അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പറഞ്ഞതെല്ലാം പച്ചക്കള്ളമാണെന്ന് എല്ലാവര്ക്കുമറിയാം. അതുകൊണ്ടു തന്നെ നടന് ദിലീപിനെ കിംഗ് ലയര് എന്ന് വിളിച്ചെങ്കിലും, നടിയെ പീഡിപ്പിച്ച കേസില് വെറുതേ വിട്ടിരിക്കുന്നു. കേസിന്റെ വിധി വന്നതോടെ ദിലീപ് കൊച്ചി രാജാവായിരിക്കുകയാണ്. അദ്ദേഹത്തിന്റെ സിനിമകളില്പ്പോലെ ആയിരുന്നു ദിലീപിന്റെ ജീവിതവും, കേസും. ഇത്രയും നാള് സദാനന്ദന്റെ സമയത്തിലെ കഥാപാത്രത്തെപ്പോലെ മരണ വിധിയും കാത്ത് നടപ്പായിരുന്നു. എല്ലാ അമ്പലങ്ങളിലും നേര്ച്ചയും, ശബരിമല ചവിട്ടിയും, ഭാര്യയുമൊത്തുള്ള ജീവിതം ദുഖമയമാക്കിയുമെല്ലാം നീണ്ടു. എന്നാല്, ഒടുവില് ഒരു ദിവസം താന് മരിക്കുന്നതിനു വേണ്ടി തയ്യാറായി കിടന്നിട്ടും, മരിക്കാതെ പിറ്റേ ദിവസം ഉയര്ത്തെഴുന്നേറ്റപ്പോള് ജാതകവും, ശത്രു ദോഷവും ഒന്നും ശരിയല്ലെന്നു പഠിക്കുകയും ചെയ്തു.
ആ സിനിമയില് കാവ്യാമാധ്യവന് തന്നെയായിരുന്നു ദിലീപിന്റെ നായിക. ജീവിതത്തിലും ഇപ്പോള് നായിക കാവ്യ തന്നെ. ഇന്നലെ വരെ ഒരു ദിലീപ്, ഇന്ന് വേറൊരു ദിലീപ് എന്നതാണ് വസ്തുത. ഇപ്പോള് ദിലീപിന്റെ സിനിമയുടെ പേരുകള് പോലെയായി മടങ്ങി വരവ്. കിംഗ് ലയറെന്ന് പറഞ്ഞവര്ക്കിടയിലൂടെ സദാനന്ദന്റെ സമയവും താണ്ടി വാളയാര് പരമശിവത്തെപ്പോലെ വിസ്മയം തീര്ത്ത് കുടുംബകോടതിയില് പാടനായകനായിരിക്കുകയാണ്. ഇനി ഈ പുഴയും കടന്ന്, സല്ലാപത്തിനെത്തുന്നവരോടൊപ്പം മന്ത്രമോതിരവുമായി സിനിമയില് കുടമാറ്റം നടത്താനിറങ്ങുമെന്നുറപ്പാണ്. ഇന്നുവരെയും ദിലീപിന്റെയും കാവ്യയുടെയും വീട് പഞ്ചാബി ഹൗസിനു തുല്യമായിരുന്നു.
എല്ലാവരുടെയും മുമ്പില് ഒരു ജോക്കറായി ജീവിച്ചു. വര്ണ്ണക്കാഴ്ചകളോ വര്ണ്ണപ്പകിട്ടുകളോ ഒന്നുമില്ലാതെ കുറച്ചു സിനമകള് ചെയ്തു. സൂത്രധാരനായി കണ്ട ദിലീപിനെ ആര്ക്കും ഇഷ്ടമില്ലായിരുന്നു. അയാള് ഒരു കുബേരനായിരുന്നു എന്നതാണ് പ്രശ്നം. അപ്പോഴും അയാള്ക്ക് വാര് ആന്റ് ലൗ ആയിരുന്നു കാവ്യാ മാധവനോട്. മീശ മാധവന് പോലും കാവ്യാ മാധ്യവനെ ബൂസ്റ്റ് ചെയ്യാനായിരുന്നു ആ പട്ടണത്തിലെ സുന്ദരന് തയ്യാറായത്. പക്ഷെ, സി.ഐഡി. മൂസയെപ്പോലെ ചിലര് കാവ്യയുമായുള്ള ബന്ധം മഞ്ജുവാര്യര്ക്ക് ചോര്ത്തിക്കൊടുത്തതോടെ തിളക്കമാര്ന്നു നിന്ന ദാമ്പത്യത്തില് വഴക്കിന്റെ പെരുമഴക്കാലം തുടങ്ങി. വെട്ടം വീഴാന് നോക്കി നില്ക്കും മിഴി രണ്ടിലും പകയുടെ ചക്രം തിരിയാന്. അവിടെയൊക്കെ ഒന്നുമറിയാത്ത ചാന്തുപൊട്ടിനെപ്പോലെയൊക്കെ അഭിനയിച്ചു നോക്കിയെങ്കിലും പാണ്ടിപ്പട പോലെ വിവാദങ്ങള് റണ്വേ കയറി.
