷന്റെ ഉദ്ദേശം ?; ഇനിയും ഉണ്ടാകുമോ ഓപ്പറേഷന്‍ നുംഖോര്‍ ?

മാസങ്ങള്‍ക്കു മുമ്പ് കസ്റ്റം നടത്തിയ മിന്നല്‍ പരിശോധനയാണ് ഓപ്പറേഷന്‍ നുംഖോര്‍. വിലപിടിപ്പുള്ള വാഹനങ്ങള്‍ കടത്തിക്കൊണ്ടു വരുന്നതിനെയും അത്തരം വാഹനങ്ങളില്‍ കള്ളക്കടത്തു നടത്തുന്നതിനെയും കണ്ടെത്താനായിരുന്നു ഓപ്പറേഷന്‍ പ്ലാന്‍ ചെയ്ത് നടപ്പാക്കിയത്. എന്നാല്‍, ഈ ഓപ്പറേഷനുമായി ബന്ധപ്പെട്ട് വലിയ വിവാദം ഉയര്‍ന്നത്, നടന്‍ ദുല്‍ഖര്‍ സല്‍മാന്റെ വാഹനങ്ങള്‍ പിടിച്ചെടുത്തതോടെയാണ്. ഇതിനൊപ്പം പൃഥ്വി രാജിന്റെ വാഹനവും പിടിച്ചെടുത്തുവെന്ന് പറഞ്ഞിരുന്നു. കൂടെ അമിത് ചടക്കാലക്കലിന്റെ കാറും പിടിച്ചെടുത്തു. കസ്‌റഅറംസിന്റെ പരിശോദനയ്ക്കു ശേഷം ദുല്‍ഖറിന്റെ വാഹനം വിട്ടു നല്‍കിയിരുന്നു.

എന്നാല്‍, അമിത് ചക്കാലക്കലിന്റെ വാഹനം നല്‍കിയിരുന്നില്ല. പക്ഷെ, രേഖകളും മറ്റും ശരിയാണെന്ന് കണ്ടതിനെ തുടര്‍ന്ന് അമിതിന്റെ വാഹനവും വിട്ടു നല്‍കിയിരിക്കുകയാണ്. ബോണ്ടിന്റേയും ബാങ്ക് ഗ്യാരണ്ടിയുടേയും അടിസ്ഥാനത്തില്‍ ആണ് നടന്റെ ലാന്‍ഡ് ക്രൂയിസര്‍ എസ്.യു.വി വിട്ടുകൊടുത്തത്. അമിതിന്റെ അപേക്ഷ പരിഗണിച്ച് കസ്റ്റംസ് അഡീഷണല്‍ കമ്മിഷണറുടേതാണ് നടപടി. ഏത് സമയം ആവശ്യപ്പെട്ടാലും വാഹനം ഹാജരാക്കണം എന്നതുള്‍പ്പടെയുള്ള വ്യവസ്ഥകളും ഉണ്ട്. നേരത്തേ, ഭൂട്ടാന്‍ വാഹനക്കള്ളക്കടത്തുമായി ബന്ധപ്പെട്ട് കസ്റ്റംസ് ഒട്ടേറെ വാഹനങ്ങള്‍ പിടിച്ചെടുത്തിരുന്നു.ഈ വാഹനങ്ങള്‍ താത്കാലികമായി വിട്ടുകിട്ടുന്നതിന് അപേക്ഷ നല്‍കാന്‍ അവസരമുണ്ടെന്ന് ദുല്‍ഖര്‍ സല്‍മാന്റെ കേസില്‍ കസ്റ്റംസ് വ്യക്തമാക്കിയിരുന്നു.

ദുല്‍ഖറിന് വാഹനം വിട്ടുകിട്ടിയതിനു പിന്നാലെ അമിത് ചക്കാലക്കല്‍ സമാന അപേക്ഷ സമര്‍പ്പിക്കുകയായിരുന്നു. അതേസമയം, അമിതിന്റെ ഗ്യാരേജില്‍ നിന്ന് പിടിച്ചെടുത്ത മറ്റു വാഹനങ്ങളുമായി ബന്ധപ്പെട്ടുള്ള പരിശോധനകള്‍ തുടരുകയാണ്. കസ്റ്റംസ് പിടിച്ചെടുത്ത ലാന്‍ഡ് ക്രൂയിസര്‍ കഴിഞ്ഞ അഞ്ച് വര്‍ഷമായി താന്‍ ഉപയോഗിക്കുന്ന വാഹനമാണെന്ന് അമിത് നേരത്തേ പറഞ്ഞിരുന്നു. കഴിഞ്ഞ 15 വര്‍ഷത്തോളമായി വാഹനങ്ങള്‍ കൈമാറി വന്നതിന്റെ രേഖകള്‍ എല്ലാം കസ്റ്റംസിന് കൈമാറിയിട്ടുണ്ടെന്നും വാഹന്‍ സൈറ്റില്‍ കയറിയാല്‍ ഈ വിവരങ്ങള്‍ അറിയാമെന്നും അമിത് പറഞ്ഞിരുന്നു.

