അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നിവിൻ പോളി, അജു വർഗീസ് എന്നിവരെ കേന്ദ്രകഥാപാത്രങ്ങളാക്കി അഖിൽ സത്യൻ സംവിധാനം ചെയ്യുന്ന ഏറ്റവും പുതിയ ചിത്രമാണ് ‘സർവം മായ’. ഹൊറർ കോമഡി ജോണറിൽ ഒരുങ്ങുന്ന ചിത്രം ക്രിസ്മസ് റിലീസായാണ് എത്തുന്നത്. ഇപ്പോഴിതാ മോഹൻലാൽ-സത്യൻ അന്തിക്കാട് കൂട്ടുകെട്ടിനെക്കുറിച്ച് സംവിധയകാൻ അഖിൽ സത്യൻ പറഞ്ഞ വാക്കുകൾ പങ്കുവെച്ചിരിക്കുകയാണ് നടൻ അജു വർഗീസ്.
“അച്ഛന്റെ ആദ്യകാല മോഹൻലാൽ സിനിമകൾ ഒന്നിനുപിറകെ ഒന്നായി സംഭവിച്ചതിന്റെ കാരണം നിവിനോപ്പം സർവ്വം മായ പൂർത്തിയാക്കിയപ്പോഴാണ് എനിക്ക് വ്യക്തമായി മനസ്സിലായത്. സന്മനസ്സുള്ളവർക്ക് സമാധാനവും, ഗാന്ധിനഗറും, നാടോടിക്കാറ്റും, വരവേൽപ്പും എല്ലാം ഒരു സംവിധായകനും നടനും ചേർന്നുണ്ടാക്കിയത് മാത്രമായിരുന്നില്ല. രണ്ട് സുഹൃത്തുക്കൾ അവർക്കേറ്റവും നന്നായി അറിയുന്ന ജോലി, അതൊരു ജോലിയെന്ന തോന്നലേ ഇല്ലാതെ ആസ്വദിച്ചു ചെയ്തത് കൊണ്ടാണ് അവയെല്ലാം ഇന്നും നമ്മളെ രസിപ്പിക്കുന്നത്. – അഖിൽ സത്യൻ” ഇതാണ് അജു വർഗീസ് സോഷ്യൽ മീഡിയയിൽ പോസ്റ്റ് ചെയ്തത്.
നേരത്തെ നിവിന്റെ പിറന്നാൾ ദിനത്തിൽ അഖിൽ സത്യൻ പങ്കുവെച്ച പോസ്റ്റ് വൈറലായിരുന്നു. എന്റെ മോഹൻലാലിന് പിറന്നാളാശംസകൾ എന്നാണ് അഖിൽ നിവിനെക്കുറിച്ച് പറഞ്ഞത്. ഫഹദ് ഫാസിൽ നായകനായ പാച്ചുവും അത്ഭുതവിളക്കും എന്ന സിനിമയ്ക്ക് ശേഷം അഖിൽ സത്യൻ ഒരുക്കുന്ന ചിത്രമാണ് സർവ്വം മായ. നിവിന് പോളിയും അജു വര്ഗീസും ഒന്നിക്കുന്ന പത്താമത്തെ ചിത്രം എന്ന പ്രത്യേകതയും ‘സര്വ്വം മായ’ക്കുണ്ട്.
ജനാര്ദ്ദനന്, രഘുനാഥ് പലേരി, മധു വാര്യര്, അല്ത്താഫ് സലിം, പ്രീതി മുകുന്ദന് എന്നിവരും അണിനിരക്കുന്നു. ഫയര്ഫ്ളൈ ഫിലിംസിന്റെ ബാനറില് അജയ്യ കുമാര്, രാജീവ് മേനോന് എന്നിവരാണ് ഈ ചിത്രം നിര്മിക്കുന്നത്.