ഇന്സ്പെക്ടര് ഗുരുഡും സംഘവും പിന്നെ സ്വന്തം ലേഖകരും ദിലീപിനെ തലങ്ങും വിലങ്ങും ട്വന്റി20 കളിച്ചു. ചിലര്ക്ക് അത് മൗസ് ആന്റ് ക്യാറ്റ് പോലെ ആയിരുന്നു. ബോഡി ഗാര്ഡു പോലുമില്ലാതെയാണ് അതെല്ലാം സ്വയം ഏറ്റുവാങ്ങിയത്. ഇതെല്ലാം ഇന്ന് വെരുമൊരു ഓര്മ്മമാത്രം. തന്നെ നടിയെ പീഡിപ്പിച്ച കേസില് സ്പാനിഷ് മസാല പോലെ ഫ്രൈ ചെയ്തവരെയെല്ലാം ദേ പുട്ടില്
വിളിച്ച് ഒരു ഡിന്നര് കൊടുക്കുമെന്ന് പ്രതീക്ഷിക്കാം. മിസ്റ്റര് മരുമന് എന്ന് മഞ്ജു വാര്യരുടെ അച്ഛന് ആദ്യം വിളിച്ച ദിലീപിനെ ഇപ്പോള് കാവ്യാ മധവന്റെ അച്ഛനാണ് വിളിക്കുന്നത്. മരുമകനൊരു റിംഗ് മാസ്റ്ററാണെന്ന് തെളിയിച്ചിന്റെ സന്തോഷം കാവ്യയുടെ അച്ഛനുണ്ടാകും. ഇത്രയും വലിയൊരു അവതാരത്തെ ഇതുവരെ കണ്ടിട്ടില്ലല്ലോ.
ഇവന് മര്യാദ രാമനല്ലേ. ലൈഫ് ഓഫ് ജോസൂട്ടി പോലെ. ചന്ദ്രേട്ടന് എവിടെയാന്നു വിളിച്ചു ചോദിച്ചാല് അപ്പോള് വിളികേള്ക്കുന്ന ആളാണ്. രാമലീല കളിച്ചു രസിച്ചിട്ടും കമ്മാര സംഭവം പോലെ കോടതി സമക്ഷം ബാലന് വക്കീല് കോടതിയില് ഭ.ഭ.ബ വിക്കിയത് തങ്കമണി കേസ് വന്നപ്പോഴാണോ. ടൂ കണ്ട്രീസ് തമ്മിലുള്ള കേസാണിതെന്ന് വില്ലാളി വീരന് പറഞ്ഞിട്ടും, പിന്നെയും ഏഴു
സുന്ദര രാത്രികള് സ്വപ്നം കണ്ടത് എന്തിനായിരുന്നു. സൗണ്ട് തോമയുടെ മൈ ബോസിനെ ഫിലിംസ്റ്റാറാക്കിയതിനു പിന്നിലും ദിലീപിന്റെ കരങ്ങളുണ്ടെന്നാണ് പറയുന്നത്. മേരിക്കുണ്ടൊരു കുഞ്ഞാടിനെ പീഡിപ്പിച്ച കാര്യസ്ഥന് ഇപ്പോള് വെല്ക്കം ടു സെന്ട്രല് ജയില് കാത്ത് കിടക്കുകയായിരുന്നു.
ഭാഗ്യംകൊണ്ട് കേശു ഈ വീടിന്റെ നായകന് എന്ന രീതിയില് കാര്യങ്ങള് മാറി മറിഞ്ഞു. ഇതാണ് കേസ് തന്നെ കഥാവശേഷനായി മാറിയപ്പോള് ഉണ്ടായതും. ഇനിയാണ് ദിലീപിന്റെ വിനോദയാത്ര. കേരള കഫേയിലും കയറും. അവിടെയുള്ള പാസഞ്ചേഴ്സിനെ കാണും. കേസിന്റെ നാളുകളെല്ലാം ഒരു അവധിക്കാലം പോലെ വിടും. എന്നിട്ട് ചൈനാടൗണില് കറങ്ങും. വെള്ളരിപ്രാവിന്റെ ചങ്ങാതിമാരും ഉണ്ടാകും. ദിലീപൊരു ശ്രിംഗാര വേലനോ നാടോടി മന്നനോ, കൊച്ചി രാജാവോ ആണെന്ന് ഇനിയ.ും സംശയമുള്ളവര് ഉണ്ടോ.
CONTENT HIGH LIGHTS: Dileep the King of Kochi?: Even though he surpassed Sadanandan’s time in King Liar, he created a sensation in the family court through Walayar and became a hero: Is Dileep’s life like his movies?