കഴിഞ്ഞ രണ്ട് വര്‍ഷത്തിനുള്ളില്‍ ഭൂട്ടാനില്‍നിന്ന് എത്തിയ വാഹനമാണോയെന്ന് അറിയുന്നതിനായി മുമ്പും കസ്റ്റംസ് തന്റെ കൈവശമുള്ള വാഹനങ്ങള്‍ പരിശോധിച്ചിട്ടുണ്ടെന്നും ഭൂട്ടാനില്‍ നിന്നുള്ള വാഹനമല്ലെന്ന് തിരിച്ചറിഞ്ഞിട്ടുള്ളതാണെന്നും അദ്ദേഹം പറഞ്ഞിരുന്നു. പിടിച്ചെടുത്ത ആറ് വാഹനങ്ങള്‍ എന്റേതാണെന്ന തരത്തിലാണ് പ്രചരണങ്ങള്‍ നടക്കുന്നത്. ഇത് തികച്ചും വസ്തുതാ വിരുദ്ധമാണ്. വാഹന വര്‍ക്ക്ഷോപ്പില്‍ എന്റെ കെയറോഫില്‍ പണിചെയ്യിക്കുന്നതിനായി വന്ന വാഹനങ്ങളാണിവ. ഇതിന്റെ ഉത്തരവാദിത്വം എനിക്കല്ലെന്നം അമിത് പറയുന്നു.

ഈ വാഹനങ്ങളെല്ലാം ഇന്ത്യയിലെ വിവിധ ഷോറൂമുകളില്‍ നിന്ന് എടുത്തവയാണെന്നും ഇതിന്റെയെല്ലാം ഇന്‍വോയിസുകള്‍ കസ്റ്റംസിന് കൈമാറി ബോധ്യപ്പെടുത്തിയിട്ടുണ്ടെന്നും അമിത് അറിയിച്ചിരുന്നു. കസ്റ്റംസ് പിടിച്ചതില്‍ ഒരു വാഹനം മാത്രമാണ് തന്റേതെന്നും അമിത് നേരത്തേ വ്യക്തമാക്കിയിരുന്നു. അതേസമയം കസ്റ്റംസ് നടത്തുന്ന ഓപ്പറേഷന്‍ നുംഖോറിന്റെ ഭാവി എന്താകുമെന്നാണ് സംശയം. ഓപ്പറേഷനു ശേഷം കസ്റ്റംസ് കമ്മിഷണര്‍ വിളിച്ചു ചേര്‍ത്ത വാര്‍ത്താ സമ്മേളനത്തിനിടയില്‍ വന്ന ഫോണ്‍കോള്‍ പോലും സംശയാസ്പദമായി തുരുകയാണ്.

അതിനു ശേഷം ഉണ്ടായതെല്ലാം വളരെ നാടകീയമായ സംഭവങ്ങളും. കമ്മിഷണര്‍ വേഗത്തില്‍ വാര്‍ത്താ സമ്മേളനം നിര്‍ത്തുകയായിരുന്നു. ഭൂട്ടാനില്‍ നിന്നും വരുന്ന വാഹനങ്ങളെ കുറിച്ചും, അതിലൂടെ നടക്കുന്ന നികുതി വെട്ടിപ്പും, കള്ളക്കടത്തുമെല്ലാം വിശദമായി സംസാരിച്ചിരിക്കെയാണ് ഫോണ്‍കോള്‍ വന്നതും വാര്‍ത്താ സമ്മേളനം നിര്‍ത്തിയതും. പിന്നീട്, കമ്മിഷണറിന്റെ ഒരു വരി സ്റ്റേറ്റ്‌മെന്‍രു പോലും കണ്ടിട്ടില്ല. പിന്നാലെ ദുല്‍ഖര്‍ സല്‍മാന്റെയും ഇപ്പോള്‍ അമിത് ചക്കാലക്കലിന്റെയും വാഹനങ്ങള്‍ വിട്ടുകൊടുക്കുകയും ചെയ്തു.

വ്യക്തമായ തെളിവോ, അറിവോ ഇല്ലാതെയാണ് കസ്റ്റംസ് ഓപ്പറേഷന്‍ നടത്തയത് എന്നതാണ് ഇവിടെ ഉയരുന്ന ചോദ്യം. പിടിച്ചെടുത്ത വാഹനങ്ങലില്‍ ഏതൊക്കെയാണ് നിയമപരമല്ലാത്തത് എന്ന് കസ്റ്റംസ് പറയേണ്ടചതുണ്ട്. കാരണം, സമൂഹത്തില്‍ നല്ല നിലയില്‍ ജീകിക്കുകയും, രാജ്യത്തിന്റെ നിയമങ്ങളെല്ലാംാ പാലിക്കുകയും, സമൂഹം അംഗീകരിക്കുകയും ചെയ്യുന്ന വ്യക്തികളെയാണ് ഇരുട്ടില്‍ നിര്‍ത്തിയത്.

content high lights; After Dulquer, Amit Chakkalakkal was also given a vehicle: What was the purpose of the operation?; Will there be another Operation Numkhor?